محاورة بين ( الطير وابن قضعان ) قراءة وصوت

[معلومات العضو ابوحمد الشامري]

" الطير وابن قضعان "


لسماع القصيدة الرجاء الدخول على هذا الرابط :



لقراءة القصيدة :

هاذي القصيده للشاعر المعروف ضيدان بن منصور بن قضعان يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير ناديت له بأسمه الجديد فواز فواز فالتفت الطير على ضيدان وقال له :

ضيدان أنا إسمي دهام ما هوب فواز= أما إدعني يا دهام ولا بلاشي
ما هوب حق تغير إسمي بلا أرماز=وأنا عذاب الخرب لا أقبلت حاشي

فرد عليه ضيدان قائلاً :

لعيون بعض الناس سميت فواز=إسمٍ يشابه لاسم عسر المناشي
اللي غلاه بثومة القلب حزاز=تقبل له طعوني وتقفي عطاشي

فرد الطير :

ما أرضى تسميني عليها ولا جاز=تغيير الإسم إلا بذبح الكباشي
إذبح تميمه وإقلب الإسم فواز=إذا ذبحت الكبش ما صار ماشي

فرد ضيدان :

قلت فواز تكفى فكني بالتلعواز=الحل عندي وإسمع العلم كاشي
لازم تشوف اللي لها القلب ينحاز=عقب (ن) تجي فواز ولا شلاشي

فردالطير :

يالله مشينا والعمر يبغي إنجاز=يا ما نجز بالهدي ولا عراشي
قم جهز اللي ذاخرينه وممتاز=وعلي الطلاق إن عزبته من معاشي

وعندما وصل الا التي سمي الطير عليها شال ضيدان البرقع عن الطير وقال له هاذي اللي سميتك عليها فقال الطير :

أنا أشهد إني يابن قضعان فواز=وانته بعد فواز جاني خراشي
ياحظ قلبك يوم في حبها حاز=كحيلةٍ ما عاشرة كل لاشي
ياليتني رجلٍ لو أمشي بمعكاز=وأنخاك وأنخى مبعدين المعاشي
وأنهض لطيف الروح وأجلا لشيراز=وإقضي بقايا العمر ما أحتر جاشي
في شرع إبن حنبل بتأكيد ابن باز=معروف راعي الحب قلبه هشاشي
وأنا لوصل ملوع الشيخ معتاز=أعوز من فراق السبوق الرواشي
أبا أتمنى والتمني به الغاز=ياليت جنحاني لخلك فراشي
أو ليتني بيجر على الورك هزاز=ولا قلم بين الجسد والقماشي

ارجوا ان تنال هذه المحاورة وهذا الجهد الشخصي رضى واستحسان الجميع
تحياتي لكم

 

 

 

 

[معلومات العضو العماني]

لاهنت يابوحمد على هذه المساجله الجميلة ولاعدمناك يالقرم

تقبل تحياتي،،

 

 

 

 

[معلومات العضو نايف]

لاهنت يبو حمد ويعطيك العافيه على ذا المجهود ,,,,,,,

 

 

 

 

[معلومات العضو عبدالله الشكري]

لاهنت اخوي ابوحمد على المحاوره الطيبه
وماقصرت طال عمرك



اخوك
عبدالله الشكري

 

 

 

 

[معلومات العضو النجم الهاوي]

اشهد انه يحبها

ويرحم حااااااااااااااله


ايه هذا الحب والا بلالالالالالالالاش

 

 

 

 

[معلومات العضو نايف]

ابو حمد راجع الرسايل الخاصه ولا عليك أمر

 

 

 

 

[معلومات العضو ابوحمد الشامري]

مرحبا الف بجيمع الاخوة الافاضل بيض الله وجيهك على التعقيب والكلام الطيب

 

 

 

 

[معلومات العضو ابوحمد الشامري]

بيض الله وجهك يا نايف على التجاوب وما عيك زود طال عمرك

 

 

 

 

[معلومات العضو يوسف الهيزم]

لا هنت يا الشامري على هذه المحاوره الطيبه

وبيض الله وجهك دنيا وآخرة

تقبل تحياتي