رديه بين بن سويد اليامي وبن غالب الدوسري

[معلومات العضو راكان اليامي]

قصيدة للشاعر/ محمد بن علي بن سويد آل دمنان اليامي

والقصيدة لم اعرف مناسبتها , ولكنها بالاجمال تمدح قبيلة الدواسر ويرد بها

عزوة قبيلة المساعرة(خيالة صخاف الشول) اضافة الى بعض المواقع جنوب الوادي

لقبيلة الدواسر

يامل قلـب ٍ مولـع ٍ بالمشاريـف=يطرب لاذب في الرجـوم المنيفـه
ترسي رسوم الحد من غير تعريف=باقوال شاعر في بيـوت ٍ طريفـه
شب البحر والا فحـروه بالسيـف=من شانكم يااهل العقول الضعيفـه
يااللي تسمي خرب رمح على الكيف=ماشـد رمـح ٍ والوحيـد وليفـه
لاينسمع لك صوت والزول ماشيف=واصبحت تايه في ديـار ٍ مخيفـه
امـا فخلـه لاتشلـه بتحـريـف=ولا افشلـه مـن جنوبـي منيفـه
كـلام صـدق مايرهـم بتزييـف=تجـارة ٍ لاهـل القلـوب النظيفـه
يسقيك يارمح ٍ مخال ٍ من الصيـف=بـراق نـو ٍ مقبـل فـي قنيـفـه
ديار عطران الشوارب هل الكيـف=دواسر خطـلان الايـدي شريفـه
خيالة ٍ لصخاف الشول مشاعيـف=لطار ستـر ام الخظـاب العفيفـه
سلام ٍ احلى من فواق المصاييـف=لمدلهيـن الجـار ينسـى وليفـه
جعل الوطن ودياركم وارضكم ريف=يااهل المراجل والنفـوس الخفيفـه
يوم القنا والخيل والرمح والسيـف=كل يعـدي مـن حياضـه بسيفـه

وقد رد الشاعر / محمد بن سيف بن غالب آل حميد الدوسري بهذه القصيدة

يامل قلـب ٍ مولـع ٍ بالمشاريـف=يطرب لاذب في الرجـوم المنيفـه
لاداج في قـاع العشبـة تصانيـف=وبنـة فياضـه بالنسايـم لطيفـه
في نجد لااسقته المزون المراديـف=من بارق ٍ يعجبـك لااقبـل رفيفـه
رفق الخيال اللي سحابـه مهاتيـف=ولاحـن رعـاده يعيشـك رجيفـه
وترتع به الطرعات من غير تعليف=حل العشـار اللـي لذيـذ عطيفـه
سود البكار اللي اذانيهـا مقاييـف=شولن ليا جيتـه قليـل ٍ وصيفـه
وسج النبات ودوجة ٍ به ليا شيـف=مصيف مثلي لانشد عـن مصيفـه
وقلبي يشوقنه اجـزال السواليـف=وهذا هـوى بالـي وكلـن بكيفـه
وهاض الكلام وكلش له مداريـف=وزانه مجـاراة العلـوم الطريفـه
ابن سويـد ذرف القـول تذريـف=ببيوت شعـر ٍ بالمعانـي حصيفـه
من لابة ٍ تعرف نهـار المواقيـف=صبيان يام اهـل الفعـول الكليفـه
دمناني لامن مشى الحيف للحيـف=قوم ٍ وفاها يغلـط اللـي يضيفـه
قطف زهر عذبات الامثال تقطيـف=والنور عده ريـف جـاره وضيفـه
والصدق لظفران عـز ٍ وتشريـف=والظلـم طبـع الوجيـه الكسيفـه
ترفع له البيضا بـروس الاطانيـف=يوم الوفا والصدق وجهـه حليفـه
وسمعت في قوله لما سمع توصيف=في خرب والمصبح ورمح وكنيفـه
حـد ٍ بيـان ثابـت ٍ دون تزييـف=واللي يزيـف فيـه مافـاد زيفـه
وقبله شهد مثله رجال ٍ عواريـف=قول الحبيشي في السنين الوحيفـه
وقول الخلاوي صدق ماهو بتخريف=قول ٍ مورخ ثابـت ٍ فـي صحيفـه
والزايديـه يازبـون المواجـيـف=ترسخ على حد السيـوف الرهيفـه
ديارنا مـن ماضيـات الاساليـف=قبـل الهلالـي والزناتـي خليفـه
وحدودها تعـرف بكـل الاطاريـف=ومن دونها العدوان ترجـع معيفـه
وجنوبها رمح ٍ عروقـه مهاييـف=وشمالها جـزع الركـا لاعريفـه
ومن شرق لادناها الوسيع المناكيف=ومن قبلة قوز الشريـف وشريفـه
دار ٍ حميناها بضـرب المراهيـف=وفوق المهار وموميـات الشفيفـه
وفعل القبايل وافـي ٍ دون تعريـف=والذم يرجـع صاحبـه للحسيفـه

 

 

 

 

[معلومات العضو العماني]

لاهنت يابوسالم على هذه الردية الجميلة وبيض الله وجهك

تقبل تحياتي،،

 

 

 

 

[معلومات العضو محمد الغريري]

أخي : راكان اليامي


ما قصرت يالغالي على الردية والقصايد الجزلة



اخوك في الله


محمد الغريري

 

 

 

 

[معلومات العضو راكان اليامي]

ابو مبارك
الغريري
ووجهيكم بيضا انشاءالله وتسلمون على الرد

 

 

 

 

[معلومات العضو منذر بن رشود]

راكان اليامي(ابوسالم)

مرحبا بك بين اخوانك

ولاهنت طال عمرك

وصح لسان الشعار


تقبل تحياتي

 

 

 

 

[معلومات العضو الشكري]

راكان اليامي

جعل يمناك تسلم

على النقل

ولا عدمناك

 

 

 

 

[معلومات العضو راكان اليامي]

يامرحبا يالشكر والله يسلمك يالغالي

 

 

 

 

[معلومات العضو أبوفهيد الودعاني]

راكان اليامي


لاهنت يالقرم على النقل المتميز ولا عدمناك ،،،،

 

 

 

 

[معلومات العضو الجوهره]

يا سلامي.... لا هنت أخوي على القصيد الجزل....

شيهانه

 

 

 

 

[معلومات العضو راكان اليامي]

ابن رشود
البراق
شيهانه
مرحبا ومسهلا وتسلمون على الرد جميع

 

 

 

 

[معلومات العضو عبدالله بن عريمة]

لاهنت يابوسالم على هذه الردية الجميلة وبيض الله وجهك
تقبل تحياتي،،

 

 

 

 

[معلومات العضو سلطان العتيبي]

الله يبيض وجهك على الطرح الطيب


تقبل منى فائق الاحترام

وتستاهلوووون المدح يالدواسر


سلطان

 

 

 

 

[معلومات العضو عبدالرحمن النتيفات]

الله يبيض وجهك على الطرح الطيب


تقبل منى فائق الاحترام