واعجبتني ذالقلطه

[معلومات العضو أحمد الغاطي]

سلام يامن حازوا علـوم الفخـر=يهل المكارم والفخر مني سـلام
من راس ابو يحيى ومن قلبٍ نزيه=والجدي ثابت يالنجـوم الساريـه
يابدر عقب أنك لفيت من السفـر=عطنا يبن نايف حماميض العـلام
الطيب فالرجال طيبـه بصغريـه=والجدي ثابت يالنجـوم الساريـه
يامرحبا بك عد مانبت الزهر=فى حلة اهل الطيب ورجال المقام
يالشاعر اللى فى مواقيفه نبيه=والجدى ثابت يالنجوم الساريه
يامجرشي والحرص مارد القدر=اروح وارجع من على صدرى وسام
قلبه وثم يمناه والسانه يليه=والجدى ثابت يالنجوم السـاريه
تبقى عسى ربي يعديك الخطر=ياشاعرٍ محشوم من ربعٍ احشام
أفتيت غاوى الناس حيثنك فقيه=والجدي ثابت يالنجوم الساريه
جاهل يقول أنه نبـيٍ منتظـر=ولايفرّق في حلاله والحـرام
هو مايجوز أنك تلعّن والديـه؟=والجدي ثابت يالنجوم الساريه
لو ياصل الرجال فى حد البطر=تغدى مضامينه كلامٍ فى كلام
يالمجرشي لامات لا تبكى عليه=والجدى ثابت يالنجوم الساريـه
استغفر الله والقهر يركب قهر=النور ياعبده ترا عكس الضلام
خل السفيه ان كان قابلت السفيه=والجدى ثابت يالنجوم الساريـه
مثله حقيقه من بلاوي ذا الدهر=لوكان مايسوى من الحنطه قرام
لكن على كلُ ترى رايك وجيه=والليل ساري يالنجوم الساريـه
كبّه..وقلّي شنهو الموت الحمر؟=شفته بدارك جعل يسقيه الغمام
عقبه وعبده يابدر يصفق يديـه=والليل ساري يالنجوم الساريـه
يالمجرشي لوك على درب السفر=اربط حزام وانتبه والدرب شام
نور الهدى بين ولوك تهتديه=والليل توه يالنجوم الساريه
اثرك تلد العين فالزول العفر=ماودنا والضرب من تحت الحزام
يابعد مرواسك عن اللى ترتجيه=الليل توه يالنجوم الساريـه
أيام زلت ((يعل))!! يسقيها المطر=روينا فيها يوم أهل دارك حيـاام
ومن عقب ثقل الحمل مانقدر نجيه=والصبح بيّن يالنجـوم الساريـه
ترى الهواوي يابدر لـوّه صبـر=يذكر مواليفـه لياغنـى الحمـام
هذي الحقيقه وألعن أبليس الكريه=والصبح بيّن يالنجـوم الساريـه
يالمجرشي ولد البطون من الضهر=ماجا يجر الصوت منشان الغرام
مير انتبه والناس لاتنقد عليه=الليل توه يالنجوم الساريـه
الموج يصفق والبحر فيه الدرر=يالشاعر اللى موقعه فوق الهيام
والمجرشسي مدرى وش اللى يحتريه=الليل توه يالنجوم الساريـه
شوري عليك أن طعتني كب القشر=ألعب مع المزمار ، مالك والحسام!!
منته من الروقه ولانته مـن بريـه=مار أشهديلـي يالنجـوم الساريـه
ياتويجـرٍ جلبـت فالمـزوّد تمـر=أبك أنت جيت لهجر بأيام الصـرام
معك الحشف والله فلا أحدٍ يشتريـه=وأنتي أشهديلي يالنجـوم الساريـه
يالمجرشي لاجات فى حد النذر=من روعتك والله ماتقدر تنام
العلم واضح وانتبه للى يليه=الليل توه يالنجوم الساريه
اثريك وافي لبسك الضافي وبر=شاعر ولك فالطبع من طبع النعام
الخبل لوه قال قولن مايعيه=الليل توه يالنجوم الساريـه
مثلك ولو يرقص على عزف الوتر=ماتلحقه شرهه يبن (بابـا) ومـلام
وأنا آدراي اللوم والاسم أحتميـه=ومنك الشهاده يالنجـوم الساريـه
ألي نشا فـي ديـرةٍ فيهـا العبـر=يالاجودي..مايستره متريـن خـام
ودليلها عندي أنكـان أنـك تبيـه=ومنك الشهاده يالنجـوم الساريـه
شعيل لامن حن من بعد الهدر=يمشي مع الورعان فى حبل وخطام
ياعبده الفوال كم تبغي جنيه=الليل توه يالنجوم الساريه
مير انتحر يالمجرشي قلت انتحر=خشمك وفيه عرام او فيه الزمام
الماقفه تنفاك مامثك جبيه=الليل توه يالنجوم الساريه
عبده يجيـب المـاس يـاراع التبـر=والتبر جنـب المـاس مـاوالله يسـام
والعارف امن الناس مايشكـل عليـه=ليا أشكلـت علـى النجـوم الساريـه
والله يالولا الخوف من ذاك الحظر!!!!=أني لحدربـك علـى سـوق اللئيـام
يالشاعـر ألـي فـي برابيسـه يتيـه=ومـع السلامـه يالنجـوم السـاريـه

 

 

 

 

[معلومات العضو بدر ابن نايف]

السلام عليكم


يامرحبا الف

جعل والدينم فالجنه

ولاهنت على النقل


اشكرك كثير الشكر

والله يزيد من امثالك


متابعتك واهتمامك مصدر عاده لنا


لاخلا ولا عدم

تقبل

تحياتى

 

 

 

 

[معلومات العضو يحيى الودعاني]

لاهنت يالقرم

وبيض الله وجهك على الأختيار الطيب

 

 

 

 

[معلومات العضو المسعري]

تثبيت تستاهل التثبيت

 

 

 

 

[معلومات العضو ابن وتيد السباعي]

عز الله انها تستاهل التثبيت بيض الله وجهك يا ابو خالد

وبيض الله وجهك يا أحمــــــــــــــــــــــد الغاطي على الاختيار الموفق

وهذا يدل على ذوقك الراقي في الشعر.

 

 

 

 

[معلومات العضو العماني]

بيض الله وجهك اخوي احمد وهذا دليل على ذوقك الرفيع واختيارك للجميع وصح لسان الشعار جميع

تقبل تحياتي،،

 

 

 

 

[معلومات العضو كلاش]

اللــــــــــــــــــــــــــــــــــــــه يسعدكن والله بيضتن

وجهي قدام ام يحيى وشكرن شكرن اخويه امغاطي

 

 

 

 

[معلومات العضو أحمد الغاطي]

	العفو اخي الكريم بدر وشكرا لكل الاخوه الذين تكرموا بالمرور وهذا حق وواجب علينا لانشكر عليه والشكر مني موصول للاخ الكريم المسعري على تثبيته للموضوع وتقبلوا تحيات وتقدير اخوكم الصغير احمد الدوسري