[معلومات العضو يحيى الودعاني]

	بسم الله الرحمن الرحيم ( مجلس ما جاه تلاب الرديه ) للشاعر / دليم بن فلاح بن غالب بن ذهيبان آل حميد . يا الله إني طالب جزل العطية = راقع الخصات منشي بالغيومي مقبل بالروح يبرق من شوية = هل وبله وانجلت منا الهمومي كل شعب جاب سيله من شوية = حده العطشان للجزل مختومي لين يظهر نبتها الحدبا المرية = عاد به ربي وهو كان معدومي عقب ذا نرعيك في افياض عذية = واهتني بالقفر يا الملحاء الزعومي زين شوف النزل في الأرض الفضية = والجهام الي كما وصف الغيومي عندها ربع سوالفهم طرية = يكرمون الضيف والجار محشومي مجلسٍ ما جاه تلاب الردية = ما تهرج فيه خراع وزومي ربعنا الرجبان لا جات الحمية = فعلنا قيد الجمل عند اللزومي ذي مواقفنا عصور الجاهلية = والفعايل مثل ما تبقى الرسومي و إن وزانا خايف يطرد جنية = حقه الترحيب وامات الشحومي والعدو ما نرحمه عند الخطية = لين يصبح طوع بالحق مخزومي طير يا للي في السما رد الوصية = رد مرسولي ورجع بالعلومي اتصل باهل الوفا واهل الحمية = واعمد الطيب وجنبها الرخومي نصها ربع يحلون القضية = و اترك الرديان ما تقضي اللزومي و السلام ختامها مني تحية = و اسلموا يا سامعين بالعلومي رياض من الأدب الشعبي جمع وتأليف مبارك بن سيف بن غالب بن ذهيبان آل حميد الدوسري