البارحـة سهـران والكـل نايـم=والنـوم عيـا لاتهنـا بـه العيـن
لاعاشـق عـذرا ولانيـب هايـم=ولاني مساهم خاسر لـه ملاييـن
ولانـي مريـض علتـه ماتقـاوم=ولاني فقير يشتكـي كثـرة الديـن
اللي شغلنـي مايبـي لـه تفاهـم=خارج عن الإسلام وأيضا عن الدين
شفت النساء في السوق دون المحارم=والبشت مربوط بمبشـك وخيطيـن
بشت مخصـر فاتـن صـار لازم=بشت يبين كامـل الجسـم تبييـن
تركب مع السـواق للسـوق دايـم=تبغى تغير جو عـذر لهـا زيـن
تضحك مع العمال والصوت ناعـم=وحطت لها صبغ وكحل على العين
موضـة جديـدة داعيـة للتلاحـم=أمر المرة ينطاع في الزين والشين
أنا أشهد إنه سـاس كـل الجرايـم=الرجل ماله كلمـة تسمـع الحيـن
اخسوا خسيتـوا يالذكـور الهلايـم=ماانتم رجـال احكموكـم نساويـن
مافيـه غيـره عندكـم يالرخايـم=ولاشيـم وأخـلاق والله مساكيـن
وين الرجال اللي ليا جـا المزاحـم=يذكر لها بالخير وسـط المياديـن
وين الرجال أهل الوفـا والمكـارم=اللي على الأعراض دايم غيوريـن
نبغى نضع حـد جديـد وصـارم=والا ترى بنضيع مع ذا المجانيـن
لله لله لله درك أخي الغالي/الشاعر الكبير/ العقيد.
صح لسانك ملايييييييييييييييين ولا يكفون. وتسلم يــمــنــاك يالنشمـي.
بيض الله وجهك على هذه الرائعة التي عسى أن تخدم مجتمعنا اليوم.
وتقبل خالص تحيات وتقدير أخوك ومحبك في الله/صالح الجعيدي.