||•°· راعــــي الظليمـــــه لا تبــــاطا مطيحـــه •°||

[معلومات العضو سلوة الخاطر]

؛؛

قالوا حكو بك قلـت وش هم يقولون
=================== وش قيل فيــنا يالوجيه الفليــحه
شوفوا مرد الهرج وش هـم يطرون
=================== حتى نعرف مزوره مـن صحيـحـه
كان الكلام من المعادي على هون
=================== بعض المسبـــه بالمجالس مديحـه
تجيه عربان من الله يخـافـون
=================== عن الظليــــمه ينصحونه نصيحه
لو كان خلق الله على الحق يمشون
=================== كـان القلـــوب من الخطا مستريحه
كم واحد بعروض الأجواد مفتون
=================== وهو سلومـــه يفضحنّه فضيـحـه
وكم واحد يطعن وهو فيه طعون
=================== يذم ريح النـاس والشيـــن ريحـه
بعض كلام الناس تهمات وظنون
=================== قــــول تنميـه الوجيـه الوكيحـه
والظلم لو فازوا هلـه مايدومون
=================== راع الظليمه لا تباطا مطيحــــــه
والناس هذا الناس من عصر ذا النون
=================== كل(ن) على دربـــه ركابه مشيحـه
مـايمدح الرجل بالشكل واللـون
=================== ابحـث معـه لينــك تعرف القريحـه
المستريح اللي من الشـك مأمون
=================== مع كــل خلـق اللـه علومه مليحـه
حي عليه النـاس بالشكـر يثنون
=================== وإلا توفــى خله (اللـــه يبيحــه)
وكم واحد(ن) لو هو بالالحاد مدفون
=================== ذكراه عنـــد الناس بيضاء صفيحـه
وكم واحد(ن) يجمع ملايين وخزون
=================== مـال تنميـه الأيــديــن الشحيـحه
لاتشكــره رمـلاء ولافك مديون
=================== ولا حــــل مشكلـة النطيح بنطيـحه
ولاله على جاره من الفضل ماعون
=================== لو أن جيـــرانـه تشـوف الذبيحـه
وبعض الرجال بهم شريفون وعفون
=================== كل(ن) علــى مـاقـال يرجـع لكيحـه
وبعــض الرجـال بضحكهـم يستغلون
=================== يجيبهــا من نـوع زلقـة بطيحـه
الهـــرج لـــه نقاض والرد للشون
=================== مـزح الجـزع يأثر بكبـدك جريحـه
هــذا وأنـا ماني من الناس ملسـون
=================== لاشـك أنـا أرفـض من تزايد جميحه
قلتـــه وكــل الناس غيري يقولون
=================== راعـــي الظليمـه لاتبـاطا مطيحـه

 

 

 

 

[معلومات العضو ناصر بن فهد]

:::
::
:





الله اللهُ صــ حُ لسـآنكُ واعلتىُـآ شـآنكُ"
وصـ حُ لسآنُ شاع ـرهـآً ..
ولـآهنتيُ على ُ الـآختيآر الرآئــ ع‘‘

 

 

 

 

[معلومات العضو سلوة الخاطر]

ناصر الدوسري
صح بدنك ,,
وسلمت يمنآك على المشاركة والحضُور
:
:
لك العآفية يآربْ

 

 

 

 

[معلومات العضو عبدالله الحافر الغييثي]

كان الكلام من المعادي على هون= بعض المسبـــه بالمجالس مديحـه

الله الله اختيار موفق وابيات حكيمه فعلا" الله يرحم شاعرها الشاعر/مرشد البذال ويغفر له ولاهنتي اختي الفاضله

 

 

 

 

[معلومات العضو راشد محمد المقابله]

صح السان الشاعر

أبيات جزله جدا جدا

لاهنت على النقل المميز

 

 

 

 

[معلومات العضو محمد بن سالم الخضراني]

لاهنت ياسلوة الخاطر ورحم الله الشاعر ,,

 

 

 

 

[معلومات العضو سلوة الخاطر]

؛؛
أهلآ بكم أخوتي
شاكرة لكم تعطيركم لمتصفحي

دمتم

 

 

 

 

[معلومات العضو الهاج ـري]

صح الله السانس والسان القايل

لكنها مكرره >> كح كح ملقوف

تقبلي مروري

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو ابو فهد الغييثي]

صح السان قايلها وسلمت يمين ناقلها

طرح راق لي تحيااااااااااتي لك

 

 

 

 

[معلومات العضو سلوة الخاطر]

,‘

الهاجري

مآعندي علم واللهي
مآنكررها ان شاء الله ,,

رماد
ابو فهد الغييثي

شكرا على طيب المرور

 

 

 

 

[معلومات العضو نايف الخييلي]

الله يرحم مرشد البذال


قصيده معبّره وفيها من المعاني والحكمه الشئ الكثير

عافاك ربي

 

 

 

 

[معلومات العضو سلوة الخاطر]

نـآيف الخييليْ

أهلآبك أخي الفاضل
مرورك شرف للصفحه
فـَ شكرا على طيب المرور

 

 

 

 

[معلومات العضو محمد بن حمد الشكرة]

الله الله اختيار موفق وابيات حكيمه فعلا" الله يرحم شاعرها الشاعر/مرشد البذال ويغفر له ولاهنتي اختي الفاضله

 

 

 

 

[معلومات العضو سلوة الخاطر]

محمد الشكرة

ومن قال مايهوونْ
مرورك شرف للصفحه
فـَ شكرا على طيب المرور