[معلومات العضو فهد الغريري]

يا ماحلا شيخة ابن ادم على روحه= يمشي عزيزٍ ورزقه عند خلاقه
ما يمشي الا على شفه ومصلوحه= والله كريمٍ لخلقه كثر ارزاقه
ابواب رزقه لكل الناس مفتوحه= ما ينحرم كود منهو قلت اوفاقه
من كان نفسه برزق الناس مشفوحه= ترخص حياته بطعم الهون لا ذاقه
يا نفس عفي ترى منتيب مسموحه= عفي من اللي يهينك واحمي الساقه
عندي ترى زلتك ماهيب مدموحه= لو يعترض لك بعض الاشياء على فاقه
ان ما صلح لك مكانٍ الارض مفسوحه= وان ما صلح لك رفيقٍ طبك فراقه
واليا تبعتي دروب العز مبيوحه= باجزاك باللي على لاماه مشتاقه
رفقة هل الخير واللي غيره سموحه= حلفت ماجني عليك برفقة العاقه
يا نفس هذا هدف قلبي وذا نوحه= هو شفي اللي عشقته لا جلك عشاقه

الشاعر الكبير في قدره وفي شعره الذي يجبر الجميع

على تنويخ ركايبهم عند عذب قوافيه..

ابو مــــحـــــــســــــــن

محمد بن حشفل الخضراني

اررررررررررررحب ترحيبةٍ تردف مليار ترحيبه في مقامك العالي..

صح الله السانك وعتلا شانك وزادك الله من زوايد فضله التي لا تنقضي..

جعل من ارثك في الجنه على ماتقدم من جزل القصيد الذي يفوق الوصف..

والوحد منا يقف عاجز امام شعرك ماذا يقول فيه ايمدح فهوا فوق المدح والثناء..

أسأل الله رب العرش العظيم ان يبارك في فكرك واحساسك وان يوفقك

في الدنيا والاخره وان يقاك من كل مكروه..

وتقبل تقديري واحترامي..

اخوك / فـــهــــد الغريري,,