[معلومات العضو صالح الجعيدي]

هاض بالخاطر مثايل مـا تبـور=هيّض الخاطر ما شافه و اوجعـه
و جبت قاف مسطرٍ فوق السطور=دوك يالمعني طاروقي و اسمعـه
خلقنا من طين في تسعـة شهـور=و ما خِلِقت من الذهب او فربعـه
الِكِبـر لله يـا راعـي الغـرور=و مـن تواضـع للالـه بيرفعـه
للزمن ميـلات و الدنيـا تـدور=و من فرح باليوم باكـر يفجعـه
احتسـب يومـن نـوَرّد للقبـور=وقت ضيق اللحد من عقب السعه
يوم لا ينجي لا مال و لا قصـور=و النسب للعبـد مـا هـو ينفعـه
كـود يالمسلـم زيـاده فالاجـور=في طويل الـدرب زادٍ و امتعـه
فاقرع النفس الدنيّـه يـا جسـور=لا تجـي فـي قولـة الله يقلعـه
شوم نفسك عن تدانيـس الامـور=و ذبّ للعليـا جبلهـا و اطلعـه
و اخفض النفس و تعامل بالسرور=ما عطـاك الله .. قـادر يمنعـه
همّتـك بالله لا يصيبـك فـتـور=كـن كمـا حـرٍ مفـرّع برقعـه
اعمل لدنيـاك كنّـك مـا تبـور=كنّـك مخلّـد و مالـك تجمعـه
و اعمل لأخراك يا كنّـك تـزور=بيـت خـلٍ و الصبـاح موذّعـه
و طالبـك يالله يالعـدل الغفـور=يا مشيد الكـون و زود موسّعـه
تغفـر لعبـدك ذنـوبٍ كالبحـور=تمحي السيّـه بحسنـه و يتبعـه
روح و ريحانٍ و جنات و حـور=و الامان بيوم كـرب و معمعـه
و الختم صلوا عدد ما شق نـور=او عـدد تغريـد طيـرٍ نسمعـه
او عدد ما نبت من ورد و زهور=عالشفيع محمـد و صحبـه معـه

جزاك الله ألف خير على هذه النصيحة الطيبة من وجه طيب ،، وجعل ربي يكتب لك من كل حرف فيها حسنات كثيرة. صح لسانك ،، و لا هنت ،، وبيض الله وجهك يالنشمي.
وتقبل تحيات أخوك ومحبك في الله/صالح الجعيدي