المرجلـــــــــــه

[معلومات العضو أبوفهيد الودعاني]

أضحك مع الدنيا وخـل الهواجيـس=والهـم نحـه بالنجـم والعـزومـي
لاتخضع لضغط الدهر والوساويـس=ولاتنحنـي مستسـلـم للوهمـومـي
شم للمعالـي خـل عنـك الدنافيـس=وشمر ترى الحر القطامـي يشومـي
خلـك طمـوح للعـلا والنواميـس=ولاتقنع مـن العـز دون النجومـي
وجاهد بجد وكرس الجهـد تكريـس=بحزم وقلب في النوايـب عزومـي
ترى التهاون والكسـل والغطاليـس=وقصر النظر ما يستـوي للقرومـي
وشكواك لاتفضـى بهـا للمناجيـس=يجزع صديق لك ويفـرح خصومـي
ونق الضمير وطهـره مـن لدانيـس=لبس التقئ أشرف من لباس الهدومي
وأفهم ترى النيات هي خير تأسيـس=كلش علـى النيـة يشـاد ويقومـي
واقتد بسيرات الرجـال الآشاويـس=نجوم العـدى لاتقتـدي بالرخومـي
وأصاحب مشاكيل الحرار المدابيـس=وكل ابلـج شهـم يـدرك اللزومـي
تلقاه لي من جـا بقلبـك حواسيـس=يشفـاك بافعالـه عـزوم جزومـي
دونك يعرض النفس و الروح والكيس=حصـن منيـع للمعالـي يـرومـي
وابعد وجنب عن اخـوان الأباليـس=خباث الطبـوع مضيعيـن السلومـي
متلونيـن اشكـال مثـل الطواويـس=نكـوث الرجـال منقليـن العلومـي
تجـارهـر م الشهـامـه مفالـيـس=والشر واجـد والصـلاح معدومـي
والمرجلة ماهـي هـروج أماليـس=ودجل على الفاضي ونفـخ وزومـي
المرجله مرقى صعيـب المراويـس=تبغي صعب رأس كظـوم عزومـي
ولا تنقل لدا هـرج دا كنـك بليـس=ولا تفـرح بعثراتهـم كـل يـومـي
والصبر هو الحلم و العلم لـو قيـس=درع منيـع واقـي مـن السهومـي
ودرس الليالي للفتى خيـر تدريـس=تكشف له أسـرار وتزيـده علومـي
مجرى الحياة يجنس النـاس تجنيـس=تفحص نوابيها العيـب و السلومـي
فيهـا تجاريـب و فيهـا مقايـيـس=وفيهـا امتحـان للرجـال معلومـي
والى عثر بك مـرة حظـك وديـس=فأصبـر وجاهـد بـد يـوم يقومـي
دنياك مشحونة ضحـوك و تعابيـس=مـادام عسـر ولا نعيـم يـدومـي
لو أهبدتك و عضتك بـالا ضاريـس=انطـح مصايبهـا بجلـد جحـومـي
وصبر وثبـات وقوبـاس وتماريـس=ترى الجزع مـا يـرث الا الهومـي
اصبر ومهما طـال ليـل الحناديـس=فالصبر نوره بي يشعشـع لزومـي
لزم تدعـدع لـك هبـوب النانيـس=و نجم السعد يزيح عنـك الغيومـي
ولا تفرح ان جت لك تدافع كراديـس=ولا تجزع ان شحت عليك العلومـي
فالمفلس ومن كدس المـال تكديـس=هـدا و هـدا ماضـي كالحلـومـي
تطويه بقعا طـي بيـض القراطيـس=ويقضي و يمضي بين ليـل ويومـي
والفخر في كسب الثناء و النواميـس=والقالـه العليـا وذكــر يـدومـي
فالعز غاية كل مـن فيـه أحاسيـس=و المجد يعشق كل من لـه يسومـي

 

 

 

 

[معلومات العضو الجوهره]

والمرجلة ماهي هروج أماليس
ودجل على الفاضي ونفخ وزومي
المرجله مرقى صعيب المراويس
تبغي صعب رأس كظوم عزومي



لا هنت...

شيهانه

 

 

 

 

[معلومات العضو المبيعيج]

تلقاه لي من جا بقلبك حواسيس
يشفاك بافعاله عزوم جزومي
دونك يعرض النفس و الروح والكيس
حصن منيع للمعالي يرومي
وابعد وجنب عن اخوان الأباليس
خباث الطبوع مضيعين السلومي
متلونين اشكال مثل الطواويس
نكوث الرجال منقلين العلومي



الله لايهينك يالبراق على القصيدة والله يرحم شاعر سعد بن محمد بن مقرن رحمة واسعة

 

 

 

 

[معلومات العضو أبوفهيد الودعاني]

شيهـــانه


المبيعيـــج


مشكورين على المرور والاطراء الطيب ،،،،

 

 

 

 

[معلومات العضو محمد ال بو زمام]

السلام عليكم ورحمة الله وبركاته


وأفهم ترى النيات هي خير تأسيس
كلش على النية يشاد ويقومي
واقتد بسيرات الرجال الآشاويس
نجوم العدى لاتقتدي بالرخومي



صح لسانك اخوي ( البـراق ) والله لايهينك على هذه الابيات الرائعه .

والى الامام

والســلام خــتــام

 

 

 

 

[معلومات العضو أبوفهيد الودعاني]

محمد ال زمام

مشكور يالغالي على المرور والاطراء الطيب ‘‘‘‘