الولد وإن طاب قالوا : من خواله

[معلومات العضو ابو طارد]

قالها إبن الذيب من هاجوس باله
كلمةٍ يلعب بهـا والبـال زينـي
قالها يومه طرالـه مـا طرالـه
من هواجيسٍ تشيب المرضعينـي
غرّني بعض الرجال بكثر مالـه
مادرى إن الموت في حبل الوتيني
كيف ينفعني وبعض الناس خاله
ما يدوم البيت كان الساس طيني
ماش وين اللي عوايده الشكالـه
مثل إبن ظافر حمد ليته يجينـي
الثنا والجود دايـم فـي خيالـه
علّمه ظافـر سلـوم الطيّبينـي
جـوّد العليـا ولزّمهـا عيالـه
وأدركوا من علمته دنيا ودينـي
واهني من باع حظّه وإشترالـه
سار في درب النبي وأخزا اللعيني
موقفـه ماكـل رجّـالٍ ينـالـه
ومن بغا ممشاه يقعـد مرّتينـي
وكم ذبح من حايلٍ من حر مالـه
وعادته لطمة خشوم العايلينـي
حالفٍ ماخذ على الطرقي ريالـه
وبالثلاث محرّم إنها مـا تجينـي
لا لقيت اللي على السكّه لحالـه
يلتفت ويقول : وين المستحينـي
أوقف الموتر حيا وأبغا الجمالـه
يوم ولد اللاش وجهه ما يلينـي
والطمع في كرّوة الرجلي رذالـه
خصّ به وإن جا مجال الغانميني
والردي في حالةٍ ماهيـب حالـه
يا عوينه مـن كـلام الطيّبينـي
الولد وإن طاب قالوا : من خواله
بالخوال يسـال قبـل الوالدينـي
وأركبه لعيون من زيـنٍ دلالـه
ما تحاكوا في قفـاه الرامسينـي
ما بغى غيري وأنا مابغا بدالـه
قاعدٍ لي بالرجـا مـدّة سنينـي
ما قعدنا فالعمل نبغـا الرزالـه
ناخذ العليـا طريـق الفايزينـي
وأشرب الفنجال وأكـب البيالـه
تابعٍ سلمـي سلـوم الأولينـي



الشـــــاعر / راشد بن حسن الذيب العجمي

 

 

 

 

[معلومات العضو سالم الغريري]

صح لسانك يا ابو طارد

وصح لسان الشاعر راشد العجمي


ولا هنت على القصيدة

تحياتي لك

 

 

 

 

[معلومات العضو ابوعبدالرحمن الودعاني]

أحسنت على هذه الأبيات التي أوردتها وأريد أن أسألكم من باب إثراء الموضوع وتكثير

المشاركين هل تعرفون من خوال الشاعر راشد بن حسن الذيب العجمي؟!!!

أنا أنتظر إجاباتكم؟!!!

 

 

 

 

[معلومات العضو الواضح]

لا هنت أخوي / أبو طارد


على الأختيار الجيد


وصح الله لسان الشاعر

 

 

 

 

[معلومات العضو ابو طارد]

تحية إلى جميع أعضاء المنتدى ...

إلى: سالم الغريري... وصح لسانك ولا تهون يالغالي ...

إلى : بليهي الودعاني ... لا يحضرني من خوال الشاعر ... لكن يالنسيب بسألك وسوف أرد لك خبر بإذن الله تعالى ...

إلى : الواضح ... ولا تهون يالغالي ...


هذا واجبي إليكم وللمنتدى العريق.


مع خالص الشكر والتقدير ،،،

 

 

 

 

[معلومات العضو أبوفهيد الودعاني]

صح الله لسان العجمي وسلمت يمينك على النقل يابو طارد

لاتبطي بجديدك ،،،

 

 

 

 

[معلومات العضو فهد الغريري]

	الاخ الفاضل ابوطراد بيض الله وجهك على هذى القصيده الجزله والجزاله طبعك ان شاء الله وصح الله السانك والسان الشاعر راشد العجمي. ونتظر جديدك الجزل. اخوك / فـــهــــد الــغـــريـــري

 

 

 

 

[معلومات العضو سعد المقابله]

صح الله لسانك ولسان الشاعر

ابن الذيب العجمي

 

 

 

 

[معلومات العضو الركن "أبوعبدالله"]

بيض الله وجهك على هذه القصيدة الرائعة وماقصرت

وعز الله ان الشاعر كفى اوفى