اقتباس:
|
المشاركة الأصلية كتبت بواسطة عامر النتيفات
قصيده تعبر عن نفسها لمن يستحقها
لابغينا الشعر نارد على العد القراح = الحبال طوال نارد وتمتلي الدلي
يامدور للحكي لو اطنب بالصياح = هرج مثلك عندنا يارد الفج الخلي
الهروج احيان يازينها وسط المراح = وان تعدت حدها كم وكم شخص بلي
الرجل لاقال واجه ولا ينبح نباح = النباح ال حارس المرح لاوحى الهشلي
واللسان حصان يازين هرجه بالمباح = واللسان احيان ينشب يسبب مشكلي
بنشدك ياراعي الهرج جاوبني صراح = ويش مصلحوك من الهرج بالله رد لي
كان لك فيما تقوله وتهرج به صلاح = فاستمر بهرجتك يالبريد المرسلي
يامسكين الشعر واهبه مجري الرياح = خص به ناس على ناس ماهو يشملي
تحسب انه قول مرصوص وملاعب سباح = صح نومك وذكر الله وصل وهللي
اعلم ان الشعر له ضرب موجع كالرماح = والرماح احيان تجرح ومر تقتلي
لاتحلم حلم ليل والى جاك الصباح = طارت حلوم بها الفكر ساهر مشغلي
لاتمنيك الروابع تبي نيل الوشاح = ثم تقلد لك بداله قلاده تدلي
ذا وخل الشعر لاهله وكثر لنسداح = والحسد راعيه يبشر بنار تصطلي
طيع شوري وبتعد واتبع دروب الفلاح = وترك ارجال الوفاء كان عقلك ممتلي
وان تماديتوا بهرج خلطته بالمزاح = فالرجال تميز الهرج ماهي تجهلي
والعذر لامن بديته تقابل بالسماح = والرجال الطيبه لاعطت ما تزعلي
النصيحه جاتكم وتعظ ماراح راح = وتبع اللي قلتلك والخطيه تنجلي
جاك درس مكتمل شارحينه بارتياح = وافي وكافي ومفهوم وحذر تسالي
اخذ الاصل وصوره عطه من يبغي النجاح = درس مجاني لهم والجزاء عند الولي
والجبال النايفه بالهبايب ماتزاح = لوتهب الدهر كله فلا تتبدلي
مانريد انضيع الوقت ولا البرق لاح = ذي بيوت كافيه قلتها مستعجلي
وان تعودتو يجي شعرنا سم ذحاح = لين تبطي ماتعرضت للعالم ولي
|
الشاعر الكبير عامر النتيفات
يامرحبا والله ومسهلا ياابو عبدالرحمن
الحقيقه إستمتعت مثل غيري بقرآءة هذه الصاخبه والغاضبه والمدويه
قصيدة فوق كل إعتبار وفوق التقييم لاعدمتك
فكلمات وعبارات لن ولن توفيك ولاتوفي هذه القصيدة الحق الكامل من المدح
ولكن جئنا لتسجيل الأعجاب بالأبداع اللأمتناهي
فصح الله لسانك ملايييييييييييييييييييييين وبيض الله وجهك
على هذه الرساله الصريحه والموجهه لمن يعنيه الأمر
دمت بهذا الشموخ العالي وحفظك الله ورعاك
محبك ومحب الجميع : أبو محمد