سقى الله يوم كان البدر في كوني يشع بنور

[معلومات العضو عبدالرحمن الجبابرة]

السلام عليكم رحمة الله وبركاته
بوح من عمق المشاعر
يناشد نقاء التذوق في قلوبكم النقية

.
.

أنا والليل ونجم سهيـل ودمـع ٍ بالمقـل منثـور
أحاسيسن عقب ماهـي قصايـد جـات منثـوره

أسى وفراق حـزن بداخلـي يغلـي كمـا تنـور
ويلهـب مثـل مصفـاة النفـط فـي راس تنـوره

سقى الله يوم كان البدر في كوني يشـع بنـور
الى ارخى الليل جنحانه يسامرني بسنا نـوره

حبيب ٍ لي عطاني كل احاسيسه هوى بشعور
الى مـنّ الهـوى هـبّ بنسايـم هفهـف شعـوره

كحيل العين الى منـي نظرتـه يبتسـم بسـرور
عساني ما اعدم النظره ودام السعـد بسـروره

حسين الدل يجبر خاطراللي خا طره مكسور
ويشفـي بالـدلال الإنكسـار وتشـفـي كـسـوره

غيابـه يـوم عنـي بحسبـه بسنيـن عــد دهــور
الـى منـي فقدتـه صـرت مثـل ديـار مدهـوره

والى منّه لفا ني خالت المزن انبتـت بزهـور
الا يازين يومن تنبت أرضي بزاهـي زهـوره

حبيب ٍ لي لببيـبٍ والوفـا طبعـه كريـم بحـور
الا ياسعد من يبحر ويرسـي بشاطـي بحـوره

تذكرتـه وانـا مـا قـد نسيتـه نقـشـه المحـفـور
وفي قلبي رسمته نقش لوحـة حـب محفـوره
.
.
دمتم بود ووفاء

 

 

 

 

[معلومات العضو أبـ ريماس ـو]

صح لسانك قصيده اعجبتني اخوي عبدالرحمن الف شكر على الطرح الراقي والجميل تقبل جزيل شكري

 

 

 

 

[معلومات العضو ابو فهد الغييثي]

صح لسانك يا عبدالرحمن شاعر جزل

يعطيك العافيه على الطرح الجميل

تحيااااااااااااااااتي

 

 

 

 

[معلومات العضو شافي القويسي المخاريم]

صح لسانك اخوي عبدالرحمن قصيده جميله جدا
وتحمل صور رائعه انت مجاز <<<الدكتور غسان على غفله هههه

فعلاً اخوي عبدالرحمن قصيده جميله جدا
و تحمل صور جميله وانت الاجمل بقصائدك
تحياااااااااااااااااتي

 

 

 

 

[معلومات العضو نجــــــــــديه]

صح لسانك ملايين
شاعر رائع متمكن
مبدع
جزل
رائع في تصويره
رائع في انتقائه لكل ماهو متميز
قصيده في غاية الجمال ... تجلت فيها المشاعر النابضه
الداله على قدرتك المتمكنه في وصفها باسلوب رائع
دمت مبدعاً

 

 

 

 

[معلومات العضو عبدالرحمن الجبابرة]

أخوي أبو ريماس

صح بدنك وسلم فكرك وبيض الله وجهك على حضورك المبكّر
تذوقك الراقي محل تقديري واهتمامي

 

 

 

 

[معلومات العضو عبدالرحمن الجبابرة]

أخوي أبو فهد الغييثي

صح بدنك وسلم فكرك وبيض الله وجهك
حضورك نوط فخر واعتزاز
وتعقيبك محل تقديري وامتناني

 

 

 

 

[معلومات العضو عبدالرحمن الجبابرة]

أخوي شافي القويسي المخاريم
صح بدنك وسلم وفكرك وبيض الله وجهك
وإجازتك لحروفي نوط فخر واعتزاز لاعدمناك

 

 

 

 

[معلومات العضو عبدالرحمن الجبابرة]

المبدعة : نجدية
صح بدنك وسلم فكرك وبيض الله وجهك
حضورك وتعقيبك النقي محل تقديري واهتمامي