يا أبو تركي عان ذودي فالصداوي =قبل خمس أيام و إنا نازلينه
وإن عشبه من فضل ربي غناوي= نبت وسمٍ من طلوعه خابرينه
مير سيّر يمّنا حذرا تراوي= العذر منكم ترانا رافضينه
والله إن قلبي على الطّيب شفاوي = مثلكم لا أبطى علي أقول وينه
وأنت يا مبارك مثل حرٍ نداوي = العشا ما بين مخلابه و عينه
مرحبا ما لاح برّاقٍ سناوي= بالكتاب اللي مضامينه سمينة
انتهضت و ششت ثم شلت العزاوي= يوم جتني جملة بيوتٍ حسينة
من رفيقٍ شوفته عندي مناوي = جعلها تبطي على الدّنيا سنينه
والله إنّي صوبهم مشفي و ناوي=و آتحرّى فرصةٍ عندي ثمينة
يا أبو نادر لو تباعدنا الخطاوي =قدركم فالصّدر و الله حافظينه