قصيده بنت غلطانه في التلفون

[معلومات العضو مشاري الرجباني]

اخواني واخواتي زوار واعضاء منتدى الدواسر ...اليكم قصيده من اعجبي ونشالله تعجبكم .....ووصح لسان قائلها

البشر فـي الاتصـالات يخطـون00000يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون000من غلط في رقمي .لقى الردّ غلطـان
الين جـااء فـي يـوم ..دق ّ التلفـون0000شفت الرقم.. لقيتـه اشكـال والـوان
فتحت جوّالـي ابعـرف مـن يكـون000000سمعـت صـوتٍ فيـه بحّـه وفتّــــــان
قالت لي: انت محمد؟ قلت: ايه بالعون.000لعيونك.. اسمي محمد لو كان ضيـدان
قالت :اتظنّي مخطئه. قلت :وشلـون؟؟00000قلبـي توقّـف مانبـض فيـه شريـان
بالهـون يابنـت الاجاويـد بالـهــــــون00000من عـادة الانسـان يرتـاح لانسـان
تسمّعـي يابنـت وابلـيـس ملـعـون000000اخذي كلام ٍ مصدره صـدق وجـدان
ماني بقايل لك: انـا انسـان مزيـون0000اطرق ولاله شبه في الانـس والجـان
انا عبدالله.. وافـي الهـرج مـوزون00000اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون00000مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون000000حبّـي يفجـر داخلـي الـف بركـان
وانا الّذي ماطـرد ورى مـن يقفّـون0000من صدّ عنّي عمد.. بجزيـه حقـران
هذي وصوفي .واكثرالنّاس يشـرون00000وانتي عليـك اليـوم تقديـر الاثمـان
قالت :اشوفك قمـت ياعبدالله تمـون000000تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون0000احيـان ماتلقينهـاا بـيـن الاخــوان
ترى الميانه شـيّ واضـح ومضمـون0000اذا اجتمع شخصين.. في قلب ولسـان
قالت :كلامك وافـي ٍ يابـن خلـدون00000احيان احسّ ان جلستـك بيـن شيبـان
ياعبدالله .اسمع كلمة البنـت رنون00000اسلوبك ووقتك.. مضت دونها ازمـان
هـذا زمـن قدواتـه افـلام كرتـون000000وهذا زمان ارجالـه اجسـاد وابـدان
قالت.. وغنّت لي على وقتـي لحـون00000قلت: اسكتي من بعد ماخاطري شـان
انا ادري ان الوقت.. من دون في دون0000لكن فمـان الله وانـس ِ اللـذي كـان
قلته وانا صامل.. وهـي عندهـا آذون000000لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون000000وانا قفلـت الخطّ..ضايـق وزعـلان
ونسيت.. والاجواد في الوقت ينسـون00000ماسـمّـي الانـسـان الاّ بنـسـيـان
المشكله..بـنـات حــوّا مايسـلـون000000دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون00000اسمي مهو ريناد.. حان الصدق حان
الاسم فجر وآخـر الجـدّ مصيـون000000مهـره ولا طوّعـت بلجـام وعنـان
قلت: ارحبي مليون تضـرب بمليـون00000اقولهـا مليـون مـن قلـب ولسـان
قلت: ارحبي في العين ..ولحافك جفون0000وظلالك من الشمس باهـداب الاعيـان

,,,,,,,,,,,,,,,,,,,,,ولكم خالص تحياااااتي .................

 

 

 

 

[معلومات العضو الزين]

اشكرك علي النقل

.........!!!!!!!!!!!............=اسلوبك ووقتك.. مضت دونها ازمـان
هـذا زمـن قدواتـه افـلام كرتـون=...!!!!!!!!......................

الزين

 

 

 

 

[معلومات العضو ابوهادي الودعاني]

مشاري يعطيك الف عافيه وتسلم يدك .

 

 

 

 

[معلومات العضو مشاري الرجباني]

خااالد الووودعااني


شهد


الزين




اسعدني مروركم الجميل ولكم تحياااتي

 

 

 

 

[معلومات العضو ناصر بن بجاد الخييلات]

مشاري يعطيك الف عافيه وتسلم يدك .