[معلومات العضو ابن فادر]

	يانفس وشفيـك طـول الوقـت مهتمـه=كفي عن الهم كافي مـا حصـل كافـي وش لـك بهـم يسـل الحـال ويسمـه=والرزق عند الكريـم اشكـال واصنافـي وانا علـى الله حبالـي تاصـل الجمـه=واشرب من الما الزلال المنهل الصافـي مسلم واصلي صـلات الله علـى اليمـه=واسري على النور الابيض وارسم اهدافي ياقايـد الريـم مافـي ذا الزمـن ذمـه=والا انت ماصار منك قصـور واخلافـي لكـن ظـروف الليالـي جـات بمطمـه=والا انت وافـي وعمـرك دايـم وافـي حلـم تبعثـر ولا ادري كيـف بلـمـه=ما بين جور الزمـان وحظـي الجافـي وجـدي توجـد مجـلا مهـدر دمــه=يقطع فجـوج الفيافـي والقـدم حافـي حده زمانـه علـى ذبحـة ولـد عمـه=في ليلتن مـن قشرهـا نورهـا طافـي والا رضيع حرمه الوقـت حضـن امـه=يمسي ويصبح بدون افـراش والحافـي عليـك ياللـي تهـد القلـب وتخـمـه=خمـة نشيـط مثـل ماقيـل متعـافـي يابوجديـل يـحـس الارض وتضـمـه=يابلسم جروح روحي والشفـا الشافـي اليوم مـن راح مـا الـد النظـر يمـه=ندور الستـر مـن ستـر الله الضافـي لولا اختـلاف البشـر والديـن والذمـه=ماشفت الايـام فيهـا ظلـم وانصافـي من ضـري بالقـاع مايستاهـل القمـه=والليـل ليليـن ذا بــارد وذا دافــي اصـرف الحـرف بالهمـزه وبالضمـه=شاعر مـع الوقـت متفاهـم ومتنافـي

منقول
الشاعر سلطان السعيدان