11-02-2006, 11:16 PM
|
#14
|
 إحصائية
العضو |
|
|
|
اقتباس:
|
المشاركة الأصلية كتبت بواسطة بدر ابن نايف
السلام عليكم ورحمة الله وبركاته
اسعد الله جميع اوقاتكم
قصيده قلتها فى مخيم الدواسر برعاية عبداللطيف الودعاني وموقع القبيلة الرسمي
يامرحبا وان قلتها فالنيابه=عن الحفل واهل الحفل والقرابه
عن لابتى حاضر ورحب واهلى=شاعر ونوماسي قبليله ولابه
يامرحبا بالكل ضيفن وعانى=وصديقنا يامرحبا ياهلابه
بسم الشيوخ وبسم كل القبيله=فالمحتفل من زارنا ياهلابه
فالعاشر محرم بسبعه وعشرين=اربع ميه والف السنه فى حسابه
يوم الخميس وعيد تغلب وزايد=فالساحل الشرقي وكلن درابه
ربيع ومخيم ربيع وتجمع=يطول عمر اللى لجمعه سعابه
عبد اللطيف الدوسرى طير شلوى=حرن يجمع لابته فى رحابه
فعله ينومس من براسه نعاره=ارسل على كل الدواسر خطابه
برعايته حفل الدواسر يصلح=تنضيم فاخر ذوق كله ذرابه
عبد اللطيف وجعل عمره طويلي=مثل الاسد وقف على باب غابه
ارسل مناديبه على كل ديره=وقال الفخر عندى ومفتوح بابه
تجمعو يا لابتى فى محلى=يااهل الفخر للطيب نعمل نقابه
ان كانها فالمال فالمال يرخص=والروح ترخص عند وقت الطلابه
وانا وما املك فدايا الدواسر=هم مسندى هم محزمى والعاصابه
حنا على شبه الجزيره ضهرنا=فالجاهليه قبل عهد الصحابه
من زايد وتغلب نسما دواسر=جنابنا عالى وعالى جنابه
حنا هل الديره ووادى الدواسر=تاريخنا ناصع وناصع كتابه
هنا؟ نوثق يالدواسر معانى=فعقولنا واقلوبنا والكتابه
نبي تجمعنا على طول يبقا=والسيف مايسوى بليا نصابه
هذى طرت العز يااهل المعزه=وانتو ذيابه ماتوصي الذيابه
يااهل المكارم ياخصوم القبايل=يفخر بكم نجد وثراه وهضابه
ويفخر بكم دارن وضلعن ووادى=والرجل مايسوى بليا انتسابه
اصل وفصل وامجاد منها وفيها=يفخر بها خطو الولد فى شبابه
ويفخر بها الشايب ومنهو يناسب=مثل السؤال اللى ينومس الاجابه
جمع الجماعه ياجماعه ينومس=يااهل العقول الناضجه واللبابه
لابد نشكر كل منهو يساهم=فى جهده الواضح وفعله رقابه
تنضيم راقي نشكرك يامسويه=فعلك ينومسنا ولا به غرابه
مابه غرابه محتفل لابه العز=يغلب على طبغ الكرم والذرابه
واختامها يامرحبا يارياجيل=اعداد ماتمطر حقوق السحابه
وسلامتكم |
الشاعر الكبير : بدر ابن نايف
لله درك على ماخطت يمناك يالقرم
الحقيقه لقد كان لي الشرف الكبير في مقابلتك والتعرف عليك من خلال هذا
الحفل المبارك اللذي جمع بين أفراد قبيلة الدواسر
فلقد كنت بحق نجم فوق العادة وإن كانت ليست بغريبةٍ عليك فأنت شاعر علم
ومن سلالة شعراء أعلام للقبيلة كلها
فصح الله لسانك مدد ماتنحصي بالعدد
وبيض الله وجهك ياابو نايف على ماقدمت لنا
تقبل ودي وتقديري وإعتزازي بشخصك الكريم
محبك ومحب الجميع : دغش بن بطي
| التوقيع |
|
|
|
|
|
|