من يشتم المجنون ماهـوب صاحـي

[معلومات العضو عبدالله الحافر الغييثي]

من اجمل القصائد التي سمعتها وياليت احد يعرف شاعرها اكون ممنون له

من ليلة البـارح وحابسنـي الضيـق=عسى صباح اليـوم يطلـق سراحـي
وعادت لي الضيقه على فكّـة الريـق=الله يهوّنـهـا ويسـعـد صـبـاحـي
لا قمت أدرّجها علـى قـد مـا اطيـق=تغانمتنـي مـن جمـيـع النـواحـي
بينـي وبيـن الغرغـره والتشاهيـق=أرمـاش عيـن وجلسـة ٍ وإنسداحـي
لاشـك يومـي عنـد رب المخاليـق=اللـي بذكـره بهجتـي وإنشـراحـي
مانيـب وارث غالـيـات الصنـاديـق=وخزايـن آل سعـود وآل الصباحـي !
أن عشت .. عشت مع الرجال المطاليق=وأن مت .. موتي حق والعمر ماحـي
هبت هموم الصـدر جملـه وتفريـق=وأزريت أعرّضهـا هبـوب الرياحـي
ما عـذّب الشعّـار غيـر الطواريـق=كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق=وانا قنعـت وخاطـري مـا استراحـي
وشاح خملوقه .. علـى أم الخماليـق=اللـي تشوفونـه عليّـه وشـاحـي !
أغيب مـن فيـض المحبيّـن وافيـق=وآخـذ بـلا منّـه شهـادة نجـاحـي
والعولمـه تفتـح قفـول ٍ مغالـيـق=وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق=أعرف صلاح الدين وأعـرف صلاحـي
لكنّ يـا شاهـق بـروس الشواهيـق=دحدر على ماجـاك وأسـرح وتاحـي
والحرّ لـو يرضـى بحكـم المسابيـق=شاب ونبت له فـي جناحـه جناحـي
ويزيد غبنـه مـن فـروخ الغرانيـق=لا صنّفوهـا مـن طيـور الفـلاحـي
رميـت فـي وجـه اللئيـم المواثيـق=وطلبت من وجـه الكريـم السماحـي
ودوّنت فـي قسـم المجانيـن تعليـق=من يشتم المجنون ماهـوب صاحـي

 

 

 

 

[معلومات العضو الشقرديه]

قصيدهـ جميلهـ واكثر من رائعهـ صح لسان شاعرها وانشاء اللهـ تلقى صاحبها لاهنت

 

 

 

 

[معلومات العضو عبدالله الحافر الغييثي]

مصائب قوما" عند قوما" فوائد

الحمدلله اللي شفنى نكك معنا يالشقرديه ولاهنتي على المرور الطيب

 

 

 

 

[معلومات العضو ابوبدر المصارير]

ودوّنت فـي قسـم المجانيـن تعليـق=من يشتم المجنـون ماهـوب صاحـي

قصيد جزله وصح السان شاعرها وتسلم يابو مطر على ايرادها لاهنت

تحياااااااااااااااااااااااااااااااااتي

 

 

 

 

[معلومات العضو عبدالله الحافر الغييثي]

لاهنت يابوبدر وشاكر ومقدر مرورك الطيب

 

 

 

 

[معلومات العضو خيالية]

قصـــــيده رائعــــه صح لســـاااان قــايلهــا ..

 

 

 

 

[معلومات العضو عبدالله الحافر الغييثي]

شاكر ومقدر مرورك الطيب

 

 

 

 

[معلومات العضو أبونواف الدوسري]

بارك الله فيك أخي خميس الغييثي..

وصح السان قايلها..

وفقكم الله..

 

 

 

 

[معلومات العضو عبدالله الحافر الغييثي]

هلا وغلا بأبونواف والله لايهينك على طيب المرور وجعلك تسلم من الشرور