ليه مازانت سوا لكلابها ويالبساسه؟؟؟ - الصفحة 3

**معلومات** **العضو** · 03-02-2009, 03:33 PM

صح لسانك يالشاعره المميزه شوق 2

بعد شهادة الأخوان الأفاضل التي تستاهلينها لا اعتقد أنك في حاجه شاهدتي

لاكن أبشري بالخير وانا اخوك والأيام القادمه افضل من الماضيه

تحياتي وتقديري لك ولأبداعاتك المميزه

**معلومات** **العضو** · 03-02-2009, 06:14 PM

صح السانك ياشوق ابيات في قممة الروعه

دمتي بهذا التميز

تحياتي

غدير

**معلومات** **العضو** · 13-02-2009, 04:08 AM

اقتباس:

المشاركة الأصلية كتبت بواسطة (( بعيد الهقاوي ))

اختي العزيزة / شوق2

صح الله لسانتس وبدينس على هالجزالة

اهنئك على هذه الشاعرية الفذة وعلى الاخلاق العالية الا فـــ قسم المحاروة

فانتي مصدر كل المشاكل

ههههههههههههههههه

تحياتي


	يااااااحي اللـــــــــه بعيد الهقاوي صح كلك يالطيب وبيض الله وجهك0 واشكرك على تشريفك للصفحه 0 لكن ياما في الحبس مظاليم0 انا مصدر المشاكل!!!!!!!!

**معلومات** **العضو** · 13-02-2009, 04:19 AM

اقتباس:

المشاركة الأصلية كتبت بواسطة نايف بن مسرع

سلام ياشوق2

نص ورغم قصره إلا أنه مليء وعميق

صح لسانك

وتقبلي مروري


	يامرحبا ويامسهلا حي الله ابن مسرع0 اخجلني تقييمك الطيب لمفرداتي البسيطه اشكرك عليه وعلى مرورك بمتصفحي المتواضع0 تقبل تحيتي وتقديري0

**معلومات** **العضو** · 16-02-2009, 02:23 AM

اقتباس:

المشاركة الأصلية كتبت بواسطة عبدالرحمن الشرافي

قصيدة جزلة

ومشاعرة صادقة ظهرت لنا في جزالة الابيات

سلمت يمناك اللي كتبت لنا القصيدة

تحياتي


	ومن قال سالم وغانم0 ياحي الله مراقبنا ياحي الله الشرافي0 اشكرك يالطيب على مرورك الذي تعطر به متصفحي0 وتقبل تحيتي وتقديري0

**معلومات** **العضو** · 16-02-2009, 02:34 AM

اقتباس:

المشاركة الأصلية كتبت بواسطة أبن جلوي الشكرة

صح لسانك يالشاعره المميزه شوق 2

بعد شهادة الأخوان الأفاضل التي تستاهلينها لا اعتقد أنك في حاجه شاهدتي

لاكن أبشري بالخير وانا اخوك والأيام القادمه افضل من الماضيه

تحياتي وتقديري لك ولأبداعاتك المميزه


	ياهلااااااا ومسهلاااااا حي الله ابن جلوي مليار0 ومرورك بمتصفحي شهاده بحد ذاتها افتخر بها0 اشكرك عليها واشكرك على تشجيعك الدائم 0 والله يجعل الخير بوجهك منين ماتوجهت0 تقبل جزيل الشكر ووافر الامتنان0

**معلومات** **العضو** · 16-02-2009, 02:38 AM

والله لو كل شخص لقى الاجابه ماصار شقى ياشوق

صح السااانك
وصورة الغيمه السوداء روووعه
صوره سوداء وباطنها خير ومطر والنتيجه عشب وخضار
مره ثانيه صح السانك
وماخلو اللي قبلي شي اقوله

**معلومات** **العضو** · 16-02-2009, 02:40 AM

الله الله ياشوق

قصيده قبلها صاعقه الله يستر بس

صح لسانك ابداع رائع جداااااااا

والله يعين على الدنيا بخير

تقبلي مروري في متصفحك

**معلومات** **العضو** · 18-06-2009, 11:19 AM

اقتباس:

المشاركة الأصلية كتبت بواسطة شوق2

اه منهو تحتها ورعودها من فوق راسه = ويتجاوب رعد قلبه مع رعدها في سماها
والله اني ياسحابه عايشه عيشة تعاسه = من رداها جفت اعروق الضمير ونش ماها
كل انا ماقلت هانت زادني الوضع انتكاسه = مثل منهو جايكحلها وزاد ابها عماها
كن حظي وارث(ن) عن جد جده هالنحاسه = مثل مجرا الدم يجري هالنحس مجرا دماها
كل جرحن ماخذ(ن) له حيز(ن) على مقاسه = ويتغذا من زماني لين زادت في نماها
تسكن الضيقه ضلوع(ن) شددوا فيها الحراسه = خطر(ن) تهشم اضلوعي مير ربي من حماها
ليه انا ابني والعرب حولي تهدم في اساسه = مشقيه عيني وغيري ملحق(ن) نفسه هواها
وليه مازانت سوا لكلابها ويالبساسه = ومن علوا المرتفع طاحت ذيابه من ضماها؟؟؟

أختي الغاليه والااستاذه::

الشاعره ..شوق2

والله إن اللبس واحد وأنكر الابس لباسه
العطش يروي العطش !! والعين من يروي ظماها
.....
كل ماقالوا تعافا ...لا تشالا راح باسه
ويل من زود البلاوي ضيع أرضه من سماها!!

عزالله انك شاعره
وان قريت هنا مايجعلني

اقرا بصمت الروح في حضرة الابداع

**معلومات** **العضو** · 18-06-2009, 12:25 PM

صح السانك ياشوق قصيده لا يكتبها الا شاعره

متمكنه لله يرعاك ويحفظك ودمتي مبدعه

لك التقدير والاحترام

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية