ياااابنت النشــــــاما

[معلومات العضو هند]

ياهل الحرف ربعي بين كاتـب وشاعـر=الحذر من حـروفٍ مثـل نـار الوقيـد
تكتب الحرف لاعمى ما حسبت المخاطر=ومن كتب لك تظنّه عـادي{ن} او بليـد
الركـاده سعـاده لا تعـجّـل تقـامـر=لين تسمع وتنظر وتفهـم اللـي يريـد
الرجاجيل مخبـر لا حـروف ومناظـر=بعض صفرٍ وبعض الماس سعره يزيـد
اضبط الحرف دايم واترك العقـل يامـر=والوساوس بعيده دون شـيّ{ن} اكيـد
ناقل الهرج احـذر ثـم حـذّر وحـاذر=من حكى لك حكى بك لو بدى لك عضيد
احضر اللي نقل لك ومن نقل عنه حاضر=تكشف الصحّ والكذّاب لـو هـم عويـد
كان جاهل يعلّم ، وكان حاقـد وماكـر=اقطع خطوط وصله لا يجي لـه بريـد
مثل هذا تـرى حقـده بقلبـه خناجـر=يقتله مـا يطـوّل مثـل سـمّ الوريـد
وانتبه للعذارا بعضهـن خـوش تاجـر=صيدة الرجل مهنة من شرفهـا زهيـد
ولا تفكّر تصيد اللـي عفيفـة وطاهـر=من رمى بيت غيـره ينتظـر للحصيـد
العقوبة قريبـه مـن عليـم السرايـر=يوم تبلى بعرضك وكل صايـد مصيـد
* ويا بنات النشاما احـذرن كـل داشـر=في حروفه خديعـه رامـي{ن} للبعيـد
ينصب الطعم في ردّه وفي الخبث ماهـر=عجب اللـي خفيفـه بالكـلام الحميـد
تبتدي الشات تثغي ثم نقـض الظفايـر=ثم جوّال يرقـص عنـد موعـد سعيـد
لين ياخذ مـراده ، سـددي للخسايـر=وردة العمر ديست ، بعدهـا وش يفيـد

كتبها - الطائر المهاجر



هند

 

 

 

 

[معلومات العضو الشريف طامي بن ردّه]

الاخت هند

صح لسانك ولسان الشاعر ولاهنتي على النقل

شاعر هالقصيده صاحب ضمير طيب وقلب نصوح جزاه الله خير و جزاك الله خير على نقلها

اتمنى من الاخوات المطلعات على هذه القصيده الاستفاده منها

واتمنى ايضاً من الاخوه المطلعين عليها الاستفاده من حكمها

 

 

 

 

[معلومات العضو هند]

يامرحبا بالشريف طامي

صح بدنك أخي الكريم

جزاك الله خير على حسن التفاعل وجميل الرد


أطيب التحايا
هند

 

 

 

 

[معلومات العضو عبدالرحمن النتيفات]

مشكوره أخت هند
قصيده تغني عن كثير
من الدروس.....

 

 

 

 

[معلومات العضو تركي ال فنيس]

ابيات رائعه ومشكووووووووووووووووره اختي هند علي النقل المشرف والي الامام

 

 

 

 

[معلومات العضو غياث]

صح لسان شاعرها...

و تسلمين يا هند على هالاختيار الطيب..

 

 

 

 

[معلومات العضو هند]

العفو أخوى عبدالرحمن


أسعدنى حضورك



هند

 

 

 

 

[معلومات العضو هند]

تسلم أخوى تركي الودعاني


أسعدنى حضورك



هند

 

 

 

 

[معلومات العضو هند]

غياث

صح بدنك ولاهنت


عاطر التحايا
هند

 

 

 

 

[معلومات العضو نايف]

صح لسان الشاعر ومشكووووره ياهند على الاختيار الجميل ,,

تقبلي تحياتي ,,,

 

 

 

 

[معلومات العضو هند]

صح بدنك يانايف

أسعدني حضورك


عاطر التحايا
هند