[معلومات العضو عاشق سراب]

يالله ياللي مارجينا بداله=يافالق الأصباح يامبدل الحال
تفرج لمن قلبه تزايد جداله=سلطان فكره بين نازل ورحّال
ومن بعد ذا يامستمع للمقاله=ايجاز مبدأ واحد" عنه ماحال
وضع على الطّيب صعيب أحتماله= اللي يترجم قوله بزين الأفعال
الطّيب الرجال راعي الجماله=غدا بزمان الذل ماهوب رجال!
غدا الرجل يقدّمه كثر ماله!=يعز حتى ضايع الأصل بالمال
وتلقاه بعد مجمّعه بالحياله!!= كسب الحرام اسلوب مع كل محتال!
راعي الحكي بأسلوب روعة جماله=لاتنخدع بالحكي ولابعض الأزوال
لاجاء مجال الجد تلقى ظلاله=مايشد ظهرك لو عليك الزمن مال
راح الزمان اللي افتخر في عياله=حفظ لهم تاريخهم عبر الأجيال
كل يقول أن الزمن ماصفاله=وصار السبب في اللي نعاني من أذلال!
الوقت ذي شمسه وهذا هلاله=العيب ماهو فيه في شين الأعمال!
صار الولد يهجر أبوه بسؤاله=ويمكن يلاقي منه لوعات وأهوال
والأم ترجي يوم واحد وصاله=وهو مع الشيطان لامال به مال!!
والأخ وأخته ماطروا في خياله=نسى القيّم نسى المبادي والأمثال
درب الردى أن ماعنّاله عنّاله=لايستحي ولاينتخي وخالي البال
يسعى لحمد ولا سعى في مجاله=يريد شكر ولافعل ربع مثقال!
الطيّب أسأل يعسى الطيب فاله=وعسى الردي يدفن بلا ذكر وعيال