ابيات في الجيب

[معلومات العضو عبدالله الصخيبري]

وش سوات الي هناه النوم ساعه ثم قزا = ولاهاد همه دكت عليه الهجوس وهزته
منوته جيبً مضمن وله على الحد مغزا = سامح امن الدار عواش يومها ماعزته
ابيضً شاش يشفي علول الدريول لاعتزا = ومع محابيل الحويا آه ماطيب فزته
زين مرواحه ايلا جاء مع الحّمر ونزا = مامعي غير الخوي كون الشراب ومزته
اشهد انها لاوصلت للجد عنه مانعزا = خص لامن جا وقت المحد وحزته
يمنك من بعد ربي لازما الخوف ووزا = واحزمت كبدك على حالي الطعام وكزته
فوالله والله مانلحق لمن جابه جزا = نذكر البهوان بالخير كلما شفنا رزته

 

 

 

 

[معلومات العضو الواضح]

عبدالله الصخيبري



صح الله لسانك على هذه القصيده




في وصف الجيب


والله يعطيك منوتك





والشي بالشي يذكر هناك قصيدة الحبيل في الفكسار


--------------------------------------------------------------------------------

راكب اللي لامشا الخـط الطويـل =لو مشآ يومييـن ماجـاب الملـل
اسمحولي باصفه وصف(ن)قليـل=عقب وصفي ياعسآدربـه سهـل
أقصد الفكسـار ماغيـره بديـل=نعنبو من صممـه ليـن اكتمـل
امدحه وان مامدحت اخر موديـل=ويش ابمدح موتر(ن)غيره اجـل
وارد اليابـان ماجـالـه مثـيـل=اقطـم بالسـوق مامثلـه نــزل
ابيض (ن)لونه مثل زبدة صميـل=وارثمن خشمه مثل خشـم الفحـل
لون زيقه لمعت السيف الصقيـل=لمع برق(ن)فـي خيال(ن)منهمـل
والعلامه لاسـري مثنـات ليـل=في جبينه كنهـا كوكـب زحـل
ويتهـزع مثـل نقـاض الجديـل=ومنوته مثنـات خط(ن)لانسحـل
ويتنهـض لبرمـه بالقـاع ويـل=وان بغيتـه يعتلـي راس الجبـل
كن تشيله عن عزاز الارض شيل=وفيه مـن قـدام دفرنـس الدبـل
مـاورد مثلـه مواتـر مستحيـل=ان رضا راعي السفاري وان زعل
الجيوب اوصافها بالـراس خيـل=من خويه جيـب ماجـاه الزمـل
افترد عبداللطيـف الهـن وكيـل=وعامل اليابان وانصـح بالعمـل
فوقه اللي لامشي الغـدراء دليـل=ويتحمـل لشقـاء مثـل الجمـل
في لزومي عن طريقـه مايميـل=ولانخيتـه ماتمـشـا بالمـهـل
حوله مع حافت الضلـع المهيـل=لين عنـه أطويـق قـدام انعـزل
ماسمحله ياعسـي جالـه يسيـل=لوسمحلـه قيـد سواقـه وصـل
ولاتساوي مـر ومرات(ن)يعيـل=ولاتعداء من وراء شقراء انعـدل
ثم تنهض مابقـاء لوكـان ميـل=داخـل الطبلـون والخـط انحـل
وشد حيله مابقـاء بالحـال حيـل=لين ضاق الكون جاء كبر الدحـل
والهوي عن رفرفه جالـه شخيـل=راسي(ن)ومرسيـه كبـر العجـل
المراكـز ماتعرضـلـه سبـيـل=خابرينـه عـن هدفهـم مستقـل

 

 

 

 

[معلومات العضو عبدالله الصخيبري]

اخوي الغالي الواضح صح بدنك وصح لسانك ولسان الحبيل والله يعطيك العافيه على نقل القصيده ولاتخلينا من قصايده ان كان له عندك قصايد

اخوك : عبدالله

 

 

 

 

[معلومات العضو وقيان الصخابره]

الغالي ابو سعود

عز الله انك سريتنا تالي ذا الليل

صح ألسانك ياخالي

 

 

 

 

[معلومات العضو عبدالله الصخيبري]

عوايد الله يحييك لاتحججبها امسك ارضك لين تصبح كل يوم وانت مسترخص

على كلن حياك الله يابو فهدوصح بدنك

 

 

 

 

[معلومات العضو الودعاني]

عطية الله ماغير مثيل من المواتر
صح لسانك يا الشاعر/ عبدالله الصخيبري.
على ماخطته يداك..

 

 

 

 

[معلومات العضو عبدالله الصخيبري]

صح بدنك يابو ناصر وشرفني مرورك الكريم