جربت بالدنيا تجاريب شايب ...............

[معلومات العضو ابو طارد]

جربت بالدنيـا تجاريـب شايـب=وعرفت عدواني وميزت الأصحاب
وعرفت طبع الناس مخطي وصايب=ومانيب خبل تخدعه ضحكة النـاب
جنبت ناس اوناس بعضه قرايـب=البعض منهم قربته قربـت الـداب
لو كان تعطيهم عيونـك وهايـب=ماينفعونك جودهم عنـد الأجنـاب
ومن لا يسد اللازمة في النوايـب=وقت الرخا تقول أبو زيد وذيـاب
واللي تكبر عنـه شـد الركايـب=اترك طريقة واحقره كنـه ذبـاب
وبعض البشر قلبه من الحقد عايب=لافيه طب وقلبه اسود من غـراب
عنده نجاحك من كبـار المصايـب=وإذا سمع مدحك من الغيظ ينصاب
لولا الحيا سالت دموعـه سكايـب=مسكين من نار الحسد ماكل تراب
اللي يذمك كل ما صـرت غايـب=وان جيت قدم لك تراحيب وإعجاب
خله ترى مثله مع النـاس خايـب=وعادات أبو وجهين يكذب ويغتاب
لو تغرقه بالطيب ما هـو بطايـب=ولا تنخدع في مثل شرواه لو طاب
طيبه وخيـره للمـره والنسايـب=ولا تنشده عن والدينه والاقراب
لاهـو برجـال يفـك النشـايـب=ولاهو بنت تنقش الكف بخضـاب
وشلون نبي الغيث وايا السحايـب=والناس صارت بين حاسد وكـذاب
كثيرهـم تفـرغـوا للطـلايـب=و ما بينهم قامت عداوات وأحزاب
وتبقى الحقيقة يا زمان العجايـب=الروس روس ولو يغـارون(...)

منــــقــول

 

 

 

 

[معلومات العضو نايف]

صح لسان الشاعر و لاهنت وبيض الله وجهك على الاختيار الجميل


تقبل تحياتي ,,,,

 

 

 

 

[معلومات العضو مسعود المقيبلي]

صح لسان الشاعر و لاهنت وبيض الله وجهك على الاختيار الجميل

بس ياليتك جبت اسم الشاعر معك