تطـآلعه بعـين قـويه ..!!

[معلومات العضو بنت الشايب]

السلام عليكم ورحمة آلله وبركآته ..,,

...

هذي قصة بنت كانت تطالع واحد بعين قويه


المهم الرجال طلع شاعر

وما قصر فيها كم بيت عشان تتأدب


لكن المفاجأه هي ؟؟؟؟

....

المغزى من الموضوع

لا تستعجل يا بني آدم بالحكم

....

كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون


تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون


وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون


مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون


وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون


بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون


وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون


إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون


آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون


قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون


وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون


يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون


فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون


وفينا يلي مـا شكـى مـن علـةٍ كالآخريـن
صـمٌ و بكـمٌ وعمـيٌ فـهـم لا يفقـهـون


بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون


وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون


يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

....

دمتم بكـل الود..

بنت الشايب

 

 

 

 

[معلومات العضو شافي القويسي المخاريم]

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون




قصيده رائعه



اشكرك بنت الشايب على ما قدمتيه



تحياااااااااااااااتي

 

 

 

 

[معلومات العضو بنت الشايب]

مرورك الاروع اخي الفاضل

شاكره لك تشريفتك لـ متصفحي ..

دمت بود

 

 

 

 

[معلومات العضو فيصل بن جزاء]

القديره بنت الشايب

الف شكر على نقل القصيده المعبره ووالله ان دمعتي انزلت

من الموقف

تحيااااتي

 

 

 

 

[معلومات العضو ابو فهد الغييثي]

الله يعطيك العافيه على الطرح الرائع

 

 

 

 

[معلومات العضو خيالية]

مـــــــا أجمل نقلكي ووفقتي لكل إبداع ،،

 

 

 

 

[معلومات العضو أبونواف الدوسري]

بارك الله فيك

صح السان الشاعر قايلها..

وفقك الله...

 

 

 

 

[معلومات العضو بنت الشايب]

الله يعافيكم ويسلمكم

دمتم بود