قصيدة هل التوحيد للشاعر مسرع بن محسن بن مسرع المساعرة

[معلومات العضو ابوشليل]

يالله يالمعبود يارب الإنسان = ياواحد نلقاه يوم الحشيــــــــره
تنصر بنا الإسلام شيب وشبان = وسلط على الظالم وعرقل مسيــــره
حنا هل التوحيد من ماض الأزمان = يشهد لنا التاريخ وارض الجزيـــره
وتشهد لنا كل العرب والمريكان = وتشهد لنا شمس الضحى والظهيره
ياما مشعنا السيف في كل ميدان = ونرويه دم قبل يدخل جفيـــــــــــــره
وبرماحنا نفرى عطيبات الأطعان = يوم المعارك والجنايز نثيـــــــــــــره
اسلافنا الماضين فعل لهم بــــــان = تشهد به الأجيال في كل ديــــــــــــره
عبدالعزيز اللي قطع راس عجلان = دخل عليه القصر وأنهى مصيــــــره
شلفاه بالمصمك إلى حد ذا الآن = منها جميع عداه راحت كسيـــــــــره
ثبت حدود المملكة يوم الاخوان = يمشون فامره بالعلن والسريـــــــره
يحكم بشرع الله مهوب غلطان = حكم من الرحمان نور وبصيــــــــره
يوم انت ياصدام دنست الأوطان = يالخاين الغدار راعي النكيــــــــــــره
شعب الكويت اللي غزيته مسيان = وهجدتهم بمدرعات كثيــــــــــــــــره
قتلتهم مابين نسوه ووغدان = مافيك لا ذمه ولا فيك غيــــــــــــــره
جريمتك عار عليكم وخذلان = سودت وجهك بالفعول الشريــــــــره
من اول نحسبك رجل ولك شان = واليوم ماتسوى باعوضه صغيـــــره
تحشد جيوشك يمنا وانت عميان = واصلاً يدينك ياكعيبر قصيــــــــــــره
ماعندك إلا الخدع والغدر خوان = خدعت جيرانك ولا فيك جيـــــــــــره
بأمر الفهد ناطاك لو كان ما كان = وندعس عليك وراس خشمك نديــره
وترجع على خلفك مذل وخسران = وتنظر عيونك فعلتن لك حقيـــــــــره
حنا الحرس وان كان وقت البلا حان = نلقن عدو الدين ضربه خطيــــــــره
وعبدالله لنا ريس وقايد كحيلان = وحنا جنوده تحت رأيه وتدبيـــــــره
وحنا لعبدالله حمايه وحيطان = عبدالله زعيم الجود وايضاً اميــــره
وعبدالله زعيم للشجاعة وعنوان = صان الحرس واغناه وازداد خيـره
وان كان ابومتعب ومرنا بعدوان = حنا على الغارة نسوق البشيره

في ساعة فيها يضيعن الأذهان=وافراحنا بمصادمات المغيره
عاداتنا الطالات في كل الأحيان=ونكسر عدانا بالقنا والذخيره
والله مانرضى حياة بحقران =ونفدى الوطن بارواحنا والعشيره
وكانك تخوفنا بغاز ودخان=ماهمنا دفن الثعل مع حفيره
حنا حماة الدار عن كل طمعان=وحنا ذرى الإسلام والله يجيره
والجيش لامنه نخى فيه سلطان=كله رجال باللقا تستشيره
مدربين للحرايب وشجعان=جيش السعودي فايق جيش غيره
يرسل عليك البر والجو مليان=ويمطر على البصرة قنابل غزيره
يدهم ديارك وانت مهزوم ومهان=ويحرق مصانع للكيماوي وفيره
كنا نمدك يوم حربك مع ايران=طيلة ثمان سنين كانت عسيره
لولا الفهد يعطيك قوم وميلان=كان اسحقوك اعداك مالك نصيره
ياجاحد المعروف ناكر بالإحسان=حنا عذابك بالجيوش الشطيره
بامر الكريم نهين جيشك وتنهان=والكل منكم سوف يلعن مشيره
وكان الكويت اليوم عايش بالأحزان=بكره ننسيهم هموم مريره
ونشعل سما بغداد وابل ونيران=ونقضي على صدام خاين ضميره
ماتنفعه حكام صنعاء وعمان=يالعنبو ذيك الوجيه الوديره
ومن مثلهم نراه جزمه وحذيان=ويستاهلون المهزله والعثيره
المملكة عذرى وتزهى بالألوان=والله حباها بالرخاء والستيره
بقيادة آل سعود ذربين الأيمان=نور البلاد وشمسها المستديره
ورجالها الوافين بالحيل ظفران=كل القبايل للوطن ماتعيره
صدام ضعت وغرك الفين شيطان=قزوا لك المشروع وانته مديره
مشروعكم فاشل ولاهوب كسبان=والمملكة (ياشين) دره دريره

 

 

 

 

[معلومات العضو ابوشليل]

اعذروني على هالكتابة الغير مرتبه وذلك والله لإنشغالي ، ولكن باقي القصيدة سأحاول اكتبه بالطريقه الصحيحة ، انتظروا الجزء الثاني من قصيدة الشاعر : مسرع المسعري قريباً انشاء الله ، اتمنى ان تعجبكم ،،،،
تقبلوا مرووووووووووووووري ،،،،،،،،

 

 

 

 

[معلومات العضو راشد المسعري]

ابو شليل الله لايهينك على إيراد هذه القصيدة الجزلة للشاعر مسرع بن محسن المسعري وقد قيلت عام 1411هـ تقريباً ومناسبتها بعد الغز العراقي الغاشم على دولة الكو يت الشقيقة ، وقد نشرت في بعض الصحف المحلية وكذلك أذيعت في إذاعة الرياض على ما أظن. لاهنت على إيراد الأبيات وفي انتظار تكملتها يابو شليل. وتقبل ودي وتقديري ،،،

 

 

 

 

[معلومات العضو بنت الشايب]

الله يعطيك الف عافيه يابو شليل ولاهنت

دمت بوود

 

 

 

 

[معلومات العضو راشد المسعري]

صح لسانك يابو شليل مرة اخرى على تكملة القصيدة وأستأذنك في تنسيقها ولاهنت مرة اخرى

 

 

 

 

[معلومات العضو ابو فهد الغييثي]

صح السان الشاعر/ مسرع بن محسن بن مسرع المساعرة

والله يعطيك العافيه على طرحها يابو شليل

تحيااااااااااااااااااتي