الا سى خط بحروفي يعكس لواقع ظروفي

[معلومات العضو عايض المعاوي]

صداقه عمرها أكثرمن (15)سنه انتقل الي جوار ربه أثر حادث مروري الله يتغمده برحمته
(وان لله وان اليه راجعون)

الـــــقدر

ارثي وأكتب له قصيدة وانشده بأحلى نشيده=الحزن واضح بصوتي والفرح ماله طلـوع
الأسى خط بحروفي يعكس لواقع ظروفـي=والدمع يروي مشاعروالألم بيـن الظلـوع
أعرف ان الموت عبُرة والحزن عبره وعبره=لوبكينا ثم بكينا من رحـل مالـه رجـوع
أذرف الدمعة وأعاني بالدقيقـة والثوانـي=أشتكى دمعي عيوني قال يكفي يـا دمـوع
أبكي الغالي صديقي وأذكر الحب الحقيقـي=كان شمعه في حياتي وأنطفى نور الشموع
القدر مكتـوب فينـا بيـد ربـي لا بدينـا=لا أعتراض لحكم ربي لا قنوط ولا جـزوع
راح من دنيا المواجع في ثرى الدنيا موادع=ما بقى ألا ذكرياته كل ما شفـت الجمـوع
ذكرياته في المساجد دايم ٍ راكـع وساجـد=عايش بدنيا غروره عايش ٍ فيهـا قنـوع
يرفع الصوت المنادي بالهدى صوته منادي=الله أكبر الله أكبر يرفع الصـوت بخشـوع
الوفاء والصدق طبعه بين ناسه بين ربعـه=له مع العفة علاقة له مع الطيبـة وقـوع
بره اللي بوالدينـة يذكـره كـل والدينـه=كاسبه نفسه رضاهم بالتذلـل والخضـوع
ياالله يـارب الأنامـا / ياسميـعٍ للكلامـا=ترحم اللي وسط قبره ودع أهله والربـوع

عايض المعاوي

 

 

 

 

[معلومات العضو فهد بن مبارك الودعاني]

أخوي الشاعر : عايض المعاوي ،، صح الله السانكـ و أعتلى شانكـ و بيض الله و جهكـ على الجزله يالجزل ،، و أسئل الله أن يتغمد المتوفي بواسع رحمته و يلهمـ ذويه الصبر و السلوان وأنا لله و أنا إليه راجعون ،، تقبلـ مروري يالغالي ،، لـكـ كـل الإحـتـرام و الـتـقـديـر ،،

 

 

 

 

[معلومات العضو محمد الولامين]

الله يرحم المتوفي ويسكنه فسيح جناته

وصح لساانك يا عايض المعاوي على ماقدمت

وبيض الله وجهك

 

 

 

 

[معلومات العضو سالم بن صمهود]

أبكي الغالي صديقي وأذكر الحب الحقيقـي
كان شمعه في حياتي وأنطفى نور الشمـوع
القدر مكتـوب فينـا بيـد ربـي لا بدينـا
لا أعتراض لحكم ربي لا قنوط ولا جزوع


الشاعر عايض المعاوي
صح الله لسانك ورحم الله صديقك رحمة واسعة

 

 

 

 

[معلومات العضو المطنوخه]

الله يرحم المتوفي ويسكنه جنات النعيم..ويرزقكم الصبروالسلوان صح لسانك على المرثيه الرائعه...