أنا بدوي

[معلومات العضو خالد الوطيب]

السلام عليكم ورحمة الله وبركاته


جديده للتواصل

الضيق ماهو ضكتن فالمعاليق = الضيق لامني رحلت ونسوني
لو الليالي كلبوها توافيق = ماكان بانت عبرتي في عيوني
ولو الوفا سايد جميع المخاليق = ماكانوا أصحابي نسوا واتركوني
الى متى أمسي على الهم وافيق = والى متى لون المعاناة لوني
ياشعري اللي معتلي قمة طويق = اصرخ على اللي فالقفى صوبوني
قل للذعال اللي من خلافي تويق = اطعونهم ما أثرت في متوني
ياهيه يامال البلا يالمطافيق = عندي نصيحه ليتكم تسمعوني
ترا الزمن ماقد خلا فالمطاليق = واللي سوالكم صعب ماياصلوني
ولا انا رجلي براس الشواهيق = اسامر نجوم السما فاللحوني
اداعب همومي بكل الطواريق = مجنون شعر وزاد همي جنوني
مانيب من همه بطرد الغرانيق = اللي يسامرهن بكل الفنوني
انا بدوين ما التفت كود لبريق = ودلال صفرن والمجاهيم دوني
ياوقت انا باقي بحفظ المواثيق = مادام لي بارق وليه مزوني
وباكر على الله تنجلي حزة الضيق = وأنسى مع الايام منهم نسوني

خالد الوطيب

 

 

 

 

[معلومات العضو ابو فهد الغييثي]

صح السانك وعتلى شانك

قصيده رائعه وجزله بما تعني الكلمه

تحيااااااااااااتي

 

 

 

 

[معلومات العضو ابو زيد الغييثي]

ارررررررررررررحب تراحيب الحيا

الشاعر المبدع / خالد الوطيب

ما تمد الا السمين والجزل

صح اللسانك واعتلا شانك ولا فض فوك

ابيات راااائعه واذرني استاذي الكريم على

تنسيق الابيات

اخوك / ابو زيد

 

 

 

 

[معلومات العضو خالد الوطيب]

ابو زيد الغييثي


صح الله بدنك يالقرم ولاهنت نفدا خشمك اسعدني وجودك في متصفحي لاخلا ولاعدم

 

 

 

 

[معلومات العضو خالد الوطيب]

ابو فهد الغييثي


صح الله بدنك نفداك ولاهنت على مرورك يالقرم لاخلا ولاعدم تقبل تحياتي واحترامي

 

 

 

 

[معلومات العضو شافي القويسي المخاريم]

صح لسانك و اعتلى شانك
لا هنت على ايراد القصيده الرائعه
تقبل تحياااااااااااتي

 

 

 

 

[معلومات العضو ولد ودعان]

خالد الطويق صح الساااانك على ماقدمت يالذيب ولاهنت

تحياتي

ولدودعان

 

 

 

 

[معلومات العضو مبارك بن محيا الدوسري]

خالد


صح الله لساااااااااااااانك




جزلة تستاهل الوقوف عندها

هنا يا خالد شطر ما فهمته

واللي سوالكم صعب ماياصلونـي

وش معنى سوالكم ؟؟

تقبل تحيااااااااااااتي يا جزل


و سجلني متنابع

 

 

 

 

[معلومات العضو خالد الوطيب]

شافي المخاريم



مرحبا يالقرم وصح الله بدنك نفداك لاهنت يالشيخ مرورك شرف ووسام لاخلا ولاعدم تقبل تحياتي واحترامي

 

 

 

 

[معلومات العضو خالد الوطيب]

ولد ودعان


مرحبا يالسنافي

صح الله بدنك يالشيخ ولاهنت نفدا خشمك وافي جعل ابوك فالجنه لاخلا ولاعدم مرورك اسعدني امانه

 

 

 

 

[معلومات العضو خالد الوطيب]

مبارك بن محيا


ارحب نفداك



لاهنت جعلك تحيا واااافي جعل ابوك فالجنه والشطر اللي وقفت عليه خطأ مطبعي يالشيخ انا قايل واللي سواكم وكتبته واللي سوالكم لاهنت يالسنافي وعسانا مانخلا منك


تقبل احترامي وتقديري