بسم الله الرحمن الرحيم
أعزائي رواد هذا المنتدى الكرام
السلام عليكم ورحمة الله وبركاته وبعد:
أولاً العذر والسموحة عن الانقطاع الطويل عن الموقع بسبب المشاغل والظروف
ثانياً عندي لكم هذه المرة قصيدة من الأرشيف قلتها عندما عيدت في سنة من السنوات
في الرياض والوالد رحمه الله في الوادي واختلفت عندي مظاهر العيد فكتبت هذه الأبيات
ياراكب من عندنا فوق فكسار=جيب جديد أبيض على غاية مرادي
استبنتين ولوك واللوحه يسار=ومميزات اخرى عن المصنع العادي
ترنيدون فاالمشي والاترستار=ولولا الفرامل كان ماهوب ينذادي
صمم من المصنع على فكر بيطار=فهيم بالصنعة خبير ن استادي
من العاصمة يسرح مع الصبح لانطار=وقبل الضحى قدهو على مدخل الوادي
ينصا لمن هو يكرم الضيف والجار =وسعد العواني من قرابات وبعادي
أبوي جعله من طويلين الاعمار=حلال عسرات المشاكل والانكادي
بلغ سلامي عد همال الامطار =واعداد مايسمع من المزن رعادي
للوالدين وللعواني والاصهار=وعلى الجماعة كلهم دون تعدادي
ودي مع أهل الدار والعيد في الدار =لكن حدتني ظروفي عن مرادي
وعيدت مع ناس تصدد عن الجار=ولاتعرف احقوقه ولا فيهم اجوادي
فلابد من يوم به الفلك يندار=وعقب البطا والبعد من راحة فوادي
وسلامتكم