اقتباس:
|
المشاركة الأصلية كتبت بواسطة فهد الغريري
أنا خابر العاقل مماشيه ممشـا ارفـوق=ولكن بعض الأحيـان ماسـرّه ارفوقـه
سلامات ياقلبً تسوقـه حلومـه سـوق=ويمشي على حرش الشناظيـر ماتعوقـه
يعيش الأمل ويعايشه في الخضيرا فـوق=وهو مادرى أن ابليس والنفس من فوقه
حلالاه ياقلـبً يطيـع العـرب ويفـوق=ويعطى النصيحه مع دمه داخل اعروقـه
نصحته نصيحه قال ماتعرفـون الشـوق=وأنا أظن يفنى ياجماعـه معـا شوقـه
يقول ارحموا من له أمل مبطيً مسـروق=يجوب الديـار ولادرى ويـن مسروقـه
تداعت معه الأعضاء وقامت تتوقه تـوق=لقى من يزيّن لـه وعـزّم علـى توقـه
ولولا الضلوع اللي تغطّيه جات اسبـوق=خطيرً بعض الأحيـان يـزوّع اسبوقـه
يقولون ديرة من تـدوّر عليهـا بـروق=وأنا مأمّلّ خيرً عقـب نوضـة ابروقـه
عسى العشب يكسيها وينبت بها الرقروق=ونلقى الزبيـدي طالـعً جنـب رقروقـه
ويرتاح قلبً من عرفته وهـو مطفـوق=وأنا أرتاح منه ومن مشاكلْـه واطفوقـه
الشاعر العزيز والاخ الكريم ابو غصاب " رجوم الشياطين"
اررررررررررررحب تراحيب البدو للمطر
صح الله السانك وعتلا شانك وزادك الله علو في مقامك
لافض فوك يابو غصاب على هذي الراااااااااااااااااااااائعه
التي لا تستغرب من شاعر كبير في مكانتك جعل تحيى
وابو غصاب لا عاد ترحمنى من هذي القصايد التي ترد الروح
وترا من اليوم ورايح منب سامحيلك انك تبطي علينا يابو غصاب
وننتظر جديدك المميز
وتقبل تقديري واحترامي في مقامك العالي
اخوك / فهد الغريري,, |
يشرفني ويزيدني شرف وغبطه اي والله أن تعلق أنت وأمثالك على هذه الابيات المتواضعه وكذلك اتشرف بمعرفتك لاعدمناك عسى الله أن يمد في عمرك .
لاهنت يالغالي وبيض الله وجهك
اخوك ومحبك في الله //// رجوم الشياطين