قصيدة للشاعر: بديوي الوقداني العتيبي...

[معلومات العضو ابوعبدالله الخييلي]

بسم الله الرحمن الرحيم



أيـامـنــا والـلـيـالـي كـــــم نـعـاتـبـهـا؟ **** شبنـا وشابـت وعفنـا بـعـض الأحــوالِِِ



تـاعــد مـواعـيـد والـجـاهــل مـكـذبـهـا **** واللـي عـرف حدهـا مــن همـهـا ســالِ



إن اقبـلـت يــوم ماتـصـفـي مشـاربـهـا **** تقفـي وتقبـل ومــا دامــت عـلـى حــالِ



فـــي كـــل يــــوم تـوريـنــا عجـايـبـهـا **** واليـوم الأول تـراه احسـن مـن التـالـي



أيـــام فـــي غـلـبـهـا وأيــــام نغـلـبـهـا **** وأيـــام فـيـهـا ســـوا والـدهــر مــيــالِ



جـربـت الأيـــام مـثـلـي مـــن يجـربـهـا **** تجـريـب عـاقـل وذاق الـمـر والـحـالـي



نضحـك مـع الـنـاس والدنـيـا نلاعبـهـا **** نمشـي مـع الفـي طـوعٍ حيـث مـا مـالِ



كــم مــن عـلـومٍ وكـــم اداب نكسـبـهـا **** والـشـعـر مــــازون مـثـقــالٍ بـمـثـقـالِ



أعـرف حـروف الهجـا بالرمـز واكتبهـا **** عاقـل ومجنـون حــاوي كــل الاشـكـالِ



لـكــن حـظــي ردي والـــروح متعـبـهـا **** مـا فادنـي حسـن تاديـبـي مــع امثـالـي



إن جيـت أبـي حـاجـةٍ عــزّت مطالبـهـا **** العفـو مـا واحـدٍ فـي النـاس يــا والــي



قــومٍ إلـــى جيـتـهـم رفّـــت شـواربـهـا **** بالضـحـك وقلوبـهـا فيـهـا الــرّدا كـــالِ



وقــومٍ إلــى جيتـهـا صـكّـت حواجبـهـا **** وابدت لي البغض فـي مقفـاي واقبالـي



مــا كـنّـي الأ مـسـوّي حــال مغضـبـهـا **** والـكـل فــي عـشـرتـه مـاكــر ودجّـــالِ



ياحيـف تخـفـي أمــوراً كـنـت حاسبـهـا **** والّلـي عـلـى بالـهـم كـلـه عـلـى بـالـي



الـجـار جـافــي وكـــم قـــومٍ محـاربـهـا **** والأهــل واصحابـنـا والــدون والعـالـي



والروح وش عذرهـا فـي تـرك واجبهـا **** راح الحسب والنسب في جمع الاموالي



نفسـي تبـي العـز والحاجـات تغصبـهـا **** تـرمــي بـهــا بـيــن أجـاويــد وانــــذالِ



الـمـال يـحـيـي رجـــالأً لا حـيــاة بـهــا **** كالسيـل يحيـي الهشيـم الّـمـدم البـالـي



عفـت المنـازل وروحــي يــوم اجنبـهـا **** منهـا غنيمـه وعنهـا البعـد أولــى لــي



لاخيـر فـي ديــرةٍ يشـقـى العـزيـز بـهـا **** يمـشـي مــع الـنـاس فـــي هـــمًّ وإذلالِ



دارٍ بــهــا الــخـــوف دومٍ مايـغـايـبـهـا **** الـكـلـب والـهــر يــقــدم كــــلّ ريــبــالِ



عـز الفتـى راس مـالـه مــن مكاسبـهـا **** يامرتـضـي الـهــون لا عـــزٍّ ولا مـــالِ



ذللـت بالـروح لـيـن ارخـصـت جانبـهـا **** وانــا عتيـبـي عـريـب الـجــد والـخــالِ



قــومٍ تــدوس الأفـاعـي مــع عقـاربـهـا **** ولـهـا عـزايـم تـهـد الـشـامـخ الـعـالـي



خـــل الـمـنـازل وقـــل للـبـيـن ينـدبـهـا **** يبـكـي علـيـهـا بـدمــع الـعـيـن هـطــالِ



لاتـعـمـر الــــدار والــقــالات تـخـربـهـا **** بيـع الـرّدي بالخسـاره واشـتـر الغـالـي



ماضـاقـت الأرض وانـسـدّت مذاهـبـهـا **** فـيـهـا الـسـعـه والـمـراجـل والـتّـفـتّـالِ



دارٍ بـــــــدارٍ وجـــيــــرانٍ نـقــاربــهــا **** وارضٍ بــــأرضٍ وأطـــــلالٍ بــأطـــلالِ



والنـاس أجانيـب ليـن إنــك تصاحبـهـا **** تـكـون مـنـهـم كـمــا قـالــوا بـالامـثـالِ



الأرض لله نـمــشــي فـــــي مـنـاكـبـهـا **** والله قــــــدّر لـــنــــا أرزاق واجـــــــالِ



حـــث الـمـطـايـا وشـرّقـهــا وغـرّبـهــا **** واقـطــع بـهــا كـــلّ فـــجٍ دارسٍ خـــالِ



واطـعـن نـحـور الفيـافـي فــي ترايبـهـا **** وابعـد عـن الهـم تمـسـي خـالـي الـبـالِ



مـــن كـــل عمـلـيـةٍ تـقـطــع بـراكـبـهـا **** فــدافـــد الـبــيــد درهـــــامٍ وزرفــــــالِ



تبـعـدك عـــن دار قـــوم ودار تقـربـهـا **** واخــتــر لـنـفـسـك لـلـمـنـزال مــنــزالِ



لــو مــت فــي ديـــرةٍ قـفــراً جوانـبـهـا **** فيهـا لـوطـي السّـبـاع الغـبـس مـدهـالِ



أخـيـر مــن ديـــرةٍ يـجـفـاك صاحـبـهـا **** كـــم ذا الـجـفـا والتـجـافـي والـتّـعــلالِ



دوس المخـاطـر ولا تخـشـى عواقبـهـا **** الـمـوت واحــد وبـعــد الـعــزّ إجـلالــي



إن الـمـنــايــا إذا مــــــدت مـخـالـبـهــا **** تدركك لو كنـت فـي جـو السّمـا العالـي



مـاقـرّت الأســد فــي عـالــي مراقـبـهـا **** تسعـى علـى الـرّزق ماحـنّـت للاشـبـالِ



والشمـس فـي برجهـا والغيـم يحجبهـا **** تقفـي وتقبـل لـهـا فــي الفـلـك مـجـدالِ



رب الـسـمـاوات يامـحـصـي كواكـبـهـا **** يامجـري السفـن فــي لـجّـات الأهــوالِ



ضاقـت بنـا الأرض واشتبـت شبايبـهـا **** والغـيـث محـبـوس يامـعـبـود يـاوالــي



يالله مــــن مــزنــةٍ هــبّـــت هـبـايـبـهـا **** رعّادهـا بــات لــه فــي البـحـر زلــزالِ



ريــح العـوالـي مــن المنـشـا تجاذبـهـا **** جـذب الدّلـي مـن جـبـا مطـوّيـة الـجـالِ



ديـمـومـةٍ سـبـلـت وارخـــت ذوايـبـهــا **** وانـهـلّ مـنـهـا غـزيــر الـوبــل هـمّــالِ



تسـقـي ديــاراً شـديـد الـوقـت حاربـهـا **** مـا عـاد فيـهـا لبـعـض الـنـاس مـنـزالِ



يـاجـاهــل اســمــع تـمـاثـيـلأ مـرتّـبـهـا **** فيـهـا معـانـي جـمـيـع الـقـيـل والـقــالِ



مـثــل الدنـانـيـر زادت فــــي قـوالـبـهـا **** فـي صرفهـا زايـده عـن قــرش وريــالِ



يــــارب تــوبــه وروحــــي لاتـعـذبـهـا **** يــوم القيـامـه إذا مـاضـاقـت اعـمـالـي



وازكـى صـلاةٍ علـى المخـتـار نوهبـهـا **** شفيعـنـا يـــوم حـشــرٍ فـيــه الاهـــوالِ

 

 

 

 

[معلومات العضو USER]

دوس المخـاطـر ولا تخـشـى عواقبـهـا **** الـمـوت واحــد وبـعــد الـعــزّ إجـلالــي



إن الـمـنــايــا إذا مــــــدت مـخـالـبـهــا **** تدركك لو كنـت فـي جـو السّمـا العالـي

هاذي القصيده من افضل القصائد اللي سمعتها

ياسلام على ذوقك واختيارك الله يرحم بديوي فعلا شاعر

 

 

 

 

[معلومات العضو ابوعبدالله الخييلي]

يعطيك العافية اخوي ولاهنت على المرور

 

 

 

 

[معلومات العضو عبدالله الحافر الغييثي]

وازكـى صـلاةٍ علـى المخـتـار نوهبـهـا =شفيعـنـا يـــوم حـشــرٍ فـيــه الاهـــوالِ

لاهنت يابوعبدالله على هذه المعلقه ذوق رائع

 

 

 

 

[معلومات العضو خيالية]

الله لا يهينك ،، بارك الله فيك

 

 

 

 

[معلومات العضو الرجباني مشاري]

ابو عبدالله الخييلي

لاهنت على نقل مثل هذا الشاعر الشامخ

الف شكر لك

 

 

 

 

[معلومات العضو ابوعبدالله الخييلي]

مشكورين على المرور ويعطيكم العافية...

 

 

 

 

[معلومات العضو فتى الشكرة]

هاذي القصيده من افضل القصائد اللي سمعتها

ياسلام على ذوقك واختيارك الله يرحم بديوي فعلا شاعر

 

 

 

 

[معلومات العضو نايف الخييلي]

من القصايد النبطيه الشهيره

وإختيار وذوق راقي يابو عبدالله اشكرك عليه

تحياتي لك

 

 

 

 

[معلومات العضو بداح البداح]

لاهنت على الاختيار والنقل؛؛؛

صح لسانك والله يرحم بديوي..

دوس المخـاطـر ولا تخـشـى عواقبـهـا **** الـمـوت واحــد وبـعــد الـعــزّ إجـلالــي



إن الـمـنــايــا إذا مــــــدت مـخـالـبـهــا **** تدركك لو كنـت فـي جـو السّمـا العالـي



مـاقـرّت الأســد فــي عـالــي مراقـبـهـا **** تسعـى علـى الـرّزق ماحـنّـت للاشـبـالِ


ابداع لاهنت,,,

 

 

 

 

[معلومات العضو ابوعبدالله الخييلي]

لاهنتو على المرور ....

 

 

 

 

[معلومات العضو رماد]

.
.
•

سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو ابوعبدالله الخييلي]

هذا من ذوقك اخوي رماد وشرفني مرورك....