[معلومات العضو فهد الغريري]

طاب لي بدع المثايل وزان المبتدى = وأنجذب طاروقها كنها صوبي تقاد
الله يرشدنا لقول الجزاله والهدى = ويحمانا من طريق(ن) تواليه انتقاد
قلتها من باب فخر(ن) عقب باب ازهدى=ودوشة افكار(ن) تهدد بدمر الاقتصاد
ياقمر شعشع وخل الظلام مبددى=ولطفي يانود شبه الجزيره بالبراد
شايش(ن) راسي ولا للفخر حد ومدى=عادني في نشوة(ن) كل لحظة بزدياد
بعد ما ارسلنا لبو متعب(ن) صدق الندى= وطاش طيشة حاكم لايحد ولايذاد
علموه الظهر ومن الطنا عاف الغدى= قال كيف اهنى بزادي وشعبي في اضدهاد
التغاظي منطلق حاكم(ن) ماله جدى= ولا أنا من يرهب القوم لا حمي الطراد
ما يظام الشعب وتروح ثرواته سدى= دامها مابعد لبست علي ثوب الحداد
يبشر بعز (ن) يشيد على راس الهدى=وما خذوه القوم بأمر الله ثم بأمري يعاد
أنقل أمن الشعب همه وأخليه أيهدى= وينبهج صدره ويلحق مرامه والمراد
عشت يادرع الجزيره رعا ممشى القدى= دايم ممشاك بأمر من الله في سداد
لا أنكوينا من الخسارة وحجم اللي غدى= ثم ذكرناك انبسطنا وكبرنا الوساد
ولادخلنا الشك فيما يقولون العدى = يوم قالوا نكبة الشعب من شيخ الشداد
وقال ابو متعب بصوته بدى ومية بدى= ما تهز طويق هجرة ملايين الجراد
وقفة تقضي على كل أشاعات الردى=وتذهب آمال الحسد والكراهيه رماد
جعلهم لك يازعيم الفخر نذر وفدى=والله يفنيهم ويحكم عليهم بالنفاد
ياملكنا سقم كبد الحريب يلا عدى=وشبرك الوافي على وافي الاشبار زاد
وأبشر بشعب(ن) نهار الوغى ماينحدى= لجل عينك يحرم العين من حلو الرقاد
لين نلقا النصر ولا تقولون أشهدى=ولين تلبس للبطولات تيجان جداد
وعشت ياوجه الوليد الكريم اللي بدى= نور الشاشه بجود(ن) لبو متعب اسناد
والسلام إختام قولي وباب المبتدى= في وقاره يقصر الوصف ويضيع العداد
يوم شاب القاف فأعلنتها في المنتدى= والإدارة في ثواني عطتني الإعتماد
تكعم اللي صوب درب العواجات يحدى= وتنبي الباقين بالصدق والعلم الوكاد
والله يكفبنا تدابير خصم(ن) مجهدى= في سبيل اضعاف الاسلام وافساد العباد

الشاعر الكبير والاخ العزيز : عبدالله بن مرضي الجماعين..


ارررررررحب ترحيبةٍ من باب الشام الى باب نجران..


تعجز الكلامات ان توفيك حقك ياعشير المناعير على مابدية من جزل القصيد


صح الله السانك وعتلا شانك وازادك الله شموخ في سماء الشعر والشعراء


وفيت ولا هفيت يابومرضي و جعل من ارثك في الجنه على


هذي القصيده الغنيه بلمعاني الجزله.


ولو إن الشهاده فيك مجروحه إلى أبعد الحدود يابو مرضي


ولكن قصيدك يشهد لي وخير دليل على كلامي.


فلله درك من شاعرٍ وافي وجزل وكل العلوم الطيبه تحتفيبها.


وان اشهد ان ابو متعب كفى وافا بما قدم من قول وفعل جعله المعزه..


وتقبل مني فائق التقديري والاحترام في مقامك العالي


اخوك /فهد الغريري,,,,