قصيدة للمرحوم .. عبدالمحسن المري .. ينصح ولده فطيس ..

[معلومات العضو ضيدان]

اليوم يابوكم مسيري على الهون=وقــّـفت وقـفة يابسات الغصوني
عاثـيـت بالدنيا معاثـاة مجنون=وأركبت منها ما تقضـّـت شطوني
يا فطيس أنا اوصيك يوم انت بـ تكون= أظنّ بك بالطيب .. وإنت الزبوني
تمـّـوا الصلاة التي تساعد على العون= صلــّّــوا وزكــّــوا كانكم تسمعوني
تدرون باللي يترك الفرض ملعون= صوموا وحجـّـوا ربكم تفلحوني
وحيـّـوا الطروش اللي من البعد يلفون= وإضحك مع ضيفانكم .. يضحكوني
وباكر إليا جوك تراهم بيمشون= حاذرك في ضيفانكم .. تفشلوني
وخل القصير بعازته .. كنه ممنون= و لدّ النظر من عورته والعيوني
وأمش لخويك يا حبيبي على الهون=ترى الخوي ينشال فوق المتوني
وحط الزبـيـن برفـــّــة البيت مآمون=أوصيك يا إبني لا تصير مغبوني
وغطــّــوا على العايل .. شفا كل مسنون= وإعزم على الحايل .. تراها تفوني
إما تموت بعزّ والناس يفنون= وإلا تغـطرف بالفرح واللحـــوني
يا ونـّــتي ونـّـــة طريح .. ضحى الكون= داجوا عليه .. موسعين الطعوني
يزهم .. وربعه بين طاعن ومطعون=خلوه مثل مهــتــّـــشات الشنوني
نادوني الشايب عسى ما يشيبـــون= وسمـّــوني إسم ثاني وأحزنوني
إسمي يعرفونه .. فلا شك .. يخطون= شافوا لوايح عارضي .. وإبتلوني
الشيب ماهو عيب .. والناس يدرون= العيب ... حق الخايـنـيـن العفوني
من أول صيدي سمان ومتكون= واليوم لا فزيت له .. يضحكوني
وإذا لقـفـتـه راح يمشي على الهون=سيـّـــور ماهبــــّــــــت هبوبه سكوني
الله يقاصيهم بــ قدر ما يسوون= كيف قطعوا سلمي .. وكيف أنكروني

المرحوم ... عبدالمحسن بن عبدالله بن فطيس المري ..

 

 

 

 

[معلومات العضو نايف الخييلي]

قصيده رائعه ووافيه

تسلم ياضيدان على الاختيار الجزل

والله يرحم عبدالمحسن المري

 

 

 

 

[معلومات العضو سعيد الصخابره]

صح لسانك ياضيدان والله يرحم الشاعر المري

 

 

 

 

[معلومات العضو فيصل الشكري]

قصيده رائعه ووافيه

تسلم ياضيدان على الاختيار الجزل

والله يرحم عبدالمحسن المري

 

 

 

 

[معلومات العضو الهاج ـري]

تسلم يمناك على طرح القصيده الرائعه

والله يرحم \ عبدالمحسن المري


الله يعطيك العافيه لاهنت

 

 

 

 

[معلومات العضو يحيى الودعاني]

قصيدة رائعة

لاهنت