::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 01-03-2006, 04:26 PM

بسم الله ارحمن الرحيم

الأخوه الكرام السلام عليكم ورحمة الله وبركاته

يسرني أن اشارككم بهذه القصيده التي أسأل الله أن تحوز على رضاكم

وأن ينفع الله بها الجميع (( عباره عن نصيحه نفع الله بها )) :

بسم الله المعبود أبدا كلامي = ثم السلام عداد وبل الغمامي
على الرجال الطيبين الكرامي = أهل الكرم والجود والمجد والكار
قصيدتي هذي قصيده جديده = قصيدةٍ تحمل نصايح عديده
الله ينفع بها كل عبيده = الله ينفع بها صغار وكبار
بنصحك يا غافل بطاعة إلهك = طاعته فيها نصرتك ونجاحك
طاعة ولي العرش فيها فلاحك = وبطاعته يحميك من شر الاشرار
ثم الصلاة ارجوك حافظ عليها = تفوز بالجنه وراحتك فيها
ومجالس أهل الشر لا لا تجيها = جالس رجال الدين الناس الاخيار
والوالدين أوصى بهم عالي الشان = طاعتهم ومعاملتهم بإحسان
لهم حقوقٍ جت في وسط قرآن = لا يغرك الشيطان خلك بهم بار
والجار أنا بوصيك لا تترك الجار = قدم حقوقه كان ما تبغي النار
قال المثل الجار بده على الدار = أوصى به الرحمن خلاق الاشجار
وبيتك أنا بوصيك لا يدخله دش = اتخرب أهل البيت وتغشهم غش
وبعض العرب لا جابه يجيبه بخش = ما يدري أن الله عليمٍ با الاسرار ؟
ومجالس أهل الكذب وأهل النميمه = افراقها يا خوك والله غنيمه
خلك مع أهل العقول السليمه = ولا تتبع اللي مهنته بث الاسرار
يا العبد هل أنت استعديت للموت = بكره نموت وتصبح قبورنا بيوت
والفوت لا من فات ما ينفع الصوت = الله يجمعنا في الجنه با الابرار
يا الله عسى ما قلت قولٍ تمامي = عسى كلامي من جزال الكلامي
وختامها مني عليكم سلامي = إن كان به تقصير تكفون الاعذار
وصلاة ربي عد وبل المخيله = على النبي وعداد ما سال سيله
محمد اللي له صفاتٍ نبيله = صلوا عليه اعداد همال الامطار