أبو راجس الخضاري

[معلومات العضو شافي القويسي المخاريم]

بسم الله الرحمن الرحيم








ديوان الشاعر عبدالله بن راجس الخضاري (تأبط خيراً)

 

 

 

 

[معلومات العضو شافي القويسي المخاريم]

يـااهــل الـغــزل بالله لا تـحـرقـونـهالملـح لا كثّـر عـلـى الــزّاد ماطـيـق

كــلٍّ دهــن راســه وكـحّـل عـيـونـهوقـام يتغـزّل فـي بـنـات المخالـيـق

بالله يــا اهــل العـولـمـة لا تـجـونـهخلّـوه يدلـه فـي قـلـوب المطالـيـق

حنّـا عـرب والعـرض واجـب نصونـهيعني يـراق الـدمّ والعـرض مـا ريـق

الـجـار نـرفـى خـلـتـه مـــا نـخـونـهوتنكـف ركايبنـا عــن الـعـدّ لا ذيــق

الله يـقـطـع شكـلـهـا مـــن نـمـونـةقــومٍ تـفـزّ لـغــرّة الـجــار وتـويــق

واشوف (بعض) الجيلٍ خابتْ ظنونـهمــا بينـهـم ونويـعـم الـخـدّ تـفـريـق

وش يفرق الجنسيـن غيـر الخشونـةمن عهد ابونا آدم ومن عصر الاغريق

باعـوا قيمهـم فـي حـراج (المرونـة)بـاسـم التـمـدّن وانفـتـاح المغالـيـق

وش ينـفـع الـرّجـال شكـلـه ولـونـهلا صـار مـا يفتـك فـي حـزّة الضيـق

(عنتـر) سـواده فـارقٍ فــي سنـونـهوالفعـل شـوّق زاهـيـات العشـاريـق

يا بنت شومي واقصري الشبح دونـهلـلـريـم هـقــواتٍ تـبــذّ التـفـافـيـق

شومـي لشيـخٍ مــا تـزعـزع ركـونـهلو زعزعت رضوى وابانـات وطويـق

فـي ذمـتـي مــا تطعمـيـن المهـونـةمثلـه فــلا يمـكـن يـخـون المواثـيـق

تـعــوّدت شـــلّ الثـقـيـلـة مـتـونــهورثٍ مـن اقصـى جـدّ ماهـو بتلفيـق

وان كـان عـن دارك تعـدّت مـزونـهفالجوهـرة تبقـى بجـوف الصنـاديـق

ولاّ ترمّـالـك عـلــى كـــرت شـونــهاخير لك من شوف بعض العشاشيق

 

 

 

 

[معلومات العضو شافي القويسي المخاريم]

انـا اشهـد انّ الفقـر راعــي جميـلـةيكسر جناح (ن) مـا لجبـره صلاحـي

كم من فقيـر(ن) راس مالـه شليلـهلـو اغتـنـى ضـيّـق وسـيـع البـراحـي

يشيـل حمـل(ن) عجْـز غيـره يشيلـهوصدره وزى به كل سم (ن) ذحاحي

يحـقـر خـلــق الله وكـفّــه محـيـلـةوش لون لو ريّـش وجـا لـه جناحـي

الله يـقـطـع جــورتــه واللهي لــــهوالله لا يـسّــيــه بــايّـــة نــواحـــي

الـطـبـع يـغـلـب والتـطـبّـع مخـيـلـةما غرّنا بـرق(ن) علـى الافـق لاحـي

والـذيـخ لا مـنْـه الـتـوى راس ذيـلـهمـا ينـعـدل مــا دام صـوتـه نبـاحـي

الـزود نقـص(ن) والتواضـع فضيـلـةومـا ينقـل الزّومـة بعيـد المشـاحـي

لا خيـر فـي مـال(ن) يعـوّد فشيـلـةولا خيـر فـي كـفّ(ن) بليّـا منـاحـي

المـال فــي الدنـيـا مـجـرّد وسيـلـهوالذِّكر ما يمحاه فـي النـاس ماحـي

وهرج الملا مثـل السيـوف الصقيلـةهنـيّ مـن هـو مـن غثـاه استـراحـي

الله لا يـغـنـي الـنـفــوس الثـقـيـلـةوالله لا يـمـلا الكـفـوف الشـحـاحـي

انـا اشـهـد ان الكـبـر راس الرذيـلـةوانـا اشهـد ان الخلـق بـاب الفلاحـي

وانـا اشهـد ان الفقـر راعـي جميـلـةيكسر جناح (ن) مـا لجبـره صلاحـي

 

 

 

 

[معلومات العضو شافي القويسي المخاريم]

بين عقل وبيـن نفـس وبيـن روحضيّـع الـرّبّـان مـرسـى البـاخـرة

إن لبسنـا الزهـد عرّانـا الطمـوحنبـغـي الدّنـيـا ونـبـغـي الاخـــرة

الله اكبر ( أيها النفس الجمـوح )للّقـا الاكـبـر وش انـتـي ذاخــرة

يـا مشـيّـدة العمـايـر والـصّـروحيـا مسحّـبـة البـشـوت الفـاخـرة

( كـلّ بطـاح ٍ لـه يـوم ٌ بـطـوح )والوعـد بـيـن العـظـام الّنـاخـرة

القبور اللي فنتْ من عصـر نـوحوالقـبـور الـلـي باهلـهـا زاخـــرة

والرّسوم اللي علـى البيـدا تلـوحوالنّصـوب الشّامخـات الساخـرة

ما وعينا الدّرس مع كثر الشّروحدهورتنا : ( الاااخرة مستاااخرة )

 

 

 

 

[معلومات العضو شافي القويسي المخاريم]

ألاحي حمـام الـورق فـوق الشجـر لا نـاحوالى من عوى ذيب الخلا صحت له عاوي

واخيـل السحـاب اللـي تـزبـر وبـرقـه لاحويجذب خيالي فـي السمـا نجمهـا الهـاوي

امـدّ النظـر واقـدح سنـا فـكـري اللـمّـاحواشـوف الرّحـاه تـدور والحـلّ مـا يــاوي

انـا اشـوف دنيـانـا كـمـا حـالـة المسـبـاحيسبّـح بـهـا العـابـد ويلـعـب بـهـا الـغـاوي

واشوف اليديـن القاصـرة تقطـف التفـاحويمسي عزيز النفـس فـي عزّتـه طـاوي

لـك الله يـا قلـبٍ ليـا قـلـت يـدلـه صــاحعجز ما لقـى لـه فـي شقـا همّـه مـداوي

تخـالـف علـيـه هـمـوم بقـعـا ولا يـرتــاحوالى اقبل ظلام الليـل يـدوي بـه الـداوي

وانا ما ذبحني يـا هـل العـرف دون سـلاحســوى كلـمـةٍ عـوجـا تلـفّـظ بـهــا واوي

يحلـف اليميـن ويدّعـي انّـه يبـي الاصـلاحوعنـد المقابـل يـرخـي الــراس ويــلاوي

اعــرف الـهـروج الـجـدّ وامـيّـز الـمــزّاحوافـرّق مـا بيـن الجاونـيّـة مــن الـجـاوي

واذا كان باب المجـد مـا لـه معـه مفتـاحفيقعـي علـى عتبـة هـل المرجلـة ثــاوي

بغينـا المكاسـب والسـلامـة لـنـا الاربــاحجميلة وبارضٍ سوّ قل لي : كم تسـاوي ؟

 

 

 

 

[معلومات العضو شافي القويسي المخاريم]

علموا الدّنْمـرك مـن هـو رسـول العالميـنعلموهـا كـيـف تـبـت يــدا الجـانـي وتَــبّ

علموهـا ياهـل الحـق وش معـنـى اليقـيـنوغضبـة المليـار مسلـم لِيـا مـنّـه غـضَـبْ

فـي محبـة سيـد الخلـق مـا نغلـي الثميـناكرم اهل الكون لا شـكّ واطهرهـم نسَـب

الحلـيـم الطـاهـر الـبـر سِـيـد المرسلـيـنبيّـن المولـى لـه الفضـل فـي كـل الكُتـب

قبـل ماحنّـت لــه قلوبـنـا بَـاصْـدق حنـيـنحـنّ لآقـدامـهْ وكفّـيـه مـحـراب الخـشَـب

الغـلا لـه قـد تربّـع علـى عــرش الكِنـيـنوالوَلا له راسي(ن) من ورى الضلع الحَدَب

نبـتـر الـكـفّ اللعـيـنـة ونِـجْـتـثّ اللـعـيـنندمَغ الحيـة علـى الـرّاس ماهـوب الذّنـب

إيـه تخسـى شِلّـة الكفـر والحقـد الدفـيـننفتـدي عرضـه بــالارواح لا حــلّ الطـلَـب

قاطعوهم واذبحوا الكفر مـن حبـل الوتيـنواسحبـوا قنـصـل بلـدنـا ونــادوا المُنـتـدَب

ليـن تـركـع كُبْنهـوقِـن ركــوع الخاضعـيـنوالصليب يجيك يزحف علـى متـن الرّكـب

لعنبـو كبـد(ن) تداهـن عقـب سبّـة الاميـنتـشـرق الدنـيـا بديـنـه وتـغـرُب لا غـــرَب

حـرّك المليـار مسـلـم لـسـان الحاسـديـنحاولـوا هـزّ العقيـدة وحَملـتْ فـي الكَـرَب

انـفـجـر بـركــان حـبــه وهـــزّ النّايـمـيـنواصطفق موج المحبين من عُجْـم وعـرب

رددي يــا امّــة محـمـد نشـيـد الفاتـحـيـنواقـرأي الانفـال واطـوِي دواويـن الطّـرب

لا متـى وانّـا علـى الكفـر واهْلـه ساكتـيـنمن بغى الطـولات يصبـر علـى حَـرّ اللهب

هيـه يـا رومـا لنـا فيـك وعـدٍ مــن سنـيـنوالله الـوالــي لتحـقـيـق وعـــدٍ مُـرتـقـب

ابتـدا الشعـب السعـودي وقـاد المسلميـنلا بغـا الله ينصـر الديـن حـرّك لــه سِـبـب

تحت رايـة كاسـب المجـد والقـرم الرّزيـنابـو متعـب مَزْبـن الـدّرك فكّـاك النّـشـب

تـحـت رايـــة سـيــدي كُلّـبـونـا جـاهـزيـنلـو يخـوض البحـر خضنـا غزيـرات المغـب

اشهـد انّـه حاكـم(ن) مـن سلالـة حاكميـنواشهد انّـه فـي ذرى المجـد والقمـة وِثَـب

يحـفـظ الله مملكتـنـا ويِـخـزي الحاقـديـنوالنبي قد عـزّه اللـي علـى الغالـب غَلـب

 

 

 

 

[معلومات العضو شافي القويسي المخاريم]

عـيــون الـمـوالـي والـمـعـادي تـعـايـنّـاعسـى الله مـن هــرج التشـمّـات يمّـنّـا

إلـى الله نشكـو كـل كـرب (ن) يصيبـنـاوهــو فــي نـهــار المدلـهـمّـات مـزبـنّـا

بلينا بسـمّ (ن) دس فـي صـورة الدّسـموجانـا البـلا والـشـر مــن حـيـث مامـنّـا

تفانـى الحـلال وحـلّ فـي الحـال كـارثـةقـبـل مــا نــرزّ اشبوكـهـا فــي مزايـنّـا

مجاهيـم سـود (ن) كنهـا الليـل لا دجــىوكـم شيـخ قـوم (ن) ذِبْـح فيهـا ولا ثنّـى

رعينـا بهـا وقـت الجهـل حيـث مـا تـبـيوفـي شفّـهـا تِـطـوَى الاضاعـيـن واتْبـنّـا

عديمات وصف (ن) زينها كل ما اصبحتتـرازم قـبـل مــا يـرفـع الـصـوت مـذّنّـا

ويـا زينهـن لا سمعـنِ الـصـوت واقبـلْـنوحـنّـا نـرّحـب مــن غـلاهـن لـيــا جـنّــا

وتسـمـع فحلـهـا فــي جنَـبـهـا يحـوفـهـاكما صوت رعّاد (ن) من الرّجف مـا ونّـا

حمـيـنـا حـمـاهـا بـالـسـيـوف وبـالـقـنـاتـلـيـن جـلامـيـد الـصـخـور ومـــا لــنّــا

ملكـنـا الـثـرى يـومــا وذلـــت لملـكـنـاملـوكٌ وسدنـا الـكـون دهــرا ومــا هُـنّـا

سـلـوا الـدهـر والتـأريـخ عــن آل زايـــدٍوعن تغلبٍ صنويـن فـي المجـد مـذ كنّـا

دواســر فــي الهيـجـاء أســدٌ غـطـارفٌتــدور رحــى الـمـوت الـــزؤام إذا بـنّــا

حميـنـا ذمــار الـجـار حـتــى لـــو انّـــهُبغـتـه المنـايـا شـرّعـاً لــم يـبِــن عـنّــا

وسمنـا عصـاه وراح فــي ذّمــة العـصـاولـو شانـت نفـوس المواليـن مــا شـنّـا

تـمـوت الـخـلايـق والحـقـايـق تـورّخــتونقش الصفـا مـا هـو كمـا نقشـة الحنّـا

لـنـا المـجـد والتـاريـخ والـعـز والـفـخـررقيـنـا عـلـى هــام المـفـاخـر ودوّنّـــا :

دواسـرُ قـد حـزنـا عـلـى الفـضـلِ كـلِّـهولـم يـبـقَ إلا أن يــكُ المصطـفـى مـنّـا

 

 

 

 

[معلومات العضو شافي القويسي المخاريم]

عـز الريـاض وعـز وادي حنيـفـةعـز الامــارة والأمــور العظـايـم

عدل الحكم سلمـان بالعـز ريفـهخمسين عام (ن) كل ابوها غنايم

تبصر بعدله عين حيّ (ن) كفيفـةالمجـد لـه والطيـب والعـزّ دايـم

سلمان نجد ونجـد باسمـه منيفـةوسلمان مثل طويق وطويق قايم

نجـد العذيّـة فـي جنـابـه مريـفـةتنعم بظلّـه عـن هبـوب السّمايـم

بحر(ن) تسوق النّود مـدّه لسيفـهوموجـه يغطّـي نايفـات العـدايـم

في سطوته حدّ السّيوف الرّهيفةوفي هيبتـه هيبـة ملـوك وحكايـم

شيوخ نجد(ن) كلّهم فـي مضيفـهوفي مجلسه تلقى كبـار العمايـم

نفسه لدمعـات اليتامـى صخيفـةوستر العـذارى مضفيـات اللثايـم

ابـن الـذي رجّـع حقوقـه بسيـفـهقدّ الرّجـال يجيـك حجـم العزايـم

خذا الرّيـاض ومـا رضاهـا نصيفـةنـادى المنـادي لـه بلـيّـا قسـايـم

ثم التفـت واليـا الجزيـرة مخيفـةوالشـرك عِلّـق لـه بمكـة تمـايـم

وحّــد علمـهـا واحتـواهـا رفيـفـهلين استوت عدل(ن) بليّـا ظلايـم

سلمان حرّ(ن) مـا لقينـا وصيفـهعليـه مـن صقـر الجزيـرة علايـم

خمسين عام ونجد باسمه منيفـهلين اعتلت فـوق النّجـوم النّعايـم

 

 

 

 

[معلومات العضو شافي القويسي المخاريم]

يـفـزّ قلـبـي كلـمـا شفتـنـا جـيــبويضـج لا مـن شفـت زولـن يحاليـه

لا والله الّا مـات راعـي المواجـيـبنسـل الحـرار اللـي طيـابٍ مجانيـه

فـي ذمتـي مافيـه طـاري عذاريـبكــنّ الإلــه منـزّهـه عـنــه تـنـزيـه

اليا حكى .. تَمْـر النخيـل المهاديـباحلى من الشهـد المصفّـى حكاويـه

واليا عطى .. غيث الكبود المجاديبتكاشـف بـروق الصخـا فـي يمانيـه

النادر اللي في السمـا لـه مراقيـبكـم زول خـربٍ حوّلـه مـع علابـيـه

تفّـاق جـزلات المعـانـي الذواهـيـبتـعــوّدت بـــدع الـفـرايـد قـوافـيـه

اليـا بغـى النـدّر تجـي لـه مهـاذيـبجلمـود صخـرٍ وانحـدر مـن علاويـه

فهـد فهـد سِعـد النّضـا والمنـاديـبعِـدّ القـروم اللـي تخالـف سوانـيـه

فهد ولد ماجد ولـد كاسـب الطيـبطلـق الحجـاج اللـي جـزالٍ هقاويـه

مراجلـه مـا تنحـصـى بالحواسـيـبحـاز المراجـل كلّـهـا فــي مخابـيـه

من لاد ناهش لا عوى الذيب للذيـبسقم الحريب اللي عجز من يداويـه

اقولـهـا ودمــوع عيـنـي سواكـيـبوالقلب فيه مـن اللواهيـب مـا فيـه

طالبـك ياللـي مـا تكـوده مطاليـبيالمعطـي اللـي كلنـا فـي حسانـيـه

من يسأل الرحمن ما يمكـن يخيـبالواحـد اللـي مـا بعـد خـاب راجيـه

يالله عسـى قبـره جنـانٍ واطاييـبواغـفـر لــه ذنـوبـه وزلات ماضـيـه

دارت بنـا الدنـيـا ســواة الدوالـيـبوابـن ادمٍ فيهـا علـى سـكـة التـيـه

ميـت بكـى ميـت والاقـدار تسبيـبوالقلـب يبغـى لـه وصـايـة وتنبـيـه

بابطـي وقلبـي فيـه علـة وتصويـبمـا لـوم قلبـي لا بكـى فقـد غالـيـه

يـفـزّ قلـبـي كلّـمـا شفتـنـا جـيــبويضـجّ لا مـن شفـت زولـن يحاليـه

 

 

 

 

[معلومات العضو شافي القويسي المخاريم]

ألا يالله سألـتـك ياعظـيـم المـقـدرة والـــذاتْوتعلم كل شيّ(ن) لـم يكـن لـو كـان والكايِـنْ

ألا يالله تجلـى عـن ضميـري واهـج الحـسـراتْألا ياشيـب راسـي والعـيـون تـشـوف وتعـايـنْ

أشوف الجيل خلف الجيل تكثر فيهم الخمـلاتبعد ماكان صلب(ن) في العقيدة صـار متلايـنْ

ألا ياكيـف يـا احـفـاد المثـنـى يـاهـل النّـعـراتنعـيّـد عـيـد مــن سـمّـوه بالبـابـا ( فلنـتـايـن )

ألا ياحيف جيل المصطفى يشري لـه الـورداتألا عزّ الله ان الوقت عقب اللي حصـل شايـن

نـمـوت ولا تعيّـدنـا بـعـيـد الـحــب والنـغـمـاتعسى من عيّـد بعيـده تكـوده شَلّـة ( الفايـن )

أحب الجادل اللـي ماتحـب السـوق والدّوجـاتولا تغضـي بطـرف العيـن للسّربـوت والخـايـن

عسى يفدى مواطيها بنـات الحـب والموضـاتبنات الجنز والسفرات والتجديف في ( الرّاين )

زهمت القاف يا قاف المعاني جـاوب العبـراتوقال القاف : ما ظنّـي تعـدى نمبـر ( النايـن )

 

 

 

 

[معلومات العضو شافي القويسي المخاريم]

يـا بنـت ياللـي تنظميـن المساحيـبخلي مساحيبـك علـى طـرق بخـوت

حذراك ثم حذراك من نهشـة الذيـبحتّيش لو زِخرف على متنـه بشـوت

يقول احبـك وانتـي اغلـى المطاليـبوانتي عذاب القلب يا مبسـم التـوت

يزخرف المنطـوق باحلـى الاساليـبويصوغ لك قافن كما سحـر هـاروت

ويقول شمس الحب لا يمكن اتغيـبولا ينتهـي حـب المخالـيـق بالـمـوت

في كلّ يومن له عشاشيق واصحيبويجر صوته كل ما سمـع لـه صـوت

باكـر يخـون الحـب ويكـشّـر النّـيـبوياطـى علـى كـلّ المواثيـق بالبـوت

حـب النّقـا مـا هـوب نبتـة سراديـبحـب النقـا تعمـر بـه قلـوب وبيـوت

حب النقا يبنـى علـى منهـج الطيـبوشْمٍ علـى صـمّ المعاليـق منحـوت

بنت الشيوخ تشوم عن سكة العيـبلا صـار حبـل امّ الخلاقيـن مفـلـوت

يا عزوة المنعـور عطـب المضاريـباسمك يماري بـه ولا عنـه مسكـوت

إيـاك ثــم إيــاك عـكـف المخالـيـبلا يِقطَـف الرمـان بيْـديـن سـربـوت

ما في الهوى يابنت الاجـواد تجريـبمـا تنفـع الدمعـة ليـا فـوّت الـفـوت

 

 

 

 

[معلومات العضو شافي القويسي المخاريم]

بـلادٍ غــدت للـنـاس عـبـرة بطـرفـة عـيـنعـلــى تايـلـنـد وسـيـرلانـكـا وسـومَـطْــرهْ

بمـوجٍ كمـا الطوفـان فـوق البـنـا طوفـيـنوهو في خزاين من بـرا سطوتـه ( قَطـرهْ )

تزلـزل لـه اليـابـان واهـتـز ســور الصـيـنوضـج البـشـر وانتفـضـت لهـولـه الفِـطـرهْ

جزر عامـره صـارت بعـد مـا دِمَرهـا طيـنيـجــي للـبـنـا ويـطــمّ عـالـيـه ويـخَـطــرهْ

تشوف الجثث صرعى علـى ساحلـه وتبيـنمـواري الـدمـار وبُــؤرة الـقـاع منشَـطـرهْ

يقولون ( سونامـي ) وانـا قـول سـوّ الديـنذنـوب البشـر والكفـر والـشـرك والبَـطـرهْ

الى من غضب رب البشر فالسلامة وين ؟!وهــو يعـلـم المكـنـون والـسـرّ والخَـطـره

عـسـى ربـنـا يـغـفـر لـنــا ذنـبـنـا ويـعـيـنإلــهٍ نـولّـي فــي قـضــا سـؤلـنـا شَـطــرهْ

 

 

 

 

[معلومات العضو شافي القويسي المخاريم]

قالوا (هوى ) قلت: الهوى وش هو؟؟ وابي علمٍ ثباتقـالـوا( محبة)قلتـنـا: والـحـبّ مـرســاه الـقـلـوب؟!

قالـوا : نعـم حـب النّـقـا يبـقـى ولــو راعـيـه مــاتصــمّ الصّـفـا وهــو الصّـفـا لــو ذاق لـذّاتـه يـــذوب

عـنـتـر وهـــو عـنـتـر تـعّـلـق بـالـبـنـيّ الـمـتـرفـاتمـن شانهـنْ لبْـس الـدّروع وخـاض غـبّـات الـحـروب

ليلـى وقـيـس بــن المـلـوّح فــي عـصـورٍ ماضـيـاتقـيـس انهـبـل فــي حـبّـهـا يومـنّـهـا بـنــت لـعــوب

بالله مــا تـقـرا دواويـــن الـغــزل فـــي المكـتـبـاتمثلـك يبـو راجـس مثقّـف وانـت شاعـر وامحسـوب

قلـت المحـبـة الاوّلــه ولّــت وعـصـر الـحـبّ فــاتحـبّ النّقـا ولّـى ولـم يبقـى سـوى الـحـبّ الـكـذوب

أيّــة محـبّـه يابـطـاقـات ( الـسّــوا ) ؟؟ والـتـرّهـاتحـــبٍّ بهـيـمـيّ المـقـاصـد لا مـحــبّ ولا امـحـبـوب

حــبٍّ بدايـاتـه ( مسينـجـر) او تـولّـد عـبـر ( شــات)حتمـا(ن) بداياتـه نهايـة واسألـوا راعـي ( الـقـروب )

بالله قـلّ لـي لـو سألتـك وش يـشـدّك فــي الفـتـاةلا صرت ساعي في زواج وقيل خاطب وامخطوب؟؟

شـفّـك طـويـلات الغِـطـا واهــل العبـايـا الضّافـيـاتشفّـك قصيـرات الخِطـا والسّالـمـات مــن العـيـوب

جـواهـرٍ فــي بيوتـهـنْ مــا دوّجــنْ فــي النّاطـحـاتمــا عـرّضـنْ بالبنطـلـون وخالـفـنْ صـلْـف الهـبـوب

مــا كـحّـلـنّ عيـونـهـنْ لاهـــل الـعـيـون الجـايـعـاتولا حزّمـنّ خصورهـنْ والـكـفّ بالنّـقـش امخـضـوب

الحـبّ تالـي الوقـت مـا ظنّـي عـلـى ذكــره طــراةشمـسٍ بـدت فــي الاوّلـيـن وهايـفـت يــمّ الـغـروب

ثـوبٍ لبسـه اهـل الـرّدى واهـل النّفـوس الخـامـلاتاحـسـن لـنـا نغـسـل يديـنـا مــن تعـاطـيـه ونـتــوب

 

 

 

 

[معلومات العضو شافي القويسي المخاريم]

انـا احمـد الله مسلـم(ن) وسعـوديومعرّب(ن) من ساس ابوي وجـدّي

ماهـي مشاكـل لا مدحـت جــدوديالمشكلة لو قلت مـا احـد(ن) قـدّي

طـولـة ولـــد عـمّــي وزوده زوديوارفـى خمالـه كــان هــو مـتـردّي

والعـزّ والنـامـوس تبـغـى شـهـوديما هـي سواليـف(ن) تجـي واتعـدّي

ان ما استوت من فوق متن الجوديوامست مـع جـدي الشّمـال اتقـدّي

ولاّ كـمـا نـفــد(ن) تـلـوفـه نـــوديالصـبـح يشـمـخ والضـحـى يـنـهـدّي

الله يـظـلّـل شـجــرة آل سـعــوديالـشـجـرة الـلــي ظـلّـهـا مـمـتـدّي

لا عــادك الله ياللـيـالـي الـسّــودييــوم الجـهـل واسلـوبـه المـتـعـدّي

اليـوم فـي عيشـة رخــا وامـهـوديفي ظلّ سيف(ن) ما برد لـه حـدّي

يـا نفـحـة الـدّيـن الكريـمـه عــوديويـا لفحـة الجـهـل الكريـهـه هــدّي

بعـض العـرب تفكيرههـم محـدوديفــي بـالـه انّــه بالـعـرب مـتـغـدّي

زيـن السوالـف والجمـيـع اقـعـوديويــا شينـهـا وان عـــوّدت لـلـجِـدّي

ان الفتى من قال : فعـل اعضـوديليس الفتى من قـال : سـوّى جَـدّي

والـكـامـل الله ربــنــا الـمـعـبـوديولاّ الخـلايـق بـيــن جـــزر ومـــدّي

ادعي الولي في خلوتـي واسجـوديما اشكي على غير المهيمـن سـدّي

يالله دخيـلـك لا سـكـنـت لـحــوديما غيـرك احـد مـن العـذاب ايعـدّي

سـنّـة محـمـد والكـتـاب احـــدوديومـا خالـف النـهـج القـويـم يــردّي

عهد مضـى فـي مبرمـات اعهـوديمــا غـيــر ربّـــي والـنـبـيّ انـبــدّي

وان ميّلـتْ دنيـاي عــن مقـصـوديما مـال عـن سـرج العقيـدة شـدّي

 

 

 

 

[معلومات العضو شافي القويسي المخاريم]

صـب لــي شـاهـي وزوّد فــي ال ( sugar)كُــب مــن هـــو فـــوق خـلــق الله يـــزوم

ما درى المسكين وش معنى ال ( bigger )غــرتـــه كُـــبـــر الــعــلابــي والـــزهـــوم

مـــا يـــرج الـحــوض كـــون اردى الـبـقَــروالـمــهــايــط لـلـســلاتــيــح الــــرخــــوم

ان لـقــا ( المسـكـيـن ) هــايــط واحـتـقــروان لقـا ( السكّيـن ) جــاوب فــي الـهـدوم

ان بــغـــى الـعـلـيــا تـقــاصــر وانــعــقــرمــا خـطــت رجـلــه عـلــى درب الـقــروم

الــغــراب الــيــا لــقـــا الـجـيـفــه نــقـــرنــافــشٍ ريــشــه وفــــي غــيّـــه يــهـــوم

قـــال انـــا( king ) البـسـيـطـة واسـتـقــرمـــا درى انّ الـحـرّعــن صــيــده يــشــوم

ذرةٍ مـــــن كـــبـــر مـرجـعــهــا ســـقـــروعـنــد رب الـكــون تـصـطــفّ الـخـصــوم

قـالـهــا مـــــن هـــــو تـلــعــوَز وافـتــقــروارتـجــف فـــي ضـامــره قــلــبٍ كــتــوم

مــا جـمـع ( بَحْـلـس ) وحــوّش ( بـازِقَــر )وكــل مــا هــفّ ( الدّريـبـي ) مــن سـهـوم

مالـهـا فــي قـلـب ( ابــو راجـــس ) مـقــرلا وربــــي مــــا اقْــعــدت حــتــى تــقــوم

الـقــنــاعــة راس مــــالــــي لا وقــــــــركـنـزهـا فــــي الـقـلــب زالــــنّ الـهـمــوم