غزوة دهم وعبيده على الدواسر وفعل الشيخ نايف بن نيف الودعاني

**معلومات** **العضو** · 06-06-2010, 01:00 AM

السلام عليكم ورحمة الله وبركاته

قصة غزو عبيده ودهم على الدواسر وموقف الفارس ( نايف بن محمد بن نيف الودعاني الدوسري (عضيب) وبعيره

ظبيان 0في ذلك اليوم)

وحسب مالدي من معلومات انه في بدايات حكم الملك عبدالعزيز ومن المعروف في الجزيره العربيه انهم

متناحرين و غزوات وسلب والقوي ياخذ الضعيف 000الخ0

وفي سنه من السنين كانت مجموعه من الدواسرالبدو في منطقه تسمى القانس شرق السليل 70 كم

تقريبآ ومن المعروف ان البدو وكذلك الغزو اذا استقرو في مكان حطو عليهم سبر (رقيبه)وقد غزو عليهم

عبيده ودهم من قبايل اليمن المحاذيه للسعوديه طمعاً في الدواسر وابلهم وهم على راس بن هضبان

وبعد ماشاهد السبر القوم متجهين الى الأبل في المفلى (المرعى) صاح وقال القوم فيكم وركبو الرجال

المتواجدين من الدواسر ذلك اليوم وكان الشيخ نايف المذكور معهم وعمره لايتجاوز 22سنه ومعه اخوه هادي

مترادفين على بعيره ظبيان وظبيان ينحدر من سلالة جيش اصايل ومعروف بالسبق وليس معهم سوى

بندقيه واحده مع الشيخ نايف وكان من اشهر الرماه (بواردي) وكان من هواة الرمي والقنص 0

القوم بعد ما سمعو الصياح والرمي والفزاع رجعوا على اعقابهم مولين0

ونايف على ظبيان ابا ان يرجع و سبق الفزاع بمسافه وادرك القوم وذبح واحد منهم وبعد ذلك حول ابن

هضبان ورمى ظبيان وكسره خوفآ ان يلحق بهم الفارس نايف لما رأى فيه من جرأه وشجاعه وولأ مدبرآ

والشيخ نايف لايوجد معه سوى رصاصتين وقام يرمي ابن هضبان وهم مايعرفون بعض وكان ابن هضبان ينقز

يمين ويسار وهو مسرعا خوفآ من الرصاص وكل ما نقز في اتجاه وقع العبرود في مكانه 0

وبعد ذلك انهزمو القوم والفزاع رجعو وظبيان فارق الحياة 0

وبعد الأمن والأمان ولله الحمد وفي ذاة يوم كان ابن هضبان يسولف على مجموعه من الدواسر بهذه

القصه ويقول حسب لهجته :
( لعنابيه خلجت ام نايف انااشهد انه بواردي وشجاع والله اني وانا انقز مسرع ان البندق توقع بين رجلي في الأرض ولكن ربي ستر)
وكان الناس من قديم يشيدون بالشجاع

ولو كان من اعداءهم 0

وقال الشيخ نايف بعد ذلك قصيده في الواقعه وظبيان ولم تحضرني0

ارجوا من الجميع العذر ان اطلت والســـــــــلام 0

والشيخ نايف الله يحفظه ويعطيه العافيه معروف بالشجاعه والشعر وهو شاعر معروف ومن فحول

الشعراء الدواسر عامه وله مواقف مشرفه وقصائد كثيره ومعروفه وسأذكرها ان شاء الله فيما بعد ،،

**معلومات** **العضو** · 06-06-2010, 04:37 PM

الف شكر ،،،،والله يرحم الشيخ نايف رحمة واسعه

**معلومات** **العضو** · 06-06-2010, 11:51 PM

اقتباس:المشاركة الأصلية كتبت بواسطة رمح المساعره

الف شكر ،،،،والله يرحم الشيخ نايف رحمة واسعه

يامرحبا ومسهلا أخوي رمح حياك الله يالذيب ، والعفو وبالنسبة للشيخ نايف فهو حي يرزق الله يعطيه الصحه والعافيه ويحفظه من كل شر وعمره الآن 120 سنه ،،

عطرت الصفحه بمرورك الكريم
تقبل تحياتـي

**معلومات** **العضو** · 07-06-2010, 01:28 AM

الله يعطيك العافيه وبيض الله وجهك على الطرحُ
والله يطولُ بعمرُ الشيخ : نايف بن نيف الودعانيُ
وتقبل موروري

**معلومات** **العضو** · 07-06-2010, 09:13 AM

الدواسر ياويل من يعاديهم والشيخ نايف ضرب اروع الامثله في الدفاع عن الوطن الله يطول عمره على طاعة اللهم احفظ لنا وطننا من كل مكروة

**معلومات** **العضو** · 07-06-2010, 12:59 PM

اقتباس:المشاركة الأصلية كتبت بواسطة ابوقرين
الدواسر ياويل من يعاديهم والشيخ نايف ضرب اروع الامثله في الدفاع عن الوطن الله يطول عمره على طاعة اللهم احفظ لنا وطننا من كل مكروة

أبو قرين ارحب تراحيـب المطر ياذيبان حياك الله ، الوطن يستاهل من يدافع عنه والله يطول عمر الشيخ نايف على طاعه

تحياتي لك يالقرم

**معلومات** **العضو** · 16-06-2010, 12:03 AM

يعطيك العافيه على هذه القصه الجميله .

وعسى الله يحفظ الشيخ /نايف بن محمد بن نيف الودعاني الدوسري .

**معلومات** **العضو** · 16-06-2010, 01:31 AM

أخوي عبدالرحمن حياك الله ، والله يعافيــك
أمين يارب ويطول عمر من يقـول

شرفت الصفحه بمرورك الجميـل ،،

**معلومات** **العضو** · 16-06-2010, 02:31 AM

بيض الله وجهك على هذه القصه النادر ولاهي غريبه على صبيان ودعان العلوم الغانمه
والله يطول عمر الشيخ/نايف ويمده بالصحه والعافيه

**معلومات** **العضو** · 16-06-2010, 04:17 PM

أخوي خميس مرحبا ومسهلا ووجهك أبيض يالذيب ولاعليكم زود ياصبيان الغييثات ولابه قصوراً في الجميـع ،،

أمين الله يرحم شيبانـك ويطـوّل عمر من يقـول
عطرت الموضوع بالمرور الرائـع
تحيـاتي لك

**معلومات** **العضو** · 18-06-2010, 04:03 PM

كفوا ,,,كفوا ماهي غريبة عليكم يالوداعين ,,

**معلومات** **العضو** · 21-06-2010, 07:12 PM

ماعليك زود يالسلطان وكفوك العود الأزرق يالذيب
حياك الله طال عمرك شرفتنا بالمرور العطر ،،

**معلومات** **العضو** · 22-06-2010, 01:41 PM

كفو والله بآلاد ودعان كفو ومهي غريبة

الله يعافي الشيخ نايف بن محمد بن نيف الودعاني الدوسري

ويطول عمره على طاعته ويخليه لعينً ترجيه

بيض الله وجهك على السالفه

**معلومات** **العضو** · 22-06-2010, 08:27 PM

ناصر البدراني اررررحب تراحيب المطر ، ماعليك زود طال عمرك وكفوك العود الأزرق يالذيــــب
أمين يارب والله يطول عمرك وعمر شيبانـك
ووجهـــــــك أبيض

لاهنت على المرور الكريــــــم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية