اخواني واخواتي اعضاء منتدى الدواسر الرسمي في البداية اعتذر عن قلة كتاباتي ومشاركتي معكم ويعلم الله اني لا ادخل النت كثيرا ومشغول دائما لكن قلبي دائما معكم ومتابع لكم ولنجاح هذا الموقع في فترة بسيطه ، وكل الشكر لخوي وابن عمي هايف بن مبارك على جهوده لانه من الناس الحريصين على وجودي بينكم وهذا مو غريب على ابو مبارك .
واحب انزل لكم اليوم مرثيتي في ابوي المرحوم محمد بن دهيم الغييثي الدوسري رحمة الله عليه وعلى اموات المسلمين في هذا الصرح الشامخ .
|
ياصاح قلي وش بـلا القلـب ياصـاحذكـر عـلـي الـلـي رفـيـع ٍ مقـامـه |
البـارحـه يـاصـاح مـانــي بـمـرتـاحالقـلـب عـيـا يهتـنـي فــي منـامـه |
افكار عقلي بين مسـرى ومسـراحسريتهـا مـن الاحـمـدي لا اليمـامـه |
ذكــرت شــي ٍ راح لكـنـه مــا راحذكـرت ابـوي اللـي عـدو الرخـامـه |
كن الحزن صندوق والقلـب مفتـاحفي ذمتي انـه وسـط قلبـي علامـه |
الشايب اللي صرت فيديـه مسبـاحاضـيــع مـــن سبـابـتـه لا ابـهـامـه |
اشوف زوله في دجى الليل مصباحوالليـل عقبـه ينتهـي مــع ظـلامـه |
الله واكـبـر كلمـتـه لـيـن مـاطــاحتشهـد صلاتـه لـه ويشـهـد صيـامـه |
موتـه خسـاره ماتـعـوض بـالاربـاحماعقبـه الا اهـل الحكـي والملامـه |
عشرين عـام ٍ تحـت اياديـه مرتـاحامشـي علـى شـوره واردد كـلامـه |
روٌح وخلانـي وانــا احسـبـه مــزاحرحـمـاك يـاربــي نـهــار القـيـامـه |
شايب وربانـي علـى درب الاصـلاحللـديـن ديــن وللشهـامـه شـهـامـه |
ارحـب وديوانـه ونجـره الـي صــاحواحـلا القصيـد وهيبـتـه واحتـرامـه |
مرت علـي كنهـا سنـا البـرق لا لاحراحت مثل حلم الطفل في منامـه |
من دون ربعـك يايبـه درع واسـلاحاسمـك لهـم يـابـوي عــز وكـرامـه |
ابكـي علـى اللـي للمجاريـح جـراحاعـالـج اهمـومـي ولــو بابتـسـامـه |
مـامـر حــزن الا تبـاريـه الافـــراحومـاطـال قـصـر الا يـعـود هـدامـه |
ياجعـل حظـي يرتفـع مثـل وضٌــاححــر ٍ يداعـبـه السـحـاب وغمـامـه |
ترى الولـد مثـل ازرق العـود فـواحطيبـه علـى خالـه وابـوه وعمـامـه |
ميـر آتحـرى الطيـب ماهـو تـمـداحاراقــب العلـيـا عـلـى كــل هـامـه |
ابــوي راح وذكــره الـيـوم مــاراحجعلـه مــع الابــرار يــوم القيـامـه |
|
وسلامـــــــــتكم / ناصر بن محمد بن دهيم الدوسري