حنّا الدواسر من قديمٍ الأوايل
ساس العرب من دون ختم و شهايد
بيضٍ صحايفنا عزازٍ نفوسنا
ما نلتفت لأهل الطمع و الحسايد
دواسرٍ مثل الجبال الرواسي
نرسي الا زادت علينا الضدايد
دواسرٍ مثل السحايب الا امطرت
ما احدٍ يصدّ بروقها و الرعايد
دواسرٍ مثل الاسود الكواسر
اهل الصخا و الجود و اهل العوايد
دواسرٍ ما احدٍ تجاوز حدّنا
دواسرٍ وقت الرخا و الشدايد
دواسرٍ كلٍ يعدّ فعولنا
هذي قديماتٍ و هذي جدايد
دواسرٍ كرمان لا شحّ العطا
دواسرٍ من ساس تغلب و زايد
من عصر ابن كلثوم و اللي قبله
عدوّنا نسقيه طعم النكايد
نمّن قصير الدار و اللي زبنّا
ناسم عصاه و نهمله في الحمايد
قلته و انا من لابةٍ تغلبيّه
لاد العياضي عزوتي و السّنايد
صح لسانك يابن العم ولاشك بان الجزل مايجيب الا الجزل ..
يعطيك العافيه..