يقول من عدا على راس عالي

[معلومات العضو السلطان]

بسم الله الرحمن الرحيم

السلام عليكم ورحمة الله وبركاته :.

هذه قصيدة الامير // محمد بن احمد السديري

يقـول من عـدا علـى راس عالـي=رجـم طويـل يدهلـه كـل قرنـاس
في راس مرجـومٍ عسيـر المنالـي=تلعـب به الأريـاح مع كل نسنـاس
في مهمـةٍ قفـر من النـاس خالـي=يشتاق له من حس بالقلـب هوجـاس
قعـدت فـي راسـه وحيـدٍ لحالـي =براس الطويل ملابقـه تقـل حـراس
متذكـر فـي مرقبـي وش غدالـي=وصفقت بالكفيـن يـاسٍ على يـاس
أخـذت اعـد أيـامهـا والليـالـي=دنيـا تقلـب ما عرفنـا لهـا قيـاس
كـم فرقـت ما بين غالـي وغالـي=لوشفـت منها ربح ترجـع للافـلاس
يقطعـك دنيـا ما لهـا أول وتالـي=لو اضحكت للغبن تقـرع بالأجـراس
المستـريح اللـي من العقـل خالـي=ما هو بلجـات الهواجيـس عطـاس
ماهـوب مثلـي مشكلاتـه جلالـي=أزريت أسجلهـن بحبـر وقرطـاس
حملـي ثقيـل وشايلـة باحتمـالـي=واصبر على مر الليـالي والاتعـاس
وارسي كما ترسـي رواس الجبالـي=ولا يشتكـي ضلـعٍ عليه القـدم داس
يابجـاد شـب النـار وادن الدلالـي=واحمس لنا يابجاد ما يقعـد الـراس
ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس
وزلـه إلـى منه رقـد كـل سالـي=وخله يفـوح وقنـن الهيـل بقيـاس
وصبـه ومـده يـا كريـم السبالـي=يبعد همومي يـوم أشمـه بالانفـاس
فنجـال يغـدي مـا تصـور ببالـي=وروابع تضرب بها اخماس واسـداس
لاخـاب ظنـي بالرفيـق الموالـي=مالي مشاريـهٍ علـى نايـد النـاس
لعـل قصـر مـا يجيلـه ظـلالـي=ينـهد مـن عـال مبانيـه للسـاس
لاصـار ما هـو مدهـل للرجالـي=وملجا لمن هو يشكي الضيم والبـاس
بحسنـاك يامنشـي حقـوق الخيالـي=ياخالـق أجنـاس ويامغنـي أجنـاس
تجعـل مقـره دارس العـهد بالـي=صحصـاح دوٍّ دارس مابـه اونـاس
البـوم فـي تالـي هدامـه يـلالـي=جزاك ياقصـر الخنـا وكر الادنـاس
متـى تـربــع دارنـا والمغـالـي=وتخضر فياض عقب ما هيب يبـاس
نشـوف فيـها الديدحـان متـوالـي=مثل الرعاف بخصر مدقوق الالعـاس
ونثير على البيـدا سـوات الزوالـي=يشرق حماره شرقة الصبـغ بالكـاس
وتكبر دفـوف معبسـات الشمارلـي=ويبني عليهن الشحم مثـل الاطعـاس

 

 

 

 

[معلومات العضو العماني]

صح الله الشاعر ابوزيد رحمه الله

ولاهنت يالسلطان على ايراد هذه القصيدة المشهورة

تقبل تحياتي،،

 

 

 

 

[معلومات العضو أبوفهيد الودعاني]

السلطان صح لسانك ولاهنت على الموضوع القيم والمشهور



ودمت متألقا ،،،،،،،،،،

 

 

 

 

[معلومات العضو ابن غياث]

لاهنت يالسلطان والله يرحم بو زيد

 

 

 

 

[معلومات العضو الجوهره]

أشهد انه شاعر..... عمري ما قريت لأحد مثل السديري... شعره كله حكمه وعظه.... الله يرحمه ويتغمد روحه الجنة .... اللهم آمين....

 

 

 

 

[معلومات العضو هند]

وعليكم السلام ورحمة الله وبركاته

لاهنت أخوى السلطان
وبيض الله وجهك على هالرائعـــة

صح لسانك ولسان شاعرها ( محمد بن احمد السديري ) الله يرحمه


ننتظر جديدك
هند