حبيب ×القرقاح

[معلومات العضو المسعري]

اخواني اعضاء منتدى قبيله الدواسر

لقد جرت هذه المحاوره في منتديات المرقاب الادبية محاورة رائعة وهي بين عملاقين من عمالقة النظم والمحاورة :
حبيب العازمي
و
فلاح القرقاح
المحاورة هي شبه تعجيزيه لأنها بالفن المسمى ( الشقر ) ولكن اثبت العملاقين تمكنهم من هذا الفن كما سترون:

******=حبيب
الشاعر اللي فيه سيما اهل الكرم والصالحين**احيان يقرا ماكتـب واحيـان يكتـب ماقـرا
وصاه ابوه وجده اللي وراثه والصـا لحيـن**امايحصـل مابحـر والايحـصـل مـاقـرا
**القرقاح
ياحبيّب الروقي بلشنا في الليالـي والسنيـن**الله يساعدنا على الكوكب وما بـه مـن ورا
راح المفرج والمزرج والمصقـل والسنيـن**ما باقي إلا قفش ترباسه رما بـه مـن ورا
**حبيب
يابو محمـد مامشينـا فالـدروب الا يميـن**وانته تعرف الايمنا وانتـه تعـرف الايسـرا
لاكن لاياخذك فاهـل الـزور لـوم الايميـن*مار انتبه للي سرح واحسب حساب اللي سرا
**القرقاح
دينٍ ما ينكر منكراتٍ محدثـه ماهـوب ديـن*والوادي الممحل لا راد الله له الرحمـه جـرا
البيع يا طير السعد عد وعدد ماهـوب ديـن*والطيب اللي لا جرا غيره مع الزحمـه جـرا
**حبيب
يالله لاتفرح علي اهـل الحسـد والشامتيـن*ويبطي عدوي من صوابه بعد اصابـه مابـرا
ياهل الهوى وين الهنوف ام الوشم والشامتين*كم واحدن يقول عاشق مار جسمـه مابـرا
**القرقاح
انتو وحنا طال عمـرك كلنـا مـن قالطيـن*الله تعالى يجعل لمـن طاعـه حجـاب وذرا
منقال طين اهل البناء ياصاحبي منقال طيـن*ويوم الحصاد يحصّل المحصول من جاب وذرا
**حبيب
انته وابن وسام سجلتـوا هـدف فالدورتيـن*واناقريـت القارعـه والزلزلـه والـم تـرا
التين فالبستان يارجـلٍ تبـا فالـدور تيـن*لاكن قيـس المزرعـه باليـارده والامتـرا
**القرقاح
انا وابن عمي كفو والشارقة ماهيـب عيـن*انقل ترا ما عاد في الديرة مكـان انقـل تـرا
العين صارت خشم ياحبيّب وصار الخشم عين*وهل السعودية ما تعرف مهرجـان انقلتـرا
**حبيّب العازمي
لوتحسب القسمه على المقسوم له والقاسمين*اللي يباع برخص في سوقه بسعـره ينشـرا
القاجمل والقاجـزل والقاهـزل والقاسميـن*مير الصحافه كـل شيئـاً ضدهـا ماينشـرا
**فلاح القرقاح
مافاد ابو شوشه لا ابو شارب ولا ابو شاربين*لا جات له بالمشتـرى والبيـع ولا بالكـرا
خلق الله بنعمة وخير وما كليـن وشاربيـن*خل العيون اللي نضب ماهـا تحـلا بالكـرا
**حبيّب العازمي
وين السيوف القاصمه ياصحبنا والمرت وين*الفن علينا ماطرا والفـن علينـا قـد طـرا
الله خبير بحال من ماتـو ظمـا والمرتويـن*وان كان ماهب السعد فلاعلـى الدنيـا طـرا
فلاح القرقاح
انا ليا جارت علـي الأيـام قلـت الله يعيـن*وإن زان وقتي جيت عدواني على الكون جهرا
الرقية الشرعية تعالـج لـو العايـن يعيـن*عيون يسبق شوفها الدربيل وعيـون جهـرا
حبيّب العازمي
اللي يحب المرجلـه يبديلهـا والهـا يبيـن*واللي يعدي في كرا يقدر يحـول مـن كـرا
وانته تعرف الصاملين امن العرب والها يبين*حدث ولاتنسى نصيبـك مـع نكيـر ومنكـرا
فلاح القرقاح
يقودنا لأهل المراجل والوفاء شـوق وحنيـن*البركـة الياجتمعـوا مشايـخ وامـرا
كلن يعرف اللي لا شال الحمل ما جاله حنين*وانا لكم حتى لو إنـي مـن ورا الفيـوم ارا

 

 

 

 

[معلومات العضو ابوشجاع]

ياسلام ياسلام

محاوره من العيار الثقيل

الله لايهينك يالمسعري

وجهد تشكر عليه

تحياتي لك--

 

 

 

 

[معلومات العضو الصقر الحر]

محاوره من العيار الثقيل و الله لايهينك يالمسعري

أخوك
الصقر الحر