[معلومات العضو النجم الهاوي]

المشاركة الأصلية كتبت بواسطة وجه العمور

ما شاء الله عليكم

عليكم بالعافيه ويازين القرص بالسمن والعسل

على فكره

بغيت اسألك وين طريق ساموده وام عشر ولينه من الدمام

وهل طريقهم من عند حفر الباطن وكم تبعد كل وحده من الحفر

وهل في ام عشر وساموده ولينه ذكر عن الفقع

انا رحت قبل كم يوم للحفر وشفت لوحه تقول ان المسافه من الحفر لرفحاء

حوالي 280 كيلو فهل ام عشر ولينه وساموده بنفس الطريق قبل او بعد رفحاء

وسلامتك

اخوك وجه العمور

هلا بك اخوي

طريق ساموده تطلع من الدمام وتمر النعيريه وعلى السعيره بعدها بحوالي ب 50 كيلو يجك مفرق القاعده حقت الحفر يسار روح معه لين يجيك تقاطع الحفر يمين والرياض يسار (( حوالي 140 كيلو ماني متاكد)) رح يسار لين تجيك محطه البيطحانيه بعد حوالي 30 كيلو رح يمين بعدها ام عشر 50 كيلو وساموده بعدها ب 30 كيلو ولينه بعدها مدري والله كم كيلو بس حول 180 كيلو

ورفحاء يجي لها طريق من الحفر

ويجي لها طريق من محطه البطحانيه _ام عشر _ ساموده _ لينه _ رفحاء

وبالنسبه للفقع كما سمعت في الصداوي وفي الفاو بعد الحفر على طريق رفحاء ب15 كيلو تجيك لوحه يسار الفاو مسافه 40 كيلو هذه منطقه فقع والناس هالسنه لقطو فيها


واي استفسار انا حااااااااااضر


تحياااااااتي


النجم الهاووووووي