[معلومات العضو الإداره]

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار وروّاد الموقع الرسمي لقبيلة الدواسر حضر الحفل ميدانياً وقام بالتصوير : الأستاذ أبوراجس المشاوية المراقب بالموقع . أعدّ التقرير وشارك به : الأستاذ أبوراجس المشاوية المراقب بالموقع ، الأستاذ فهد بن هادي الغريري عضو مجلس الإدارة ، الأستاذ نايف بن فهّاد الخييلي عضو مجلس الإدارة ، المشرف الإعلامي بالموقع الحميدي بن محمد الغريري . ضمن متابعة الموقع الرسمي لقبيلة الدواسر العريقة لـ القضية التي حدثت بين قبيلة الدواسر وقبيلة الهواجر وذلك بسبب قيام عبدالهادي بن فدعوس آل غصين المشاوية الدوسري بالتعديّ على أحد أبناء أسرة آل دشن الهواجر الكريمة وقتله . حيث بيّنا عبر بيان موسّعٍ سابق عن ما حدث بالقضية وما قام به خادم الحرمين الشريفين الملك عبدالله بن عبدالعزيز آل سعود حفظه الله تعالى ورعاه من تدخلٍ وحلٍ للقضية بجاهه ، وذلك على الرابط التالي : http://www.alduwaser.org/vb/showthread.php?t=48543 وقدّ أقامت قبيلة الدواسر بدولة الكويت الشقيقة حفلاً ضخماً وكبيراً بمناسبة العفو عن عبدالهادي بن فدعوس آل غصين المشاوية الدوسري وذلك تكريماً لـ أسرة آل دشن الكريمة وقبيلة بني هاجر الكريمة على موقفها الذي هو غير مستغربٍ عليها . وجه الشيخ سعود بن ناصر بن منصور آل غصين المشاوية (القائم بالقضية منذ بدايتها وحتى إنتهائها) الدعوة لكافة أبناء قبيلة الدواسر بجميع أنحاء المعمورة وجميع أبناء القبائل المختلفة وذلك للمشاركة بالحفل المقام على شرف قبيلة بني هاجر وذلك بيوم الأربعاء الماضي الموافق 5 - 5 - 2010 ميلادياً والمقام بـ الموقع الكائن خلف صالة الصباحية للأفراح . حيث شرّف الحفل عدداً كبير من الحضور وأعيان القبائل ومشائخهم وقد كان من ضمن حضور الحفل : الشيخ سلطان بن سلمان بن حثلين والشيخ فلاح بن جامع امير قبيلة العوازم والشيخ محمد بن راشد بن شبعان الهاجري شيخ قبيلة بني هاجر بدولة الكويت ، وعددٌ كبير من الوجهاء والأمراء . لقطات مصوّرة لضيوف الحفل لحظة وصولهم والسلام عليهم : لقطة عامة لضيوف الحفل ولحضة السلام عليهم . لقطة أخرى ويتضح بالصورة الشيخ فلاح بن عيد بن جامع أمير قبيلة العوازم . الشيخ سلطان بن سلمان بن حثلين شيخ قبيلة العجمان لحظة وصوله لمقرّ الحفل . فدعوس بن هادي ال غصين ابو السجين وابنه محسن بن فدعوس عريف/ الحفل سلمان عيد المشاويه إنطلقت مراسم الحفل المنبريّ بآيات من القرآن الكريم تلاها القارئ فيصل بن سالم الخييلي ، ومن ثمَّ ألقى الدكتور سعد بن فجحان المشاوية كلمةً تحدث من خلالها عن الأجر وفضل العفو والعافين وجزاء العافين في الدنيا والاخرة ودرجة اصحاب العفو عند الله تعالى . الدكتور سعد بن فجحان المشاوية يلقى كلمته بالحفل ويظهر الشيخ سعود بن ناصر ابن غصين بالصورة . الشيخ سعود بن ناصر ابن غصين ثم ألقى راعي الإحتفاليّة الشيخ سعود بن ناصر بن منصور آل غصين المشاوية كلمته بيّن فيها شُكره وإمتنانه الجزيل لـ عامر بن حسن بن دشن وال دشن الكرام على جميلهم وفعلهم الكريم الشهم تجاه إبنهم وما قاموا به من عفو هو من شيم الكرام وأن جميلهم في رقابهم سائلاً الله ان يقدره على رد جميلهم وان يجزاهم خير الجزاء . ثم ألقى أحد أعيان دولة الكويت كلمته بيّن فيها أواصل المحبة بين القبائل . عضو مجلس الأمة الكويتي السابق حسين بن براك الحضيري المشاوية يلقي كلمته بالحفل . بعدها ألقى عضو مجلس الأمة الكويتي السابق حسين بن براك الحضيري المشاوية كلمةً أشار فيها الى الفعل النبيل والشهم الذي قاموا به آل دشن الكرام معرباً فيها شكره وثناءه لهم . ثم ألقى عضو مجلس الأمة الكويتي سابقاً سعادة الدكتور بادي بن حسيان الرجباني كلمته . عضو مجلس الأمة الكويتي سابقاً سعادة الدكتور بادي بن حسيان الرجباني يلقي كلمته ، ويظهر على يمينه الشيخ سعود بن ناصر ابن غصين وعلى يساره مراقب الموقع ابو راجس المشاوية . الدكتور بادي محيياً آل دشن والهواجر كافة على بياض فعلهم وجميلهم على الدواسر كافة . بعد ذلك كان للشعر حضور في الترحيب بالضيوف ورد الوفاء لأهله في الثناء لمن أُقيم الحفل على شرفهم فـ تتالت القصايد المرّحبة بهم والمادحة لعظيم فعلهم من باب ذكر الجميل وتبينه ، حيت إستهلّ الشعراء الشاعر هادي آل حزمي المشاوية بقصيدةً ترحيبيةٍ قائلاً بها : الشاعر هادي آل حزمي المشاوية يامرحب بسمي وبسم الجوازين= وبسم الدواسر شيبها مع ولدها ويامراحبا وعداد نبت البساتين = وعداد ماطرها وحنت رعدها ويامرحبا وعداد من في الحرمين = وعداد غبات البحور وزبدها ترحيبا أحلا من زهور الرياحين = وأحلا من السكر وصافي شهدها ترحيبةًٍ تبقى ليا حزت الدين = لين البشر تفنى وياتي نفدها لللابه اللي يرجحون الموازين = أفعالهم كيف يحصى عددها زادوا على حاتم وبالله قويين = والضيف والجيران تلقى سعدها يوم إنها بمصقلات وصووين = سماهم معزي وعندي سندها خزنة ظفر يوم الكواين سلاطين = فوق المهار اللي تزايد لكدها ذولا بني هاجر صعوط المجانين = الفزعة اللي من بغاها وجدها الساس في قحطان وأنتم عريبين = وقحطان تفخر يوم فيك بددها ويش العجب وأنتم على الطيب ضارين = يوم المهادي سجدته من سجدها أنتم عطيتونا من أول وذا الحين = الروح عادت وسكنت في جسدها يا عامر يبن حسين والله وافين = فضايلك ياكيف يلحق مددها كريم جاه وتقبل الجاه وتعين = وتخلص اللي ناشبٍ في عقدها تدعيلك أماً قد لها سنين = تصفق على طاريه يدها بيدها وعوداً بكاه ألين ماعميت العين = زاد العما فيها وزود نكدها لله عتقته ما طلبت الملايين = عساه للجنة وبارد لحدها آمنت باللي خالق الناس من طين = وباللي رفع سبع بليا عمدها الله يبيض وجهك بدنيا ودين = ياللي سمعت القول قلها عدها أنت الكريم وكل ربعك كريمين = لا سمعت الفزعات جاتك جهدها آلاد دشن اللي على الطيب ناشين = على الكرم والعز وأشد وأدها امن الجبال السود في مقلت العين = والكل منهم في الشدايد فهدها الشبر وافي ماتعرفون بعدين = والكل منهم لانواها ولدها ياعامر بن حسين يابن الميامين = ياللي لك البيضا تشيد وحدها إنا أخوان لك على العسر واللين = كلمة رجالن وافيه في وعدها ابشر بنا لاصار في العلم علمين = نورد الحايم وننزع كبدها القاف شاب وشيبن العناوين = مير الجمايل مايوقف عددها لا مانسينا يامحمد ودارين = يا مطفي الفتنات يا مختمدها يا ذخر ابن شبعان ياقاضي الدين = حراً ليا عاز الطويله صعدها امقدرٍ عند الرجال الحشيمين = كلمتك تسمع يوم ربي عمدها تمشي بجاه الله من يسار ويمين = وتخلص الأنشاب لاجاد لددها والله لو نكتب قصيد ودواوين = وصوا الضماير مايخلص مددها والشكر والعرفان بسم الجوازين = وبسم الدواسر شيبها مع ولدها ومن ثم ألقى الشاعر حسن بن منصور المشاوية قصيدةً يقول فيها : الشاعر حسن بن منصور المشاوية بسم الله ابدالي من الشعر مازان = وقدّمه فنجال موزون هيله حتى يجملني مع الناس لابان = وقيل صح الله السانك وقيله بثني على الرحمن خلاق الاكوان = إلاهنا ماله إلاهٍ مثيله سبحان ربٍ خالق الإنس والجان = مانامت عيونه بصبحٍ وليله اعوذ من قولٍ نشأ فيه بهتان = وحب قولٍ للحقايق سبيله لامن بغيت الشعر ناديت ياحصان = في موقفٍ مطلوب يسمع صهيله حصان خياله من عيال جوزان = يمشي طريق الطيب يسك مسيله في محتفل ربعي بتكريم ضيفان = واجب علينا نرتكي ونعديله ياسعود بن ناصر مساعيك بحسان = حليت دعوه من سنينٍ طويله فعلك ينومسنا على طيب ماكان = من يفعل المعروف لازم يجيله واجب عليّ اكرر جهار وعلان = اقولها ايضا وكل القبيله يامرحبا والله بذربين اليمان = يامرحبا مليون فيهم قليله الشعر عديته وانا فيه طربان = وهديه اللي كاسبين النفيله الشيخ ابن شبعان لطيب عنوان = محمد بن راشد ويشكر فعيله يسعي مساعي الطيب في كل ميدان = ساعي علوم المرجله والفضيله ماقلتها قولٍ على غير برهان = انشد وتلقا لك علومٍ دليله نقل شفاعه لبومتعب ولاهان = حول على ربعه يشيل الثقيله ولعامر بن حسين مع كل الاخوان = معروفكم واجب علينا نشيله شلتوا الشفاعه يوم جتكم برضوان = شلتوا الشفاعه والشفاعه جليله شفاعة ابن سعود يقضى لها الشان = عند الرجال اللي ترد الجميله انتم وفيتم والوفا طبع جدان = جدانكم تتعب لكسب الجزيله من لابةٍ في وقت ضيقات الاذهان = عدوهم منهم يصالي المليله هواجرٍتنسب على ساس قحطان = ياسعد منه فلقا له قبيله يوم الدعاوي سلة السيف وسنان = وكلٍ يماري بالعدد كثر خيله مركاضهم ياطا على روس فرسان = وعدوهم من ضربهم فت حيله بالمد كرمانٍ وبالفعل شجعان = وسلومهم من عصر عادٍ اصيله وكل القبايل وافيه دون نقصان = وكلٍ على ماقيل يشهد حصيله وختامها صلوا على خير إنسان = نبينا محمد صلاةٍ جزيله وبعدها القى الشاعر فالح بن تميم ابن حويل الخييلي قصيدةً ، يقول فيها : الشاعر فالح بن تميم ابن حويل الخييلي وهو يلقي قصيدته الحفل . يقول اللي خواله من عمامه = على موقف خذا جل إهتمامه بذكر اللي لجاله كل مسلم = وصلى له وشهر الصوم صامه بديت القول والمعنى غزاني = كما سيل على وادي تهامه بردد في ضميري ياسلامي = على اللي لاعطى حب وكرامه يمد الصفح في يمناه كنه = يبشر من طعنها بالسلامه وهو يقدر على رد الطعاين = لكن مايبي غير الشهامه تذكر قول ربي في كتابه = عن اللي لا عفى وشهو مقامه ويوم جا شفيع القوم رحب = تنطح له بضحكه و ابتسامه وخلا بليس في مرباه يرتع = بحسبها على ضيق وندامه جميل جا من الصنديد عامر= يردد ذكره ليوم القيام عتق نفسٍ تناوشها المنيه = وجدد حلمها وأحيا مرامه وسلام الله على أخوانه وربعه = وعلى منهو تسلسل من عمامه وابن شبعان شيخٍ في القبيله = زبون الحرج عدته الملامه سلامه الله عليكم يالهواجر= سلام في جبين العز شامه وبعدها ألقى الشاعر خالد بن فالح الوطيب الرجباني قصيده يقول فيها : الشاعر خالد بن فالح الوطيب الرجباني حال إلقاء قصيدته . يالله ياللي مالنا غيرك ولاغيرك وكيل = أنت الوحيد اللي تعيد الناس عقب زوالها أنت الأحد وأنت الصمد والجود جودك يالفضيل = وأنت السميع اللي تجازي الخلق حسب أعمالها سلام تسليمه وفا ترلاقا على راس الطويل = تنصى الرجال اللي تنومس من تعنا وجالها جينا نقول الحق والمعروف لأصحاب الجميل = قبيلةٍ تطغى وتزها بالفعول إرجالها لاطوحت بعض الرجال بشماغها والدم سيل = وتكاثرت الأعداء وضاقت بك وزاد أهوالها إزهم بني هاجر عكام الضد مشفين الغليل = ياكود مال الكايدات إلا خيار أجمالها لا ثار عجات الرمك بالخيل والسيف الصقيل = يكفيك عن فعل الهواجر صيتها وعيالها للجار أغلا من الولد وللضيف عد سلسبيل = وللحرب محرم والمعارك هم خيار أبطالها عفو لوجه الله ومن يعفو يبشر بالحصيل = جزاه بالجنة ومن يسعى لابد ينالها خذوا الشفاعه ثم سعوا بالخير وإطلاق السبيل = والله يجازي كل حسنه عبد عشر أمثالها أشتالها محمد بن شبعان بالعلم الجزيل = رجلٍ يمينه للمراجل مالنقص مكيالها ريف الضعوف وستر للعذرا وحمال الثقيل = نال المعزه والكرامه دقها واجلالها وعامر ليامن دقرت ياجعل يفداه الذليل = يمناه دون المرجله والطيب يرخي ريالها قلته وأنا من صلب زايد في اللوازم مانميل = الآبة اللي مجدها يفخر بفعل أشبالها من طبعنا حذف الغتر ونشوش في رد الجميل = نعطيه للي يطلبه ونزود في مكيالها وأختامها صلى الله وسلم عدد وبلٍ يخيل = على نبيٍّ دعوته بالحق تم أرسالها بعدها ألقى الشاعر حماد بن فلاح الحربي قصيدةً يقول فيها : الشاعر حماد بن فلاح الحربي يلقي قصيدته المشارك بها بالحفل . دعاني أبو ناصر وأنا للدعوة لبيت = وتوكلت بالله من بلاد السعوديهة بلادٍ بها عشت بمعزة وبها تربيت =على سلم جداني هل الطيب والنيه عسى الله يبقى الحي ويرحم منهو ميت =وعسى الله يجعل لوصل الطيب ذريه وعلى دولة أهل الطيب وأهل الوفاء حليت = بلاد الصباح اللي بهم نارها حيه دعاني حفل شيخ بفعله ظهر له صيت = سعود آل غصين وتصغر وتكبر الهيه كفو يا ولد ناصر أنا أدري معك موفيت =مزاياك يابن غصين ماهي بعاديه وتشيب القوافي ويجبر ويتكسر بيت=وهي ما عطتك الصورة اللي حقيقيه ولك تعذر يا سعود وتقولك أزريت = كفى يا ولد ناصر أبا عيش حريه وبسبب ما دعاني يمكم يا أهل الكويت = أبا أشوف من حطم أرقامن قياسيه محمد بن راشد لوني عليه أثنيت=مواقف راعي الطيب ما هي بمنسيه أنا حربي وسبري ولي الفخر لجيت = بحفل الدواسر وأعتبر حفلهم ليه صور ولقطات مصوّرة خاصة بالموقع للإحتفاليّة : صور لضيوف الحفل لقط تبيّن من خلالها من اليمين : شيخ قبيلة بني هاجر بدولة الكويت الشيخ محمد بن راشد بن شبعان للهاجري ويليه الشيخ فلاح بن جامع امير قبيلة العوازم . لقطة ويظهر من خلالها ثالثاً من اليمين : الشيخ متعب بن محماس بن دهيم آل شافي الهواشلة وبجانبه الشيخ دهيم بن محماس بن دهيم آل شافي الهواشلة وجمعٌ من الحضور . صوره عامة توضح كثرة الحضور صوره تجمع كلاً من الدكتور سعد فجحان المشاوية والشيخ سعود بن ناصر ال غصين المشاويه ومراقب الموقع ابو راجس المشاوية يظهر بالصوره من اليسار مراقب الموقع علي العبدالهادي وبجانبه مراقب الموقع ابو راجس المشاوية والدكتور بادي حسيان الرجباني وبأقصى اليمين أحد الحضور رسام بن حسيان الرجباني في منتصف الصوره الدكتور بادي بن حسيان مع محمد بن ناصر ال غصين ختاماً ، فإن قبيلة الدواسر قاطبة لتتقدم بخالص الشكر والتقدير لله سبحانه وتعالى ثم لـ الأستاذ الفاضل صاحب القلب الكبير عامر بن حسين بن دشن الهاجري وأبناء الفقيد عثمان بن حسين بن دشن الهاجري وكافة أسرة آل دشن الكريمة ولشيخ قبيلة بني هاجر بدولة الكويت الشيخ محمد بن راشد بن شبعان الهاجري على تنازلهم عن قاتل إبنهم سائلين المولى عزّ وجلّ أن يغفر له ويرحمه ويجعل قبره روضةً من رياض الجنة . وكما نتقدم بخالص الشكر والتقدير لـ الشيخ سعود بن ناصر بن منصور آل غصين المشاوية على إقامته هذا الحفل التكريميّ لقبيلة بني هاجر بمناسبة هذا الفعل الجميل والرائع . (صوت قبيلة الدواسر) منتدى قبيلة الدواسر الرسمي www.alduwasser.org/vb