ليت عذبات اليالي يابومهدي تعود=مابقا ياستاذ منها ياكود الذكريات
دايم حلو اليالي تناقص ماتزود=ودي الحقها ولكنّها تجري فوات
اغربت شمس الفرح غابت ايام السعود=والسماء الصافيه بالعجاج مكدمات
عودت بيض الليالي علينا ايام سود=والله اعلم يامعلم عن اللي مقبلات
والله ان قد لي سنه مع سنه هم ونكود=في حياة من عناها تساوت بالممات
ضامي جيعان عاري على المر محدود=عن هوى نفسي وشفي يديني قاصرات
شخّص الطب المرض واثبته فيني وكود=فايروسات السي والبي فيني ماكنات
اشرب الحلتيت والصبر مرّ في الكبود=مرها عن مر شئ طعمته حاليات
لو زرعت الورد مايزهر ويثمر ورود=يثمر الحنضل ولوهو على شط الفرات
لابغيت أقوم الحظ وأركز له عمود=من ردى حظ النحس طحت في قاع حصات
الامور معقده من نزول اليا صعود=والروابع هدها الفقر جراح اللهات
خايب حضي ولالي صديق بالوجود=لازهمته يرتكي للحمول الكايدات
والله اني وافي للوفي ماني جحود=بس ماحصلت من طابقت فيه الصفات
اتلزا مابه اللي يقول ارقى سنود=مالقيته ياسعد درت في ست الجهات
ضعفت عزومي ولاعاد به عندي صمود=والزمان الشين يمحى الجبال الشامخات
يامعلمي المبجل ترى بالشرح فود=اشرح اسباب التغير لنا علم وثبات
خابرك بالعلم باخص على مر العقود=خبر اللي حاير مادرى ويش السوات
ياوسيع العرف والعلم طلابك شهود=مثل فلاح زرع وسط بستانه نوات
وانت علمك ورد المضميه جم العدود=يقطع الشك ويدل العقول الحايرات
الخصال الوافيه فيك ياواف العهود=طيب السيرات مثلك جمع عذب السمات
مرّهي بالجود من صوبكم يأبن الفهود=عادتك ياطيب الساس كسب الطايلات
والحبابي عند نوبات الايام معدود=لابةً تاريخهم فوق سرج المسرجات
ياحكيم الشعر لك في المعاني صرح طود=شاعر تفتل وتنقض عسير المبهمات
قمت انقي وأتخير من المعنى الشرود=جعلها بعيونكم يالحكيم مجملات
والسلام أعداد ماهل ولا أرعد رعود=وعد ماتذري ذواري هبوب الذاريات
في ختام ارسالة حملها عنبر وعود=تقصدك ياشاعر مقصد للغاليات
الشاعر العزيز والاخ الكريم : ابو محمد " حسن بن محمد آل بطحيّه الوداعين"
أررررررررحب أرررررررررررحب ياابو محمد
يقف الواحد منا أمام هذه البحر المتلاطم بالأبداع الغير محدود
دمت لنا بهذا الشموخ الرائع وكثر الله من أمثالك وجعل من أرثك في الجنة
وصح الله لسانك مدد ماتنحصي بالعدد
تقبل إعتزازي وتقديري لشخصك الكريم وشعرك الراقي
اخوك / فهد الغريري,,