بندر بن سرور أسطورة عتيبة

[معلومات العضو ولد عتابة]

ديوان الشاعر الكبير بندر بن سرور العتيبي ( اسطورة عتيبه ) --------------------------------------------------------------------------------
الشاعر بندر بن سرور هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر. عاش الحرمان منذ صغره وربما السبب فيما وصل اليه بندر من موهبة شعريه فذه درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي قال بيت له عندما اتاه احد الدائنين يطالبه بماله

الدين واجد و الوظايف تعيسة *** والعسكرية خلت الراس شايب

من اشهر قصائد بندر ابن سرور علي الاطلاق والتى يرددها الجميع ( ياسخيف الذرعان) وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه وكان بندر معروف لدي الجميع وقد انشد قصيدته تلك

ياسخيف الذرعان مانيب مرجـــــــــوج***رجتني الأيام غدر وحيلـــــــــــــــــه
يابنت لولا اللي على تاسع الفـــــــــــوج***تركت نجد وعزوة بالقبيلــــــــــــــة
لاشك حاديني على نجد هــــــــــــــادوج***مسقي الفيافي لين يدرج مسيلـــــه
تركي ليا من الليلي غدن عــــــــــــــوج***حملة عتيبة كلها ماتشيلـــــــــــــــه
يرسي كما ترسي البواخر على الموج***ومنين ماصك البحر يرتكيلــــــــــــه
مادام تركي حي مــــــــــــــاودي أدوج***وإن غاب غبت من الرجوم الطويلة

وله بيت يؤكد ما قيل عنه

أنااليا مني نويت أفتل البيت ***فتلت والشعار ما ينقضونه

وله قصيده مشهور ايضا قالها عندما كان في الامارات وهي طويله لكم منها تلك الابيات:

متى يجي في نجد بعض التدابير*** حتى يجي للصابرين انفراجـــــــي
يالله ثبتني على الارض لا اطير ***لين اشرب الشاهي واكل علاجي
علاج راسي حبتينن بقصدير ***اللي عليهن رسمهن بزدواجــــــــــي
ويامنير اخذ الفرت واخذ الفواتير ***واحرص عليه ودخله بالكراجي
ان كان يبغى بنزيم كبر المواصير ***وان كان يبغى نار غير بواجي
واليا استعد وصخر البعد تصخير ***تصخير شيهانن لفرخ الزراجي
عده على اللي مايعد المخاسير ***ركاز عمدان الخشب للنعاجـــــي
ثم قل لبو ماجد ترى وقتنا غير ***واتبدلت سحب المطر بالعجاجــي

والباقي رقابه!!!

من قصايد بندر بن سرور (في الصبر):

أنا الذي ما ابدي على الناس سرّي .. . من خوف سودان الوجيـــــــــــــــــــــــه
تحكي به أصبر على ظيم الدهر و التعرّي .. . من شان من يرضى عليّ الغليبة
و ابعد مجالي عن عيال التزرّي . .. من لا هوى قلبي دواه المغيبـــــــــــــــــــــة
واخاف لي من مجلسٍ ما يذرّي ... في جانبه بومٍ حساسه صليبــــــــــــــــــــــــه
و سوالفٍ مابين بحث و تحرّي .. . يجرح فؤادي عيّه و ابتلي بـــــــــــــــــــــــه
يرضيني المقسوم خيري و شري . .. سبحان من لا تعلم الناس غيبـــــــــــــــه
أحدٍ على ربعه يحب التحري . .. للشر بلاس و خيره بجيبـــــــــــــــــــــــــــــــــه
هذاك يالربع انا منه متبرّي .. . لو عضّني ناب الدهر ما انتخي بـــــــــــــــــــه
من خوف يضحك لي و هو يستغرّي ... يفتل حبال السّوْ ما يندري بــــــــــــــه
يفرح عليّ بكل شيٍّ يمرّي .. . و ان شاف يمّي خير عنّي نهيبــــــــــــــــــــــــه

من قصايد بندر بن سرور :

الا وا وجودي وجد من صك دونه باب .. . بقفل اعجمي مغلقات مساميره
عَدَو به على اللي كنه النسر بالمرقاب ... على الجمس الأصفر كاملات شراشيره
معه فرت خمسة طن ياخذ مية ركاب .. . من المال عيّن ينقلنّه تغاييره
دخل هو و حِمله للحكومة بغير حساب .. . و راعيه عشر سنين و يعاد تقريره
على اللي كواني كيّة العظم بالمشهاب ... على أقصى عراوِ القلب محمي مناشيره
عشيري ورا الكوده وانا من ورا مشعاب ... بعيد قريب تعيب يا هون تيسيره
ولا يوصله كود " فرت " عليه اسطاب .. . ليا حاسب السوّاق تقدح مواخيره
صنايع بياطير الكفر لابسين الكاب .. . عصاة اليهود اللي مشاريبها البيرة
ألا يا نديبي فوق فرتٍ ورد من شرق ... على راس قيره للعليمي تعاشيقه
من الوارد اللي جمركه عند راعي عرق ... على المطرق مجبور ياخذ قماريقه

من قصايد بندر بن سرور :

من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه .. . مع طمان القاع مثل الثعلباني
والشـُفير من المدارس مطلعينه .. . عن ظلام الليل شب الكهرباني
كل ما جاه تل يلعن والدينه.. . باليمين اللي على كل اليماني
ما تجيه يسار رجله شوف عينه .. . غير يسرى الطار شيٍّ بالاماني
يوم قال له الخوي عاشت يدينه . .. شد رجله للكمك واحد و ثاني
يالله انك تنصره من نصر دينه .. . إن عطى له مع غبا ولا بياني
قلت يالمطنوخ أنا عيني حزينه.. . من شراب اللف أبيه و عنك كاني
قد رمى بالكيس قدمي قال وينه ... دوك ما بالجيب عن شيٍ لهاني
قلت ثالث قال يالله لا تهينه . .. قلت خامس قال يطلب نقل ثاني
قال واحد و الكمك واسمع حنينه ... كيف ما ترضى عليّه بالهواني
قلت واحد و الكمك ضام المكينة ... قال لي من يرحم القاسي لياني
قلت والله يرحمونه صانعينه . .. قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه ... قد وصلت الأرض و اسمع صوت ثاني
قلت دوك اللف خابوا شاربينه ... غطّني عن شوف شي ما خفاني
==========================================

راكب اللي مخ ساقه خنازير و هوا . .. أشهب في مقدمه بارقين و عكس تاج
متر في مترين مستبرم كله سوا .. . حايفه حطاب ما سمكره راعي الكراج
إن نعشته بالثلاثة مع اللفة عوا .. . عوي ذيب محتدينه مربية النعاج
ثابت ما يختلف كلما لف إنزوا .. . و ارتفع ثم ارتخى مثل طايرة المراج
كن ضرب المرو في الويل قدام و ورا . .. ضرب هملول البرد و ان تقفاه العجاج
منوة اللي مشفقن لهله و لهم نوا . .. من بعد طول المسافة يبي فلّة الحجاج

===================

من قصايد بندر بن سرور:
( القصيده هذي جبل من المعاني والمفردات والحكم والعبر)

صدق من سماة متنبي عتيبه

يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه
و أبيه خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه .. . والا عطا و أمه تضيّع هقاويه
يا مل قلب كل ما مات همّه . ... دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه .. . كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه .. . سم السبب يا عارفه قبل اسميه

===============================

والله يا لا لا كلمة قيل ذلّيت .. . لاترك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونه

===================

من قصايد بندر بن سرور:

يا رشيد يوم أتعبتني بالتناشيد .. . خذ لك من الدرويش زبدة قصيده
ليا عبدت الله ولا أشركت تعبيد .. . ترى محمد صفوة الخلق سيده
و ترى أبرك الحاجات يوم صدف عيد ... جمعة اسبوع و صادفت يوم عيده
و اذكر لك الاجواد صد و صواميد .. . و ؟؟؟؟؟ لا صدت ولا من صميده
و اذكر لك اقشر ما على السيد و البيد ... اللي طمع بنت القصير الحديده
فضح قصيره عنده انه كسب فيد .. . سولف بها للناس خطو البليدة
سولف بجرحٍ ما لجرحه تضاميد .. . زوّد لجرحه جرح ينزف صديده
ليا وطاك اللي وطاني تراديد .. . رد السؤال ولا تخبر بريده
اضرب ثلاث بعشر و اجمع تفاريد . .. و فرق على العشر القليد بقليده
واللي بقى لو تفرقه للمواديد . .. كم تفرقه بين الوديد و وديده
أنا الذي قد مرني سلك تجنيد . .. خدمت به سنين عديده
مرحول هم و كل شي له أجيد . . اجيد زين و شين و الهم اصيده
اسمع صرير القلب بين الجواريد . .. حدّنه الاضلاع و اسمع صريده
صرير فرخ حده اقطم صواريد .. . اول طرد قرناس ثاني حريده
هذا و انا شفت الوزا و التزاهيد .. . لا اقول حي ولا تحت قبر ريده
والله ما أهني قاضي العمر ترغيد ... ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو ياكل رديده
ما يطلع القرناس من عش بطّه .. . و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه . .. خيال دجل و مثل عنزٍ ربيطة

===================
إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة رحمه الله .. وكان مواعد اخته من اسبوع يوديها الىالبر في اليوم الذي توفي فيه ولكن مشيئه الله كانت هي الاقرب




مع تحيات / ولد عتابة

 

 

 

 

[معلومات العضو محمد بن الأشيب الغريري]

لاهنت ياولد عتابة

على هذه النبذة العطرة عن الشاعر المعروف الله يرحمة / بندر بن سرور


ولك تقديري





اخوك / ابن غرير

 

 

 

 

[معلومات العضو ابو زابن المسعري]

ولد عتابه

بيض الله وجهك

 

 

 

 

[معلومات العضو عبدالرحمن النتيفات]

ولد عتابه خانك التعبير في العنوان وعتيبة

انجبت الكثير من الرجال الذين يستحقون هذا اللقب..

اما من ناحية قصائده فلا شك انها جزله وليتك لم تذكر

بعض الابيات لانها تسي له في قبره..

تحياااتي

 

 

 

 

[معلومات العضو محمد البليهي]

أشكرك اخي العزيز ولد عتابة على المعلومات القيمــة عــن شــاعر

أعـتـبره من وجهه نظري الشخصيــة أنــه من أفضــل خمســة شعـراء

نبطي في نـجد،،شــاعـر يـعـد مفخــرة لقبيلــة عـتــيبــة ،، شــاعـر لــن

أستطــيــع أن أوفيــه حقــه ممهـا كتـبت عـنـه،،شــاعـر يجيـــد تسخير

الآبيـــات كمــا يشـــاء،،شــاعـر يطربنـي شعــره وأستمتـعــت بقصائده

الجميلة ،، شــاعـر عيبـه الوحيــد أن تعمق في أمور السياسيــة ممــا

تسبب لـه في تهميشه وعدم إبراز إمكانيــاته الشعريــة الرهيبــة،،

لـه قصـــائد رائعــة في الراحل زايد:

زايــد على كل العـرب زاد الأشبــار= شرق وغرب وجنوب وشمــالي
والله لولا الخوف من بعض الأشرار = لا أقول مابــه غـير زايـد إرجالي
بالشرق الأوسط والجزيزة والأقطار= ماشفـت أنا مثله ولا أحــد حكــالي

 

 

 

 

[معلومات العضو ابو زيد الغييثي]

بندر بن سرور شاعر معروف

وكفيت وفيت يا ولد عتابه

ابو زيد

 

 

 

 

[معلومات العضو ابن غياث]

لاهنت ياولد عتابة

على هذه النبذة العطرة عن الشاعر المعروف الله يرحمة

 

 

 

 

[معلومات العضو العماني]

الله يرحمه ويسكنه الجنه

لاهنت ياولد عتابه

 

 

 

 

لاهنت ياولد عتابة

على هذه النبذة العطرة عن الشاعر المعروف الله يرحمة / بندر بن سرور


ولك تقديري

 

 

 

 

[معلومات العضو الصخيبري]

تسلم والله يرحم الشاعر بندر

 

 

 

 

[معلومات العضو سعد المقابله]

ولد عتابه

بيض الله وجهك

وصح الله لسانك

ورحم الله متنبي عتيبة

بندر بن سرور

يا مل قلب كل ما مات همّه . ... دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه

 

 

 

 

[معلومات العضو هباش المصارير]

رحمة الله عليه

فقد على نجد ليس فقد عتيبة فقط

شاعر فحل ...


مشكور ولد عتابه

 

 

 

 

[معلومات العضو عبدالله الغييثات]

متى يجي في نجد بعض التدابير*** حتى يجي للصابرين انفراجـــــــي
يالله ثبتني على الارض لا اطير ***لين اشرب الشاهي واكل علاجي
علاج راسي حبتينن بقصدير ***اللي عليهن رسمهن بزدواجــــــــــي
ويامنير اخذ الفرت واخذ الفواتير ***واحرص عليه ودخله بالكراجي
ان كان يبغى بنزيم كبر المواصير ***وان كان يبغى نار غير بواجي
واليا استعد وصخر البعد تصخير ***تصخير شيهانن لفرخ الزراجي
عده على اللي مايعد المخاسير ***ركاز عمدان الخشب للنعاجـــــي
ثم قل لبو ماجد ترى وقتنا غير ***واتبدلت سحب المطر بالعجاجــي


كفو والله ويعد احد من فحول الشعر النطي
بس ياليت يالغالي لو اقل شي ترسلي اياها كامله ذي القصيده يااخي والله عجزت ادورها
والله لايهينك

 

 

 

 

[معلومات العضو ابن محمد الودعاني]

لاهنت ياولد عتيبة على الموضوع وبيض الله وجهك

وكفو والله برجال وشعر عتيبة

والله يرحم الشاعر بندر بن سرور

تحياتي لك