وصـداه عـوّد علـي يقـول مافيـه احـد

[معلومات العضو الزين]

قصيده رائعـــــــه للشاعر مرزوق الروقى

أبطيت ما أبديت مافي خاطـري مـن كـلام=لـو بيـن الاضـلاع هـمٍ مايعـدّه عــدد
سكّـت لأن الكـلام يهـجّ بــاب الـمـلام=واليوم طالت بـي اوجاعـي وطـال الأمـد
اليا انجلا الليـل الاظلـم حـل بعـده ظـلام=كـن الظـلام متسـيّـد عالـمـي لـلأبـد
ورحى المواجع ليـا دقـت جـروحٍ قـدام=قامـت سنينـي تناولهـا جــروحٍ جــدد
واليا تقضّبت فـي حبـل الرجـا مااستقـام=امّا فلت مـن يـدي والا غـدا مـن مسـد
صحيت مـن صدمـةٍ منهـا يفيـق النيـام=في غفلتي مادريت الاّ بـ.. (( قم ياولـد ))
ووقفت والمـوت مابيـن اللحـم والعظـام=يفتك وانـا اطلـب مـدد لكـن مابـه مـدد
ناديت من حولي وصوتـي صـدح فالزحـام=وصـداه عـوّد علـي يقـول مافيـه احـد
ربعي مضوا دون عوده .. لو حشمت الحشام=واصحابي اقفوا بعد .. واحبابي اقفوا بعـد
والغيث عيّـا يحـول مـن بطـون الغمـام=لو .. لوّح البرق فـي وجهـه ودنّ الرعـد
أمشي واشوف التساؤل فـي عيـون الأنـام=ليه الزمـان انقلـب والكـون جـنّ وقعـد
ليه انقتل حلم مـن يحلـم بعيـش السـلام=اليا سلم من حميّـد .. ماسلـم مـن حمـد
بين المحـن والـزلازل والحمـم والحطـام=ذنوب تفعل عمـد .. وذنـوب شبـه العَمَـد
وطى الكبير الصغير وقيـل حسـب النظـام=ووطت بلد في بلد .. قالـوا سياسـة بلـد
وانا أرى والله اعلـم .. والنـوازل جسـام=نص البلاوي بدت من تحـت راس الحسـد
كلن يبا الـزود عنـده لـو يجـي بالحـرام=ياخـذ ويمنـاه .. مغلولـه ليـا جـا يمـد
اضعاف الانفس هل الروغات روس اللئـام=تناقـص ايامهـم واحوالهـم فــي نـكـد
لا شافوا ابن الكرام اللـي بلـغ لـه مـرام=كلن جذب مـن قصـي الـروح ونّـة كمـد
أبديت بعض الكلام وفيـه عنـدي كـلام=عساااي ما انحّد في عمري واقولـه لأحـد

وسلامتكـــــــــــم

 

 

 

 

[معلومات العضو راشد المسعري]

عليكم السلام ورحمة الله وبركاته:

والغيث عيّـا يحـول مـن بطـون الغمـام..لو لوّح البرق فـي وجهـه ودنّ الرعـد


الله الله ، أكيد الحسد هو السبب مثل ماقال الشاعر في آخر الأبيات

الله يهدي المسلمين لما فيه الخير وينظف قلوبهم وينقيها

وصح لسان الشاعر الجزل مرزوق الروقي ولاهنتي على النقل الطيب ،،،،

 

 

 

 

[معلومات العضو شيهانه بكف صقار]

أبديت بعـض الكـلام وفيـه عنـدي كـلام عساااي ما انحّد في عمـري واقولـه لأحـد


لاهنننننننننتي يالزين ع ا لنقل الرائع
قصيدددة جزلة وصح الله لسانك ولساان القاييييييل

دمتي بكل خير

 

 

 

 

[معلومات العضو ناصر بن فهد]

صح لسان الشاعر وصح لسانس


ولاهنتي على نقل القصيده

 

 

 

 

[معلومات العضو الزين]

المشاركة الأصلية كتبت بواسطة راشد المسعري

عليكم السلام ورحمة الله وبركاته:

والغيث عيّـا يحـول مـن بطـون الغمـام..لو لوّح البرق فـي وجهـه ودنّ الرعـد


الله الله ، أكيد الحسد هو السبب مثل ماقال الشاعر في آخر الأبيات

الله يهدي المسلمين لما فيه الخير وينظف قلوبهم وينقيها

وصح لسان الشاعر الجزل مرزوق الروقي ولاهنتي على النقل الطيب ،،،،

ومن قال مايهون وبيض الله وجهك على المرور الطيب

 

 

 

 

[معلومات العضو الزين]

المشاركة الأصلية كتبت بواسطة شيهانه بكف صقار

أبديت بعـض الكـلام وفيـه عنـدي كـلام عساااي ما انحّد في عمـري واقولـه لأحـد


لاهنننننننننتي يالزين ع ا لنقل الرائع
قصيدددة جزلة وصح الله لسانك ولساان القاييييييل

دمتي بكل خير

صح بدنتس ومن قال مايهون يا الشيهانه

 

 

 

 

[معلومات العضو الزين]

المشاركة الأصلية كتبت بواسطة ناصر الفصام

صح لسان الشاعر وصح لسانس


ولاهنتي على نقل القصيده

ومن قال مايهون وبيض الله وجهك على المرور الطيب

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو الزين]

المشاركة الأصلية كتبت بواسطة رماد

.
.
•
سلم النآقل .. والمنقول ..

فعلآاً ..
مُتصفح .. رآق

لاهنت على المرور الطيب