ماقاله الشيخ/ حفيظ بن عجب .. فالموقع الرسمي لقبيلة الدواسر

[معلومات العضو ابوعبدالعزيز]

تسلم يا عبد الرحمن الشرافي

والموقع يستاهل التقدير والاحترام وهايف العماني يستاهل الطيب

والله يبارك في عمر حفيظ بن عجب

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة أبونواف الدوسري

الأخ عبد الرحمن الشرافي

كل الشكر والتقدير علي هذا الموضوع

وجهود الأخوان في أدارة المنتدي كبيره لرفعة أسم هذا المنتدي...

تحية تقدير وأجلال لما بذلوه وسيبذلونه لرفعة هذا المنتدي

والشكر موصول للشيخ / حفيظ بن عجب الشكره الدوسري عسي الله يطول في عمره

ويمده بالصحه والعافيه..

تقبلوا تقديري وأحترامي

أخوكم أبو نواف الدوسري

يا مرحبا بك يا ابو نواف


ولاهنت على المرور المشرف لموضوي


وتقبل تحياتي

 

 

 

 

[معلومات العضو متعب بن حمد الشكرة]

صح لسان الشيخ ابن حفيظ ويستاهل ابو مبارك

 

 

 

 

[معلومات العضو عازف شجن]

طلق الحجاجين
قصيدة رائعة ألقاها الشاعر شايع الدوسري في حفل الشكرة الذي أقامه الشيخ حفيظ بن عجب آل حفيظ الدوسري 1429ه ومدحه و أثنى عليه وكان الحضور يتجاوز الخمسة آلاف

يا الله يا عدال ميل الموازين ******سبحان من بامره تهب الهبوبي
يا من بعثت آدم من الارض والطين***** كنا عدم واليوم حنا شعوبي
تجعل تجمعنا على نصرة الدين ****** وتغفر خطايانا وتمحى الذنوبي
اعداد من حجو لبيته ملبين ****** غرب وشمال وشرق وايضا الجنوبي
يا مرحبا ترحيب كثر الملايين****** قاله حفيظ وقمتنا عنه انوبي
حياكم الله عد وبل الودادين****** لا اصتك جل المزن من كل صوبي
اليوم عيد وشوفكم صار عيدين****** وثاني عياد الفطر صار امحسوبي
اسس لنا ابن حفيظ طلق الحجاجين****** حفل(ن) عن جميع العيوبي
أما على ظهور الركايب مغيرين****** بظهورهن ما احد(ن) يمل الركوبي
والا نحفظ اكتاب رب الثقلين ****** واسجد لخلاق البرايا واتوبي
سلام يا منصى الزحول الميامين ****** وضد الخصوم اللي اتيه الدروبي
ولد عجب لا صارت العشر ثنتين****** يشرب فناجيل الشجاعة شروبي
شيخ(ن) ولد شيخ(ن) ومقدم سلاطين****** وله موقف(ن) عند الرجال امحسوبي
يعطي ويعطى من عطياه وافين****** يعطي بنات القود هن والجيوبي
قول(ن) صحيح(ن) ما يبي له باهين****** ماهيب هرجة خبل والا كذوبي
له منهج(ن) يصعب على بارد العين****** عبادة الدنيا كبار الجنوبي
ناس(ن) ورى الدنيا والايام لاهين ****** وكل(ن) غبوقه في اناه امحلوبي
لاهمهم زين(ن) ولا همهم شين****** والله عجايب يا زمان العجوبي
اخوانهم يم العراق وفلسطين ****** عليهم اتشب الحرايب شبوبي
افطن وفكر وانتبه يا مسيكين****** واخبر ترى الدنيا نصوب(ن) لعوبي
وين الزعيم اللي حكم شط نهرين****** قبلك يقول أطلق شنب ما هقوبي
دارت به الايام من حين لا حين ****** وعليه طرن العذارى الجيوبي
يا مستمع خلك امام المصلين****** وان جاء الجهاد اربط مع الوسط ثوبي
ذروة سنام المجد وين الفطينين****** كرام السبال اللي تدل الدروبي
اللي على قطع المسافات ضارين****** اهل العقيدة ثابتين القلوبي
ما يرتكي للحمل كون البعارين****** والا ضعيف الراي يرغي طنوبي
وحنا بعون الله وحياه قويين****** لو كان فالدنيا نجاح و رسوبي
ولا هنت يابن حفيظ طلق الحجاجين****** حفلك نزيه(ن) عن جميع العيوبي
شعر شايع بن مسلم الخضران

 

 

 

 

[معلومات العضو عازف شجن]

شيخ وداعية وشاعر وامير حق لنا معشر الدواسر أن نفخر به
يملك زمام العلم والمعرفة والبيان والفصاحة والصدق والاخلاص
لا يخاف في الله لومة لائم
له العديد من الخطب والمحاضرات والندوات
يملك القدرة على الارتجال في الشعر الفصيح والنبطي
يحمل هموم الامة في كل لحظات حياته يحزن لحزنها ويفرح لفرحها
يسابق في الاصلاح بين الناس وينفق في ذلك الغالي والنفيس
يحبه ابناء قبيلته ويقدرون علمه ومكانته وفضله وهو من امراء الشكرة
ذلكم هو الشيخ الشاعر و الداعية المعروف

حفيظ بن عجب بن فيصل بن عجب بن محمد بن فرج بن حفيظ الشكرة الدوسري، وكنيته أبو عبدالرحمن ولد في مدينة الخرج سنة 1392 هجرية، وحصل على بكالوريوس كلية الشريعة جامعة الإمام محمد الإسلامية سنة 1416هـ، تخصص الفقه وأصول الفرائض، وهو عضو رابطة الأدب الإسلامية العالمية.

حاصل على شهادات في الإخراج والإلقاء والتعبير المسرحي بتقدير ممتاز، عمل معلماً في المرحلة الثانوية لمدة خمسة عشر سنة وهو حافظ لكتاب الله تعالى ومعه إجازة بذلك.

صدر عنه:
1- قراءة غير عادية فى تجربة حفيظ الدوسري الإبداعية أ. محمود عبد الصمد زكريا
2- براءة الضد الجميل (قراءة فى ديوان أغاريد العذاب للشاعر حفيظ الدوسري) أ. محمود عبد الصمد زكريا
3- إطلالة على الملامح الفكرية فى شعر حفيظ الدوسري أ. إبراهيم عباس غانم
4- المناهل الأثيرة فى شعر نابغة الجزيرة د. عبد الحق مبسط
5- كشجرة طيبه دراسة نقدية فاحصة د محمود زكريا
صدر له العديد من الدواوين منها: 1-شوارد البيان، 2-لحظات ندم، 3-الأقصى والشرف،4- أنا وليلى، 5-نجوم السماء،6- لغتنا والقتلة، 7-سرطان العصر،8- أغاريد العذاب9-سدرة الحرف 10-احلام مجنون 11-قحط المحبة 12-نبض الخافقين 13-اين ذاك العهد منا 14-وأنا أنا 15-ليل الغربة 16- فارس واجه المستحيل 17-رواية ضياع دار تحكي واقع الامة الاسلاميه 18 -الحان نبطيه ديوان شعر نبطي
19 ديوان الشعر النبطي ثلاثة اجزاء - له خطب ومحاضرات مشهورة مثل طاغوت العصر -السلاح السلاح - قادمون -صابرون - براءة- وغيرها كثير ، وله العديد من الأمسيات المسموعة والشرطه الفصحى والعامية

 

 

 

 

[معلومات العضو عازف شجن]

قطاع الفرج
قصيدة قالها الشاعر في مدح الشيخ حفيظ بن عجب آل حفيظ الشكرة الدوسري حفظه الله
لا دك بي هاجوسي أخماس واسداس
وروابعن جتني مع كل طاقه
ذكرت قطاع الفرج يابس الراس
شيخن حجب جل المراجل ارواقه
طيبه غمر الادنى والاقصى من الناس
الاجناب وشيوخ العرب والرفاقه
يستاهل البيضا مع كل نسناس
اللي عشق رووس المعالي اعشاقه
البيض لك يا حفيظ حاضر ودراس
بيضن سواة الصبح عند انفتاقه
متورثن الطيب ساسن على ساس
بينك وبين الجد الاقصى علاقه
جدك راعى البويضا على قب الافراس
سقم الحريب اللي براسه حماقه
يوم التحدي يم هاذيك الاطعاس
خيلن وخياله وبندق وناقه
عج الرمك والهجن غادن له اقواس
يوم المزين ساقه الموت ساقه
وقف عجب مثل الجمل يضرس اضراس
وطق المزين بالكريزي وعاقه
قولن بفعلن يا مناعير نوماس
وقولن بلا فعلن سراب وبراده
قلته وانا شاعر وشعري له احساس
وعندي على مدح النشامى لباقه
أغطس ببحر الشعر مع كل غطاس
واغرق مع اللي غارقن في غراقه
واطلع من الغبه كما طلع قرناس
وارمي هزيلات البيوت الدقاقه
والبس الطاروق حلوات الالباس
حتى يجي طعم العسل في مذاقه
غرايبن تمرس مع فكري امراس
ميرادها عدن غزيرن اعماقه
عنوانها ريح الخزامى وبسباس
واشعارها حليب بكرن فواقه

شعر شايع الدوسري

 

 

 

 

[معلومات العضو ابومبخوت الدوسري]

تسلم يا عبد الرحمن الشرافي والموقع يستاهل التقدير والاحترام وهايف العماني يستاهل الطيب والله يبارك في عمر حفيظ بن عجب وصح لسانه وبيض الله وجهك ياعازف شجن على النبذه الطيبة عن الشيخ حفيظ بن عجب الله يطول لنا بعمره ويحفظه من كل مكرووه تقبلوا فائق الأحترام والتقدير