الفياجرا وبر الوالدين ..؟!

[معلومات العضو كرباج]

السلام عليكم ورحمة الله وبركاته ..
هذي قصيدة معاناة للشاعر الملقب / ابو نحسه

بشرونا الصحافة.. عن اعلاج ٍ جديد=ينعش الابدان ويرجع الشايب.. ولد
صانعينه بواشنطن.. ومفعوله اكيد=جعل من جابه يوسع بقبره واللحد
قلت: فرصة.. شايبي له زمن مايتسفيد=من كبر سنّه يعاني بروح بلا جسد
له سنين ٍ منعزل.. لا شقي, ولا سعيد=كل ماشاف (العجيّز) تثاوب ثم رقد
مابيده حيلةٍ .. وانتهى منه الرصيد=العظام مهلهله,.. والعروق بها سدد
بندقه ماعاد ينفع ولا تقدر تصيد=والسلاح اللي معاه.. الفشق فيها فسد
قلت آبر بوالدي.. وانفعه حتى يعيد=ماضي الامجاد.. ويصبح بعيشة رغد
إشتريت اربع قوارير.. بآلفين ويزيد=الحبوب اللي تخلّي من الثعلب.. اسد
يوم اخذ منها.. تنافض رجع كنه وليد=ومن نشاطه قام يركض ويصدم بالعمد
وبعد مدّة .. قال ودي اسافر للصعيد=من (مصر) ناوي افيّز لعمال ٍ جدد
غاب أيام.. وجانا معه شي ٍ فريد=بنت شمحوطه.. وبيضا .. ومركوزة نهد
عمرها تسعة عشر عام ينقص او يزيد=اسمها (فيفي).. وابوها عبدالصمد
هام فيها ابي.. والحكي ماعاد يفيد=حلّق اللحية, وعن ربعه اقفى وابتعد
صار خاتم في يديها , ويفعل ما تريد=واصبحت تحكم بنا.. مثلما شيخ البلد
اسلبته المال والعقل والرآي السديد=بالمقالب والحيل.. عيشتنا في نكد !
طلّق ام عياله اللي لها ساس ٍ جويد=قال: طسي ياعجوز المشاكل والعقد
من يذوق الكيك.. يرجع ايذوق العصيد=وانتي العيشه معك.. مثلما حبل المسد
هانت العشره عليه.. وعسى عمره مديد=باعنا بأبخس ثمن.. راح عنا مانشد
اعرف اني سبّة اللي حصل.. والله شهيد=جيت آكحل عين محروم.. واعماها الرمد
آثر بعض المر وسواس شيطان ٍ مريد=يفسد الاخلاق.. ويصيّع الوالد ..(ولد)

ارجو ان تنال على رضاكم .. وان يرحم حال الشاعر (ابو نحسه) ..!
اخوكم / كرباج

 

 

 

 

[معلومات العضو شافي القويسي المخاريم]

لاهنت على الموضوع الرائع


والله يرحم ابو نحسه

 

 

 

 

[معلومات العضو سعد شجاع المسعري]

هههههههههههههههههه مايلام العود
صح السان الشاعر وسلمت ياكرباج

 

 

 

 

[معلومات العضو سالم الحراجين]

ارجو من المراقبين ازاله هذا الموضوع

 

 

 

 

[معلومات العضو كرباج]

اهلا بكم اخوتي .. والله يعطيكم العافيه على المرور ..!
اخوي سالم ليش يزال ؟ اشوف انه قصيدة الشخص عاديه !
وياهلا بكم جميع ..!