ياضيقة البال

[معلومات العضو محمد منيخر]

بسم الله الرحمن الرحيم
لست بارعاً في تنسيق شعري في المنتديات بقدر براعتي في أختلاق الأعذار دائماً
لذا وجب التنويه ومن ثم
أخواني الأعزاء السلام عليكم ورحمة الله وبركاته
إن من أسباب إحجام بعض الشعراء عن المشاركات بقصائدهم في المنتديات الألكترونية (المجاملة)وأنتم أبناء عمومة فلا تبخلوا علينا بانتقاد بنّاء فإنه والله يثلج صدري والسلام

ياضيقة البـال عـن صـدر الشقـا عـدّيإالى متى فـوق رجـم الضيـق مقعـادي

أي والله أنــي أحــب أضـحـك ولا ودّيأضيـق فـي كـل حـزة واظلـم رقــادي

يــارب أنــا طالـبـك لاينكـشـف ســدّيولا تـشّـمـت بـعــد يـــارب حــســادي

الوقـت ضـدي ورفقـان الـرخـا ضــديوالحـال مستهلكـة وش ذنـب عـدّادي؟

كــل مابغـيـت أنتـبـه وارتــاح واهـــدّيحطّـت هواجيـس بـالـي للشـقـا نــادي

ثم نادت همومي اللـي مـن سنـة جـدّيلين أنعزل عن جميع النـاس فـي وادي

الله يـعــوّض عـلـيـك بـخـيـر يــاكــديالطيب بعضـه مـع بعـض البشـر غـادي

يـانـاشـدٍ كـيــف حـالــي أسـتـلـم رديأنــا مــن الله بخـيـر وضيقـتـي عــادي

والدمعة اللي رسمها الوقت فـي خـديماسـالـت الا عـقـب مـاهـزت عـنـادي

قل لي وش اللي اسوي والزمن نـدي؟واللي معي للزمن في الجيـب ردادي!!

أصــد مـيــر الـبــلا مـافـادنـي صـــديوانا اجودي واحسب اللي حولي اجوادي

أمــد للطـيـب جـسـر ومانـفـع مـــدّيواقلّـط اعـداي مـن جهلـي علـى زادي

كــم واحــدٍ مــن ذنـوبـي راح متـغـدّيفــي غيبـتـي مـاتـورّع عـــن تـنّـقـادي

وكــم واحــدٍ ذاخــره للضـيـق مـالـدّيوانـا مـن الطـيـب بديـتـه عـلـى اولادي

واللـي علـى فزعـة العـربـان محـتـدّيخلـوه يشـرب عـلـى الهـقـوات بــرّادي

((بعض الهقـاوي تجيـب احيـان وتـودّيوبعض الهقـاوي تمـر وصوتهـا هـادي!))

كلّـش علـى الله وانـا مانـيـب مـتـردّيالا مــع الـلـي عـلـيّـه بـالــردى بـــادي

وياالله عسى الأمـس مايشبهـك ياغـدّييمـكـن أحـقـق مـنـاي وغـايـة مــرادي

ويـاالله عسـى ضيـقـةٍ مرتـنـي تـعـدّيولا يطـوّل فـي رجـم الضيـق مقعـادي

 

 

 

 

[معلومات العضو بنت الشايب]

صح لسااانك قصيده رائعه


بس ياليتك مكبر الخط شوي .. لان بالحسره قريت

دمت بود

 

 

 

 

[معلومات العضو محمد منيخر]

أختي بنت الشايب
شكراً على الملاحظة
وشكراً على الدخول
تحياتي

 

 

 

 

[معلومات العضو سالم بن صمهود]

يانـاشـدٍ كـيـف حـالــي أسـتـلـم رديأنـا مـن الله بخـيـر وضيقـتـي عــادي

والدمعة اللي رسمها الوقت في خديماسالـت الا عقـب مـاهـزت عـنـادي

كـم واحـدٍ مــن ذنـوبـي راح متـغـدّيفــي غيبـتـي مـاتـورّع عــن تنّـقـادي

وكـم واحـدٍ ذاخــره للضـيـق مـالـدّيوانـا مـن الطيـب بديتـه علـى اولادي

الشاعر المبدع محمد منيخر
صح الله لسانك وماشالله على الابداااااااااااااااااااااااااااع+الابدااااااااااا اااااع

 

 

 

 

[معلومات العضو نايف الخييلي]

صح لسانك


قصيده جزله ورائعه


أشكرك على إتحافنا بها

 

 

 

 

[معلومات العضو شافي القويسي المخاريم]

صح لسانك اخوي محمد
قصيده رائعه
بيض الله وجهك على الطرح الرائع
و لا تحرمنا من قصائدك الرائع
تحياااااااااتي

 

 

 

 

[معلومات العضو أبونواف الدوسري]

صح لسانك أخي محمد منيخر..

وبارك الله فيك علي هذه القصيده الجزله ...

وفقك الله...

 

 

 

 

[معلومات العضو الجراح]

صح لسانك أخوي محمد منيخر وبارك الله فيك علي هذه القصيده الرائعة وعسى الله يوفقك

 

 

 

 

[معلومات العضو ابو فهد الغييثي]

صح لسانك اخوي محمد

قصيده رائعه

بيض الله وجهك على الطرح الرائع

و لا تحرمنا من قصائدك الرائع

تحياااااااااتي

 

 

 

 

[معلومات العضو ســـطام الروقي]

صح لسانك شاعر ولاتبخل علينا بجديدك

 

 

 

 

[معلومات العضو مفرج بن ناصر بن جنبان]

صح الله السانك اخوي محمد منيخر شاعر جزل ونت ذكرتني ببيات قايلها يمكن فيها تشابه في المعنى وقافيه الصدر ونا توني بادي فيها وشكلي بهون ماعدنيب امكملها اقول فيها

الضيقه اللي لفتني يا (فهـد هنـدي)دايـم تجينـي ولادري وش سبايبـهـا

لاجتنـي هلـت الدمعـه علـى خـديوالنفـس قامـت تعاتبـنـي وعاتبـهـا

بسبابهـا قمتنـا مـن العالـم اصـديوبسبابها الرجل وسط البيد ادوجبها

 

 

 

 

[معلومات العضو محمد الولامين]

صح لسانك مليون وعساك ماتهون ابيات جزله وكاتبها جزل

ولا هنت على ماقدمت من ابداع وياجعل يمناك سالمه