ألا يالله سألتـك ياعظيـم المقـدرة والـذاتْ=وتعلم كل شيّ(ن) لم يكن لـو كـان والكايِـنْ
ألا يالله تجلى عن ضميري واهـج الحسـراتْ=ألا ياشيب راسي والعيـون تشـوف وتعايـنْ
أشوف الجيل خلف الجيل تكثر فيهم الخمـلات=بعد ماكان صلب(ن) في العقيدة صار متلايـنْ
ألا ياكيف يا احفاد المثنـى ياهـل النّعـرات=نعيّد عيـد مـن سمّـوه بالبابـا ( فلنتايـن )
ألا ياحيف جيل المصطفى يشري له الـوردات=ألا عزّ الله ان الوقت عقب اللي حصل شايـن
نموت ولا تعيّدنـا بعيـد الحـب والنغمـات=عسى من عيّد بعيده تكوده شَلّـة ( الفايـن )
أحب الجادل اللي ماتحب السـوق والدّوجـات=ولا تغضي بطرف العين للسّربـوت والخايـن
عسى يفدى مواطيها بنات الحب والموضـات=بنات الجنز والسفرات والتجديف في ( الرّاين )
زهمت القاف يا قاف المعاني جاوب العبـرات=وقال القاف : ما ظنّي تعدى نمبر ( النايـن )
..[/QUOTE]
أستاذ الشعر الراقي : تأبط خيرا
الحقيقه لو من غاب ورجع يجيب الجزلات مثلك قلنا لبعض لشعارنا تكفون غيبو
أبو راجس أهدي لك هذا اللقب لو تكرمت بقبوله ( عملاق الحرف )
الحقيقه أنت شاعر غير ولاأنت بحاجةٍ للتمجيد والتطبيل
ومروري هنا لتسجيل الحضور فقط ولأروي ذائقتي بقرآءة الشعر الراقي
فصح الله لسانك ياابو راجس من اليوم إلى يوم القيامه
ودمت ودام عزك وطالت حياتك على العز والطاعة كما أنت كذلك
عرفنا منك الأبداع والحمية والدفاع عن الدين والرسل والأمة
تحياتي القلبية لمقامك العالي
محبك ومغليك : دغش بن بطي