اقتباس:
|
المشاركة الأصلية كتبت بواسطة عبدالله بن مرضي الجماعين
قصيدة من المقدور عسى ان تنال اعجابكم فهو الهدف
شامت وانا صديت عنها وباشوم= ريمية هب النسيم وذعرها
ماترتع إلا في حجا كل مزموم = عذاب قناص خذاها بثرها
وإن شافها قناصها في السنة يوم= ضاعت أعلومه وأخلفته بحذرها
بنت الجمال اللي عداها عن اللوم = ربٍ خلقها من البها ماقصرها
تظفي جديل فوق الامتان ملموم = والموت لاهلت جدايل شعرها
ليل يغطي ساطع انجومه اغيوم = ويشع من بين السحايب قمرها
كن القمر فوق الحجاجين مرسوم= وفي خدها الصافي وصفحة نحرها
وعينٍ هدبها ينقل ارماح وسهوم = لا صوب اقلوب النشاما سحرها
جمالها في البيض نادر ومعدوم= سحر الجمال اللي يطرى غمرها
حديثها يشبه لعذب ام كلثوم= يدخل ديار أهل الهوى ويعمرها
تأخذ وتعطي راعي السلم بسلوم = إلا يلا كثر الكلام يعسرها
رميتها وأخطيت والأمر مقسوم= وأزريت والحظ انعثر ماعثرها
قناص والقناص معطى ومحروم= وأكثر مايخطي راعي الصيد لا أرها
الشاعر| عبدالله بن مرضي الودعاني |
الشاعر الكبير : عبدالله بن مرضي الجماعين
الله الله الله على هذه الرائعه
والتي ليست بغريبة عليك يالقرم
القصيدة أكبر من التعليقات التي سوف أكتبها
ولكن سوف أكتفي بالمتابعه
فعليك الأبداع وعلينا المتابعه
صح الله لسانك ملايييييييييييييييييييييييييييييين ولايكفون
سجل إعجابي بما تكتب يالقرم
تحياتي القلبية لمقامك العالي
محبك ومحب الجميع : دغش البطي