اول قصيده لي في هذا المنتدى..( ربعي الدواسر خطلان الايدي)

[معلومات العضو محمد مناحي الودعاني]

السلام عليكم ورحمة الله وبركاته
ارجو ان تحوز هذه القصيده على جزء من اعجابكم

ربعي الدواســـر خـطلان الايــدي =اللــي لــهم في حزه الضيق ميقــــــــاف
ربعي الدواسر اللي كرمهم يزيدي =كما يزيد الغيث في خـضر الاريـــــاف
اهل الكرم واهل المقام الحميدي =متوارثين الطيب من طيب الاســــــــلاف
ننشر لهم فوق الثريا الجديدي =بيض (ن)تلالا من عديمات الاصنــــــــاف
واخص منهم في الثنا في قصيدي =هلى الوداعين وافين الاوصـــــــــاف
اهل المقام اللي يفل الحديدي =زبن الدخيل ليا جا كل خــــــــــــــــــــــواف
اهل البيوت اللي ذراها سديدي =يلجأ لها من شاف فالوقت ما عـــــــــاف
عده ليا جاهم شديد(ن) عديدي =ينسى الهموم اللي على قلبه اضعـــــاف
ولو سيف الوقت فوق الوريدي =ماينكفه في جالهم كل نكـــــــــــــــــــاف
ما يلحقه في الوقت حر وجليدي =مدام في ظلل من الناس مضيــــاف
معروفهم مشيوف والعلم اكيدي =اللي جمايلهم على كل الاضيـــــــــــاف
يالله يا محصي الكون رب العبيدي =تجعل لهم العز مرباع ومصيـــــــــاف

سلامتكم

 

 

 

 

[معلومات العضو ابن كعوت المسعري]

صح السانك على هذه القصيده
:
:
:
:
:
تقبل تحياتي : ابن كعوت المسعري

 

 

 

 

[معلومات العضو محمد مناحي الودعاني]

صح بدنك يا ابن كعوت المسعري

 

 

 

 

[معلومات العضو راشد المسعري]

ما يلحقه في الوقت حر و(برادي) .... مدام في ظلل من الناس مضيــــاف


صح لسانك يا بعيد المدى على هالقصيدة الطيبة اللي تعتبر الأولى لك في هذا الصرح الشامخ ، ونعم بك والله وبلاد ابوودعان مرخصة العمار.
وعندي ملاحظة بسيطة على البيت اللي في الأعلى فيه كلمة (وبرادي ) اختلفت فيها القافية عنا سابقها من الأبيات( )
هذا وتسلم على القصيدة وبانتظار جديدك ولك مني الود والتقدير ،،،

 

 

 

 

[معلومات العضو أبونواف الدوسري]

الأخ بعيد المدي

هذا أول موضوع لك في المنتدي عسي الله يوفقك. وتشكر علي هذه القصيده.

أستمر مع تمنياتي لك بالتوفيق.

أخوك أبو نواف الدوسري

 

 

 

 

[معلومات العضو الوفا]

(( قصيده رائعه وبإنتظار المزيد
تقبل مروري))
......الوفــــــــــــا......

 

 

 

 

[معلومات العضو محمد مناحي الودعاني]

صح بدنك يا راشد المسعري : كتبتها بسرعه يوم نزلتها طرتلي بدال (برادي ) (جليدي) بس ما ني عارف اعدل الموضوع

 

 

 

 

[معلومات العضو سعد هذال آل جيعان]

صح السانك يابعيد المدى على ذا القصيدة الجزلة

أخوك \ سعد ال جيعان الغييثي الدوسري

 

 

 

 

[معلومات العضو ابن مهوس البدراني]

صح لسانك قصيده رائعه..
أخوك ** ابن مهوس البدراني

 

 

 

 

[معلومات العضو كحيلان]

صـح لـسـاااانـك يا بعـيـد المـدى على القصيـدهـ الـرائعـه ،،

ونتمنـى منك الإستمـرار في كتابة القصـائد

 

 

 

 

[معلومات العضو العماني]

صح الله لسانك يابعيد المدى ، وبيض الله وجهك على القصيدة الجميلة

ومرحبا بك في محلك وبين ربعك وبني عمك في موقع الدواسر الرسمي

واسمحلي على تنسيق القصيدة وتعديل كلمة (برادي) الى (جليدي) حسب ماورد في ردك على راشد المسعري اعلاه .

تقبل تحياتي،،

 

 

 

 

[معلومات العضو محمد مناحي الودعاني]

بيض الله وجهك ولا هنت على التعديل
واتشرف اني بين اخواني في المنتدى

 

 

 

 

[معلومات العضو ابن مطوع الودعاني]

صح لسانك يابعيد المدى وفيت واسعدتني بها الكلمات الجزله اجل الجاي بننتظره أكيد .