[معلومات العضو محمد الغريري]

هذه القصيدة تشرفت بإلقائها في " المخيم الربيعي " حفل الدواسر الاول

برعاية الشيخ عبداللطيف بن سعد الودعاني جزاه الله خيرا على هذه البادرة الطيبة

وأهديها لكم هنا ..

أبتدي بسم الولي رب الآنام = ربنا المعبود وكل(ن) في رجاه
العظيم اللي عيونه ما تنام = عالم(ن) بالجهر هو واللي خفاه
منشي حقوق المخايل والغمام = وعبده التواب يغفر الله خطاه
ثم نظمت القاف وابديت السلام = للرجال اللي يتمون الصلاه
ومن تبع هدي النبي ثم استقام = باغي(ن) للحق يوم الله هداه
وهيّض القيفان افعول الكرام = حفلنا يوم العرب لبّت نداه
القوافي تشتعل يوم الزحام = وشعر ابن نفجان يهيّض من قراه
والكريم اللي بدا بالحفل قام = بيض الله وجه من قام ورعاه
يستحق الطيب في صدره وسام = وقمّة العليا وما كل(ن) رقاه
إن بدعت القاف ما أوفيت الحشام = وان رفعت الصوت يقصر من حياه
وغايةالمقصود والعلم المرام = حفلنا يا مرحباً باللي لفاه
ان تفرق جمعنا نصبح هدام = والوحيد افغابة(ن) يقرب فناه
إن خذيتوا العلم ابكل اهتمام = و ان تجمع شملنا ..!! سِعد ومناه
يا سلايل لابة(ن) تروي الحسام = والدخيل فحدودها تاسم عصاه
الدواسر لابة(ن) يوم الكتام = ترفع البيرق امزحزحة العداه
من ديار نجد الى حد اللدام = لين ما تشمل الى نهر الفراه
ومن حدا البحرين للبيت الحرام = لين ما تجنب الى حد الوطاه
لا اعتزا فينا صبيٍ لو في شام = تهتز اراضي نجد وجبال السراه
والفطين اللي فهم معنى الكلام = يحتفظ بالعلم و ياخذ محتواه
ثم يرسله يم الرياجيل الكرام = ومن على العليا تعلاّ و ارتقاه
للحرار اللي لهم قدر و مقام = وللشيوخ اللي لهم وجهٍ وجاه
والسلام عد من صلى و صام = وعد ما نادى المنادي للصلاه

اخوكم في الله

محمد الغريري